مش عارف اعمل اية من بعدك يابنزين 95

**SAMEH_FOUAD** · 31-12-2012 11:46 AM

ياجماعة انا بجد مخنوق من حوار بنزين 95 دة انة غلى

لانى طبعا حولت الى 92 كبقية الشعب لانى معنديش استعداد ادفع 6 جنية للتر حرام يعنى حتى لو هقلل استخدامى بس ان افول عربيتى ب270 جنية دة مصيبة لوحديها وكمان مااضمنش اذا كان مغشوش ولا نظيف ساعتها يبقى انا برمى فلوسى فى الارض

ودلوقتى غصب عنى بمون 92 والعربية طبعا سحبها اختلف تماما للاقل طبعا , صوت الماتور على شوية , وكمان ملاحظ دة على كل عربيات الbmw , mercedes , passat

يعنى فية واحد صديقى معاة passat 2010 tsi ركبت معاة العربية بقولة يابنى عربيتك ماكنتش كدة , قالى الله يخربيت بنزين 92 هو اللى عامل فى العربية كدة قولتلة نفس الكلام عندى بردة صوت العربية على شوية , وكمان ال Accelleration قل , وطبيعى ال top speed

وكمان بعد ماكنت بتعمل 200/210 فى الصفيحة , دلوقتى بتعمل 180-190 بالكتير قوى لو ماشى 120-130

ياترى ياهونداوية اللى معاهم ال SiR - gsr - type r عاملين اية واللى معاهم السيفيك الجيل الثامن

انا قولت بس افضفض معاكوا

عشان خلاص مافيش جرى وشد وحرق , ومش مقتنع بال octane booster لو حتى اية , لانها فلوس على الفاضى فعلا وكمان بتأثر على اجزاء المحرك على المدى البعيد واولهم الرشاشات

**SAMEH_FOUAD** · 31-12-2012 03:29 PM

المشاركة الأصلية كتبت بواسطة محمد-علام

هههههههه ...حبيبي يا سامح ...معلش يا معلم ....أنا قلتلك من زمان خدها من قصيرها احسن ....خدتها غصب عنك ....يابني بنزين 95 بالنسبالي كانت أحلى فترة عشتها معاه بعد مشتريت العربية مباشرة ...ههههه ..طبعا كان معايه فلوس حلوة شويتين ...بس دلوقتي طبعا اتنفضت
بص يا سامح أنا ببنزين زي ال 95 ده خلاني أمشي أولاني تاني جنب 325 ac schnitzer ...واللهِ ماكنت مصدق نفسي وحاسس إني كنت في حلم لحد محط التالت وساعتها فوقت من أحلى حلم
يلا ...الحمد لله على نعمة البنزين اللي بيمشينا ....بص يا سامح هي دي النهاية بتاعت الجري ....بس برضه الحمد لله بحط بال 92 على عربيات كتير والحمدلله
بالنسبة لاوكتان بووستر كل اللي بيعمله إنه موفر بنزين بس ....يعني أنا فاكر إني مرة حطيته وكان بالمناسبه ماركة junk .....وفولت يا ريس .....بص ....رحت اسكندرية رايح جاي مرتين ...أنا عارف ...حتقول عليه بفتي ...بأقول أي بتنجان .......بس فعلا هو ده اللي حصل معايه ....موفر مووووووووووت .....لكن موضوع إنه بيرفع مش عارف ايه ويزود ايه ....مفيش الكلام ده
أنا قلتلك تجربتي معاه ايه
واخيرا إنت واحشني جدا جدا جدا

حبيب قلبى قبل اى كلام انت واحشنى جدااااااااااااااااااااااا والله ياعلام وبجد نفسى اشوفك ونتقابل ياكبير ان شاء الله المقابلة القادمة مش هتفلت هتكون موجود معانا بإذن الله

- بمناسبة بقى البنزين فكل كلمة انت قولتها صحيحة

- بس انا بقى جية معايا ال 92 بأستهلاك عكسى , بحوالة 30 كيلو ودة انا متوقعة وانا بمون

وربنا يسترها علينا فى البلد دية

وحبيب قلبى انت كلامك كلة ثقة يابرنس , وربنا يباركلك فى عربيتك

**ahmedeihab** · 02-01-2013 11:32 AM

المشاركة الأصلية كتبت بواسطة محمد-علام

ولله يا سامح شكلها بعد كده مفيش مقابلات ...قدر الله وما شاء فعل ...عملت حادثة بالعربية الساعة 1 بالليل يوم راس السنة ..ومش عايز اقولك ايه اللي حصل ...الحمد لله ...ربنا يكفيك شر الحوادث ويباركلك في عربيتك

بس بقا لانك من ساعت ما قولتلى و انا حالتى النفسيه زى الطين

الحمد لله على كل شيئ و فداك اى حاجه فى الدنيا المهم انك بخير

و انا تحت امرك يا علام فى اى حاجه هتطلبها

^_^

**محمد-علام** · 02-01-2013 11:52 AM

المشاركة الأصلية كتبت بواسطة ahmedeihab

بس بقا لانك من ساعت ما قولتلى و انا حالتى النفسيه زى الطين

الحمد لله على كل شيئ و فداك اى حاجه فى الدنيا المهم انك بخير

و انا تحت امرك يا علام فى اى حاجه هتطلبها

^_^

واللهِ العظيم ياحمد إنت مش متخيل زيها زي عيالي بالضبط ...كإن عيالي حصلهم حاجة واللهِ
واللهِ العظيم أنا بعيط ....بجد واللهِ كل يوم لما ابص عليها لازم اعيط ....واللهِ العظيم فعلا ....عياط عياط يعني مش بهرج ....مراتي بتقولي أنا لما شفت العربية حسيت إن حد من عيالي حصله حاجة ...وعيطت هي كمان ....واللهِ ياحمد زيها زي عيالي واللهِ ....بقالي 15 سنه بأحلم بالعربية دي ...وفرحت اوي لما ربنا كرمني بيها ....مش عارف أعمل ايه ....حسبي الله ونعم الوكيل ...إنّا لله وانا اليه راجعون

**hany63** · 02-01-2013 11:38 AM

المشاركة الأصلية كتبت بواسطة محمد-علام

ولله يا سامح شكلها بعد كده مفيش مقابلات ...قدر الله وما شاء فعل ...عملت حادثة بالعربية الساعة 1 بالليل يوم راس السنة ..ومش عايز اقولك ايه اللي حصل ...الحمد لله ...ربنا يكفيك شر الحوادث ويباركلك في عربيتك

حمد لله على سلامتك

**محمد-علام** · 02-01-2013 11:54 AM

المشاركة الأصلية كتبت بواسطة hany63

حمد لله على سلامتك

الله يسلمك يا هاني ..ربنا يكفيك شر الحوادث ...أمين

**tarekomar66** · 12-01-2013 08:31 PM

المشاركة الأصلية كتبت بواسطة محمد-علام

ولله يا سامح شكلها بعد كده مفيش مقابلات ...قدر الله وما شاء فعل ...عملت حادثة بالعربية الساعة 1 بالليل يوم راس السنة ..ومش عايز اقولك ايه اللي حصل ...الحمد لله ...ربنا يكفيك شر الحوادث ويباركلك في عربيتك

الف مليون سلامه عليك يا علام والله ما عرفت غير دلوقتى , ربنا يعوض عليك وان شاء الله ترجعها احسن مما كانت والمهم سلامتك انته , الف سلامه عليك

**hany63** · 31-12-2012 12:30 PM

والله انا كنت بحط ال 95 من الزيرو و اتهفيت مره و حطيته بعد ماغلي لقيت العامل بيقول لي 178 جنيه ياباشا و دي كانت اخر مره و عنها بفول حاليا ب 55 جنيه
اللي لاحظته ان صوت الموتور علي سنه بسيطه و السحب ما قلش بس انا قللت من القرص على الموتور فوق ال 4000 لفه على سبيل الاحتياط
اللي مجنني في الموضوع نفسي اعرف الباشوات اللي طلعوا القرار ده وفروا ايه؟
ولا مليم بالعكس ده هو كده زود حجم الدعم على بنزين 92 عشان كله غير من 95 ل 92 اللي دعمه اعلى
يعني هيدفعوا زياده عشان يغلسوا على مخاليق ربنا و يدمروا المواتير على المدى الطويل
امتى يجيبوا ناس تاخد قرار و تكون بتفهم