الموضوع: مش عارف اعمل اية من بعدك يابنزين 95

المشاركة الأصلية كتبت بواسطة hany63

والله انا كنت بحط ال 95 من الزيرو و اتهفيت مره و حطيته بعد ماغلي لقيت العامل بيقول لي 178 جنيه ياباشا و دي كانت اخر مره و عنها بفول حاليا ب 55 جنيه
اللي لاحظته ان صوت الموتور علي سنه بسيطه و السحب ما قلش بس انا قللت من القرص على الموتور فوق ال 4000 لفه على سبيل الاحتياط
اللي مجنني في الموضوع نفسي اعرف الباشوات اللي طلعوا القرار ده وفروا ايه؟
ولا مليم بالعكس ده هو كده زود حجم الدعم على بنزين 92 عشان كله غير من 95 ل 92 اللي دعمه اعلى
يعني هيدفعوا زياده عشان يغلسوا على مخاليق ربنا و يدمروا المواتير على المدى الطويل
امتى يجيبوا ناس تاخد قرار و تكون بتفهم

انا فعلا عندى صوت الماتور على , بس انا بقى حسبتها قبل ماادخل المحطة لقيت نفسى هعمل 230 جنية فى التفويلة وكان فاضى فى التانك حوالى 5 لتر من ابو 2.75 , قولت لية يعنى عنها ماخدت 95 , وطبعا الراجل حافظنى لانى مابمونش غير من البنزينة دية , ولقيتة رايح يقولى 95 ان شاء الله قولتلة لألألألألألألألألأ 92 بإذن الله , قالى لية كدة قولتلة عشان الحكومة تتبسط

المشاركة الأصلية كتبت بواسطة akmm

فعلا قرار مالوش اى لازمه ... بل العكس اثر على الطلب بتاع 92 زاد كتيييييييير واللى وفره فى ال95 راح واكتر فى ال92 ... ناهيك عن الدمار النفسى للى كان بيحط 95 لموتور عربيته ليس الا للمحافظه عليه ... لأن 95 عندا بشولئبه ومخلوطاته واللى منه هو فى النهايه 92 او اقل . وعجبى .

لأ فية عربيات متطلبة ل95 والا اداءها هيختلف ومش هتحس انك راكب العربية اللى انت اشتريتها فى الاول

المشاركة الأصلية كتبت بواسطة hamada maher

ماله يعني ال92 من يوم ما اشتريت العربيه وبحطه والعربيه تمام وزي الفل

ماهو يا محمد لو جربت ال95 هتعرف انا بتكلم فى اية

المشاركة الأصلية كتبت بواسطة ahmedeihab

انا من ساعت ما سقطت المكنه و انا بحط 92

ال 95 ده كنت بحطه لما يبقى ورايا طلعه

بس دلوقتى بحط 20 لتر 92 و معاهم اوكتان بوستر بيرفع الاوكتان سنه بسيطه

بس هنعمل ايه هو ده اقصى جهودنا

الحمد لله اننا معناش عربيه تيربو كان زمنا بنغنى ظلموه

و اكيد اللى معاه تيربو و بيحط 92 بيسمع تسقيف و الكلام ده عندى فى حد ذاته عربيه 28 محطوطلها 80

الله يعينهم كل من معه موتور مزود بشاحن توربينى

بس الحمد لله يا سامح احنا احسن منهم يعنى لما هتحط 92 مش هيقولك لاء و لا هتسمع تسقيف

اه العربيه هتبقى مكتومه سيكه بس اشطه مش فارق طالما العربيه فايقه

ممكن الواحد قبل ما يطلع يجرى يبقى معاه ازازه مياه أيثانول

قبل الجريه الواحد يحط نص كوبايه على 20 لتر يمكن يعمل حاجه علشان ميبقاش حامى على الغرفه

^_^

هههههههههه ياعم ايثناول اية دة عشان اوفر تمن بنزين 95 اضيع ماتور باللاف الجنيهات

وبعدين يابو حميد انت اكتر واحد محتاج ال 95 بس انت بتضحك على نفسك

المشاركة الأصلية كتبت بواسطة Saeed-Taha

المصيبة الاكبر بقى لو بجد كمان شالوا الدعم بتاع الـ 92
أو زى ما بيقولوا هيعملوه بكوبونات

أحنا عملنا ثورة عشان نرتاح ولا ينكدوا علينا أكتر!!

هيتعمل ياسعيد شهر 4 القادم , كل واحد لية 150 لتر فى الشهر بأجمالى 1800 لتر فى السنة

المشاركة الأصلية كتبت بواسطة sanhory

92 بتاع الغلابة بحطه من ساعة ما كان معايا ال sir و محولتش اعلق نفسي بال 95

ولما جيبت ال 2008 قولت ياد فول مره قبل ما يغلى عشان تشوف عامل ازاي في العربية بس الحقيقة محستش بفرق خزعبلي و اهي ماشية ب 92 زي الفل

حبيب ياسنهورى , بس خلى بالك انك فى ال SiR بتاعتك بالماتور ال b16a5 كنت عارف يعنى اية بنزين 95

لكن لما سقطت الماتور b16a6 مش هتحس بية عشان نسبة الانضغاك 10:2 فاميش مشاكل

لكن اكيد اكيد الفرق بال95 غير بال 92 نهائيا

المشاركة الأصلية كتبت بواسطة Formulator

هو الحمد لله ان إحنا فـ الشتاء
عشان كده التأثير المدمر لـ92 لسه ماظهرش أوى (فيه فرق طبعا فـ السحب)؟!!

- يعنى دلوقتى درجات الحرارة بتبقى 18 بالنهار و9-10 بالليل
وده مقلل intake Air Temperature جااااااااااااااامد -بالذات فـ مواتير الشحن
فـ طبعا مفيش knock/detonation لحد كده..

لكن أول ما الصيف يخش بقى يامعلم.. قابل الـ50 درجة+التكييف+92 =
ربنا يجازى الفكيك اللى كان السبب؟!!!

طبيعى يادرش

ومش عايز اقولك بقى فى الصيف مع الحرارة ومع الفلتر الاسبور + بنزين 92 يعنى الواحد هيمشى غصب عنة محترم

واخيرا سوف تنتهى فى المنتدى مواضيع الشد وال drag races