مش عارف اعمل اية من بعدك يابنزين 95

**SAMEH_FOUAD** · 01-01-2013 12:28 PM

المشاركة الأصلية كتبت بواسطة hany63

- فعلا: انتو مش ملاحظين ان مواضيع الشد والجرى تقريبا انتهت فـ المنتدى؟!!!
أصلا كل اللى كانوا بيدوسوا ويحرقوا بقلب ثقيل.. أساسى 95
منه لله اللى كان السبب؟!!!

للاسف اللي فيه داء ما يبطلوش
وانتظروا موضوعي القادم و عنوانه

شدايه نار مع التوكتوك الجبار[/quote]

منتظرين ياهانى باشا الشداية دية مع انى لية حاسس كدة انك تقصد بالتوكتك الجبار عربية من اياهم هههههههههه وادينا مستننين

**SAMEH_FOUAD** · 01-01-2013 12:33 PM

المشاركة الأصلية كتبت بواسطة dede_dodo88

في مرات فعلاً بفول فيها و بحس أنه مغشوش مش 95 لأن بلاقي العربية صوتها علي و السحب قل كتير.. يعني الواحد برضه يدفع قد كده و مياخودش جودة كويسة!!
و كل مرة أفول عامل البنزينة يأكد عليا على السعر الجديد و أنا ببقى عايز أؤكد عليه أنه 95 مش مغشوش..

انا هية بنزينة واحدة اللى بمون منها مافيش غيرها سواء 95 سابقا

او 92 حاليا

ههههههههههههه

والله انا مرة فضلت عامل البنزينة اقولة دة بنزين 95 مضروب ولا طبيعى , قالى يعنى اية وعامل نفسة عبيط , قولتلة بقولك اية البنزين دة مخلط , ولا بنزين 95 على ابوة , راح قايلى عيب يابية والله نظيف قولتلة العربية هتبين اذا كان مغشوش ولا مش مغشوش , راح باصص للعربية اوى كدة , هية فيها جهاز بيبين نوع البنزين , قولتلة مش بالظبط كدة , بس هيتعرف

قالى والله كويس ونظيف ماتقلقش , وفعلا مونت طلع البنزين نظيف ومش مضروب

**SAMEH_FOUAD** · 01-01-2013 01:17 PM

المشاركة الأصلية كتبت بواسطة dede_dodo88

طب متغششني كده lol

فية عندك موبيل فى المهندسين اللى فى اخر شارع البطل احمد عبد العزيز من عند شارع جامعة الدول العربية ( على الصف اللى فية هارديز )

وفية عندك موبيل عند كورنيش فم الخليج قبل مدخل المنيل , يعنى لو انت جاى من عبد المنعم رياض وواخد الكورنيش هتفضل ماشى لحد ماتعدى القصر العينى وتعدى مدخل المنيل وبعد كدة هتلاقى عندك ميدان فم الخليج هتمشى لحد اخر الشارع هتلاقى البنزينة الناحية التانية , وعشان تلفلها ماتتطلعش الكوبرى خليج من تحتية فى اول شمال يقابلك

بنزين الاتنين دول تحفة الصراحة ونظيف جدا

**SAMEH_FOUAD** · 01-01-2013 01:17 PM

المشاركة الأصلية كتبت بواسطة belladona

ههههههههههههه مرحبا بكم في عصر الحرية والديمقراطية احناااااا في زمن النففففففخ

ههههههههههههههههه , ولسة ياما هنشوف

**SAMEH_FOUAD** · 01-01-2013 02:35 PM

المشاركة الأصلية كتبت بواسطة dede_dodo88

لا أنت كده عديت الناحية التانية و بعدت أوي lol
اللي هو عشان أروح أفول في المهندسين و أرجع مصر الجديدة تاني على ما أرجع هكون محتاج تفويلة تانية
أنا عارف بتاعة المهندسين دي بس معرفش بتاعة فم الخليج لأني معرفش المنيل نفسها فين الحقيقة

بس ثانكيو سمسم بيه :)

بس هو عموماً مفيش بنزينة لموبيل برتاح لبنزينها يعني مثلاً بتاعة التجمع الخامس كانت مش قد كده و بتاعة صلاح سالم كانت سيئة..
اللي جربته و حسيت فعلاً أني حاطط 95 كانت شيل في التجمع و أي بنزينة كالتكس..

مانا اكتشفت بعد كدة انك كاتب محل الاقامة هيليوبليس

معلش ياباشا عندى انا دية

اصلى كنت بعمل نفس احساسك بالظبط انا ساكن فى وسط البلد وبروح المهندسين عشان امون فببقى عارف ان لازم اهدر 2/3 لتر فى المشوار دة , عشان كدة كنت بخرج من البنزينة وامشى من غير شد وحرق عشان اوفر بنزين وبعد كدة اجرى براحتى بقى واعمل اللى انا عايزة