بص رغم الصراحة انى شايل منك علشان كرهك الغير محدود للعربيات الكورى وانك بتحسس الواحد انو راكب توك توك صينى معفن مخبوط من تريلا 4 مرات :E_braces[1]:
بس برده احييييييك بشده على الشرح الجميل ده .. ..
الموضوع دة صعب جدااااااااااااااااااااااا اااا , ومكلف جدا وبعدين مش هتلاقى اصلا هنا اللى يقدر يعمل دة بأاحترافية
اولا : انت محتاج الاتى :
1- kit كامل لاجزاء ماتور الخاصة بالفليوستر وطبعا دية لوحدها هتكون بمبالغ غالية جدا غير ماانت متوقع
2- عايز وش سلندر كامل + مجموعة التغذية
3- عايز طلمبة بنزين الخاصة بالهيونداى
4- تعديل كامل لل exhaust عشان يستجيب مع قوة المحرك
5- طبعا عمل remap لل ecu ولازم سوفت وير ينزل
6- طبيعى هتكون فية sensors مش موجودة عندك لان ماتور الفليوستر direct- injection مقابل multi-point او حقن متعدد النقاط فالدنيا هنا غير الدنيا تماما , فمتهيألى هيكون فى تعديل فى ضفيرة العربية
7- المفروض بقى العربية لازم هيركبلها طنابير اقوى او على الاقل ( system brembo ) كامل امامى وخلفى
8- full sport suspension
9- stablizar bar
منور الموضوع يا كبير
بالنسبه للاسعار انا ضربت رقم تقريبى و ليس نهائى . يعنى رقم مبدائى
و الطرق الاخرى للتربنه مش احسن و لا حاجه .غير فى انك ممكن تعلى عدد احصنه اكتر بس هتصرف اكتر .
اللى انا بتكلم فيه هو انك هتاخد قطع من موتور استيراد فيلوستر تيربو و تركبها عندك فى نفس موتورك .
فقط لا غير .يعنى هتحتفظ بنفس هيكل موتورك من برا برقم الموتور كمان و هتركب تيربو و بساتم و رشاشات و غيرها من الاجزاء .و هنعمل ريماب عند سامح شيبس . و بكده يبقى تربنت العربيه بتربو اصلى و نازل من نفس الشركه المصنعه و كده هيكون امن جدا و مش هيطير الموتور و لا هيبوظه .و يعيش كتير و تقرص براحتك خالص .
هى دى النقطه اللى اقصدها .
اسقط تيربو و بساتم و رشاشات و كل اللى احتاجه من موتور ال gdi على موتور ال g4fc لانهم نفس الابعاد و المقاسات و كده يعنى .
فانا عاوز استفاد من الميزه دى فقط لا غير .
هشيل من هنا و اركب هنا و اعمل ريماب و بس خلاص
و الله اعلم
بالنسبه للاسعار لما هتجيب موتور استيراد من برا مصر من كوريا مثلا هيقف عليك بكام ؟؟؟ دى العربيه كلها كامله نصين بتقف عليك باقل من 30 الف .
وتكملة كمان لمشاركتى اللى فاتت
10- محتاج تعديل كامل لدورة التبريد عندك
وفى الاخر بعد ماتعمل كل دة اللى هياخد اصلا شهر او شهر ونص , انك ماتلاقيش التكلفة عدت تمن العربية + يارب ينفع والماتور ماينفجرش , لان ال materials اللى بيتصنع منها المحرك للمواصفات العادية غير ال materials اللى بيتصنع منها المحرك المؤهل للشحن الجبرى ( turbo charged )
فانا متوقع مثلا ان الماتور مش هيستحمل ال load والحرارة العالية ولا حتى ال block هتستحمل
راكب كيت كامله من الترا ريس .
دا غير تعديل غير عادى فى العفشه الخلفيه .هقلبها زى الاوبل استرا من الخلف .
للاسف يا ريت كانت معايا هوندا سيفيك القديمه لانها عجبانى جدا بصراحه لما سقتها .ناعمه و ثابته فى نفس الوقت و سريعه و فيها كل حاجه ما عدا انها واطيه فى المطبات بس .
و موتورها لما اتفتح عشان تغيير طرمبة ميه .لقيته نضيف جدا مع انه ماشى كتييييييييييير ما شاء الله .
الهوندا القديمه فعلا ممتازه ملتى لينك و محترمه انما 2013 تورشن بيم بردو ههههههههههه زى السيراتو للاسف
طيب هل انت هتلاقى ماتور هيونداى فيلوستر استيراد اللى اصلا لسة نازلة
ثانيا انت كاتب التكلفة من 6الاف الى 7 الاف جنية , فى حين ان سعر الماتور بس بعد الجمرك هيعدى ال20 الف جنية
يعنى التكلفة هتعدى ياباشا
ياحودة انت عشان بس تركب turbo kit محترم على نفس ماتورك هتتكلف 15000 الف جنية ولو عايز حاجة صينى هتدخل فى 7 الاف جنية
مابالك بقى تعديل محرك كاااااامل
وياباشا اتفضل ماتغلاش عليك الهوندا
بس على فكرة السيفيك 2012/2013 عفشتها الخلفية multi- link
طبعا مفيش كلام بعد فورميلاتور
انا مش خبره فى موضوع التسقيط بس اعتقد ان الفكره ممكن تنفيذها بس مش ب 7 خالص اعتقد الرقم هايبقى الضعف على الاقل
انا مستحرم بصراحة الشغل ده كله والفلوس اللى ممكن تتصرف وفى الاخر مش هتلاقى harmony زى الاستوك
انا زى ابتراوى بالظبط ماليش خبرة فى تسقيط المواتير ولكن واضح ان الموضوع كبير
يا محمد مش زى ما انت متصور النظرى شى والتنفيذ شى مختلف تماما
من الاخر العربية مش هتستحمل كل الباور ده من شاسيه وعفشة .