انفراد حصري لنايل موتورز...حقيبة الإسعاف المعتمدة بالصور

**badblood** · 23-07-2008 01:35 AM

الوام كل مواطن بشراء سيارة اسعاف تتعبه نظرا لانشغال الحكومة بأعمال اخرى لصالح المواطن المصري
وعلى المتضرر اللجوء لله سبحانه وتعالى
وعجبي

**Ramy.Gamal** · 23-07-2008 02:06 AM

اخر الكلام فيه مهله 3 شهور بعد شكاوى المواطنون من عدم توافر المثلث وشنطه الاسعافات

**Nile_Storm** · 23-07-2008 12:59 PM

المشاركة الأصلية كتبت بواسطة Hisham_ElFeky

أنا سألت أختي وهبا عندها صيدلية علي الخامات دي كلها وعرفت أنها تتكلف ٩٠ جنيه

وبعد كده عرفت انها هتنزل بــ ٤٠ جنيه قسألتها قالتلي أكيد هيعملهوها بتاريخ صلاحية

وخامات فاضلها شهر واتنين وتتعدم اصلا

علشان المصحلة تبقي كل سنة مش مرة وخلاص

اه يا بلد

كلامك سليم يا هشام
انا سألت والد و اداني سعر قريب من السعر ده و اللي ينرفز حكايه ال 40 جنيه دي
اكيد هتكون حاجات مضروبه و هتبوظ " شكل القانون معمول ليها " :( :(

**ibrahimsaad** · 23-07-2008 02:40 PM

انا بصراحه شايف انها مجرد سبوبه لواحد من اياهم عاوز يمص دم الشعب المصرى
ماهو الشعب المصرى اصبح فأر تجارب لقوانين الحكومه واصحاب رجال الاعمال هواه جمع الفلوس وباى طريقه كانت من الشعب المصرى حتى لو على حساب صحته
ربنا يستر علينا ويرحمنا من اللى مايتسموا

**smsmbakr** · 23-07-2008 08:03 PM

ممكن أسأل سؤال
هو مين فينا هيعرف يستخدم الحاجات الي في الشنطة ليه او لغيرة ؟؟؟؟؟؟؟
* دا المسعف مبيستخدمش الحاجات دي .........
* وبينقل المصاب للمستشفى على الفور ........
طيب المثلث ماشي والحزام ماشي
طيب ايه لازمة الشنطة ؟؟؟؟؟
حد يرد عليا

**affosah** · 23-07-2008 11:00 PM

يا جماعة أغلب دول العالم عندهم الموضوع ده من زمان وكنت دايما مستغرب ليه مصر لا تشترط وجود شنطة إسعافات ومثلث مرور في السيارات عند التجديد والترخيص
يعني القانون ده جاي متأخر مع إنه ضروري وراح يساعد في رفع مستوى السلامة على الطرقات
بس بصراحة انا اول ما سمعت عن مواصفات الشنطة اللي حطتها وزارة الصحة استغربت جدا واعتبرتها مواصفات تعجيزية يعني ازاي شنطة مصنوعة من المعدن؟ وليه ؟ ولمصلحة مين؟؟؟ وفيها اكتر من 15 صنف كثيييير اوي انا اللي اعرفه ان الشنطة دي بتبقى بلاستيك صغيرة نوعا ما وفيها الحاجات الضرورية فقط

**magomago** · 24-07-2008 01:45 PM

المشاركة الأصلية كتبت بواسطة affosah

اعتبرتها مواصفات تعجيزية يعني ازاي شنطة مصنوعة من المعدن؟ وليه ؟ ولمصلحة مين؟؟؟ وفيها اكتر من 15 صنف كثيييير اوي انا اللي اعرفه ان الشنطة دي بتبقى بلاستيك صغيرة نوعا ما وفيها الحاجات الضرورية فقط

هى لو معدن يبقى هاتستحمل وتعيش ..لان البلاستيك ممكن يسيح فى الشنطة او المحتويات تتبهدل وصلاحيتها تنتهى
بس عشان الانتعاش الاقتصادى ووفرة الحديد فى البلد افضل تكون بلاستيك