الموضوع: انفراد حصري لنايل موتورز...حقيبة الإسعاف المعتمدة بالصور

ههههههههههههههههههههههههه هههههههههههههه
حكومه اللى ماسكها حبه...... مش عارفين يجيبوا فلوس منين؟؟؟ غلوا البنزين لقوا الموضوع مش كفايه غلو التراخيص بتاعه العربيات لقوا الموضوع مش كفايه قالوا خلاص نجيبها من اخرها ونحطلهم قوانين تعجزهم علشان نجيب فلوس
انا زهقت هوا صاحب العربيه اللى جايب ماروتى تقسيط ولا اللى جايب 128 مستعمله ناقص مصاريف؟؟؟؟؟؟؟ النهارده الجدع مش اللى يجيب عربيه الجدع اللى يلاحق على مصاريفها بعد ما يجيبها
انا مش عارف حقيبه الاسعافات دى لازمتها ايه؟؟؟؟؟؟؟؟؟
انا هقولكوا بصراحه ( ان هو موضوع استغلال فقط ليس الا) انا اصلا الحمد طبيب وانا زمان حصلتلى حادثه فى ميدان رمسيس اللى جنبه مليون مستشفى
انا مش لاقى ولا حاجه فى شنطه الاسعافات دى كانت تنفعنى ساعتها انا كانت رجلى على وشك تروح لولا انى روحت فى تاكسى اكرر تاكسى اكرر تاكسى وليست سياره اسعاف حتى رغم ان كذا واحد كلمها لان كان فى كذا واحد مصاب وربنا ستر
احنا حوادثنا مش زى اوروبا كسر رجل ولا خدوش ولا جروح سطحيه احنا حوادثنا يا مفيش يا موته مفيش وسط
(جدير بالذكر هاتلى عربيه تحت طائفه ال100 الف فيها عوامل امان او حتى ايرباجز)
على رأى العضو دول لو بنى ادمين عايزين يصلحوا يلموا من كل واحد بيرخص 100 جنيه ويجيبوا بيها عربيات اسعاف
ههههههههههههههههههههههههه ههههههههههههههههه قال حكومه قال

المشاركة الأصلية كتبت بواسطة وائل رفيق

السادة الزملاء اعضاء المنتدى
تحية طيبة وبعد،
بعد مشاهدتى لموضوع حقيبة الاسعافات الأولية المنشور على المنتدى أود إفادتكم بما يلى مع عظيم احترامى للمسئولين عن الموضوع:
1- الحقيبة غير مطابقة للمواصفات المحددة بمعرفة وزارة الداخلية ووزارة الصحة.
2- مذكور ضمن مواصفات الحقيبة التى اعلنت من قبل وزارة الصحة والداخلية ونشرت بالجرائد أن الحقيبة مصنوعة من مادة معدنية غير قابلة للصدأ وسهلة التنظيف والتطهير وبمقاسات ووزن محدد، والحقيبة المعروضة بلاستيك خفيف جداً.
3- الحقيبة المنشور صورها محتوياته من نوعية ليست جيدة.
4- الحقيبة موجودة لدى محلات بيع الأدوات والمستلزمات الطبية الموجودة بشارع رمسيس أما م مسجد النور بالعباسية وسعرها يتراوح من 80 - 95 جنيه.
5- أعلن السيد وزير الداخلية تأجيل العمل بموضوع حقيبة الاسعافات الأولية لمدة 3 شهور لحين تكليف شركات متخصصة بتوفيرها فى إدارات المرور بسعر ل يتجاوز 45 جنيها لعدم السماح للتجار باستغلال الموقف وبيع حقائب غير مطابقة للمواصفاتز

ارجو أن أكون قدمت لكم إفادة وأنصح بالتريث فى شراء الحقيبة المعروضة لحين طرحها بغدارات المرور.

فعلا يا اخوة استاذ وائل كلامة صحيح قالو ان الحقيبة مصنوعة من الصلب الذي لا يصدأ يعني استانليس مثلا
علي فكرة انا شوفتها في التوفيقيه الاسبوع اللي فات مش في محل كان فيه واحد ماشي ومعاه 3 حقائب من النوع ده عبارة عن متوازي مستطيلات من الاستانليس وشكلها شيك جدا وعليها بادج بارز بس طبعا كان عامل كانه شايل كنز في ايده وبيجري بيه والدنيا كان ليل وملحقتش اصورها للاسف
عموما يا خبر النهاردة بفلوس