ايه اسباب تلف قواعد الفتيس ؟؟

**Land_Cruiser** · 04-01-2013 04:56 AM

المشاركة الأصلية كتبت بواسطة abdm

طيب بالنسبة للفتيس الآتوماتيك هل بيعانى هو كمان نفس المشكلة بتاعت القواعد ولا مش موجودة فية .

وجزاكم الله خيرا

لا يا فندم الكلام على المانيوال بس و الاتوماتيك مش موجوده فيه رعشه لان الجير بوكس مختلف طبعا و ان كنت عند رأيي ان الرعشه البسيطه اللى فى المانيوال مش عيب لكن هو تصميم الفتيس كده بينما لو زادت عن الطبيعى يبقى ساعتها ممكن تبقى فى حاجه فى القواعد

**dr_ahmed_kaf** · 04-01-2013 09:41 AM

المشاركة الأصلية كتبت بواسطة youssef.awad

ههههههههههههههههه زيى تمام .. انا ايدى فيها عالطول وماحدش بيلمسها غيرى وصيانات دورية كلها بالتوكيل من وقت ما استلمتها ومش متخيل انى ممكن ابيعها فى يوم من الايام لان ليا معاها ذكريات جميلة وحمالة قسية

موضوع الرعشة ده طبيعى فى كل الصنى من وقت ما كانت زيرو يعنى مش موضوع عيب صناعة ولا حاجة لكن تلف القواعد بيزود الرعشة اكتر اشوية .. وانا عن نفسى لما مهندس التوكيل قالى محتاجة تتغير وقالى الاعراض بينى وبينك انا ما لاحظتش ان هناك فرق كبير اوى
وبعدين لو محتاج تقضى على رعشة الفتيس (فك حساس الاكسجين او الفيشة البنى فى وش الموتور) .. والكلام ده على عهدة خبيرنا ومستشارنا الفنى الاستاذ احمد ابراهيم fbiahmed :e_braces[1]:
وكمان الفتيس له 4 قواعد تقريبا يعنى لو واحدة مشققة بسيط مش هاتضر العربية اوى لو سيبتها شوية (خاصة فى حالتى لو مسافر والعربية اغلب السنة مركونة)
وبمناسبة الفرامل .. تيل عربيتى صنى 2010 لحد دلوقت 70 الف كم ما شاء الله وسمكه لسه 6 مللى
فى الوقت اللى فيه تيل السبورتاج 2012 محتاج تغيير وقدامه 2 مللى ع الحد الاقصى والعربية لسه 21500 كم !!!
عمار يا نيساااااااااااااااان

أنا بقى عندي صني 2012 مانيوال و غيرت تيل في التوكيل و هيا عملة 18500 كيلو بس!!!!
و لما غيرو التيل لقيت اليمين هوا اللي خلصان بس و اللي نحية الشمال كويس و لما قولتلهم إية السبب قالولي توزيع حمال إزاي مش فاهم ؟؟؟؟؟ و قلتلهم المفروض دا عيب صناعة قالولي التيل مش فيالضمان قولت أمري لله هغيرو على حسابي و فعلا غيرتو ب 300 ج فىمودرن أبو رواش.

**bassol2000** · 04-01-2013 03:13 PM

المشاركة الأصلية كتبت بواسطة dr_ahmed_kaf

[/color]

أنا بقى عندي صني 2012 مانيوال و غيرت تيل في التوكيل و هيا عملة 18500 كيلو بس!!!!
و لما غيرو التيل لقيت اليمين هوا اللي خلصان بس و اللي نحية الشمال كويس و لما قولتلهم إية السبب قالولي توزيع حمال إزاي مش فاهم ؟؟؟؟؟ و قلتلهم المفروض دا عيب صناعة قالولي التيل مش فيالضمان قولت أمري لله هغيرو على حسابي و فعلا غيرتو ب 300 ج فىمودرن أبو رواش.

مودرن

توزيع احـمال

الكلمه دى بتفكرني بالكلمه دى ( تخفيف احمال ) .. انا مش بفتي .. بس انا ماشي بالفرامل حاجه و 50 الف .. ماشتكتش .. و الاستاذ يوسف تقريبا العربيه نفس موديل السنه و عادى برضه الحياة جميلة

مش بنصح بمودرن ليا تجربة مريرة واحده و اكتفيت ( ربطوا العفشه فى 4 ساعات ) بس

**SonaSteel** · 04-01-2013 03:32 PM

للأمانة .... فيه مهندس بره التوكيل وانا بغير التيل لقيت التيل اليمين متاكل عن الشمال
قالي العربيات (الياباني تقريبا) كلها كده .. بتاكل التيل اليمين عن الشمال
علشان كده وانا بكشف علي التيل بفك الفرده اليمين لو كويسة يبقي التيل كويس .... لو متاكل يبقي يتغير

وفعلا عندي اليمين كان فاضي فيه بتاع 2 مم والشمال 4 مم ولا حاجة

**Youssef.Awad** · 04-01-2013 10:33 PM

المشاركة الأصلية كتبت بواسطة youssef_u

صني ٢٠٠٥ في السعودية مغيرتش تيل لحد ١٢٠ الف و كان لسه سليم لحد ما اتباعت

اريد تفسير

بص الصنى N16 تيل فراملها مش بيتغير قبل 30-40 الف كم لو انت هاريها وبتقف فوقيها وجوة مدينة زحمة ووقوف كتير متكرر زى القاهرة مثلا
وفى المتوسط بيتغير بين 60-80 الف كم للناس اللى بيسوقوا جوة وبرة البلد مختلط بنسبة 35-65%
اما 120 الف كم ده حد اقصى وغالبا مش بيتحقق الا لو واحد اغلب مشاويره سفر طويل وده متوفر فى السعودية طرق سريعة مش اقل من 350 كم لحد 1500 كم وسرعات عالية يعنى طبيعى يستهلك كاوتش وبنزين اكتر من تيل فرامل

**Ahmed.TV** · 05-01-2013 01:41 AM

انا عربيتى بقالها 3 سنين وعاملة 55 الف كيلو .. وعندى احيانا رجة فى فى الفتيس الاتوماتيك .. لما اكون دايس فرامل وواقف على مصد عالى وانا جايب غيار الـ d وحسيت انها قاعدة فتيس .. ولما سالت فى التوكيل قالولى دى اعراض قاعدة الفتيس

ولما اكشف واعمل الصيانة الجاية حقولكم

ووارد مع شوارع مصر .. انها مش تقعد بال5 سنين او اكتر .