الفابيا هتجننى

**اسماعيل99** · 03-01-2013 12:25 AM

السلام عليكم . انا عاوز اخد رايكم فى حاجة بقالها يومين بتحصل معيا . اولا انا عربيتى ( فابيا الف سى سى 2002 ) العربية كنت بامشى بيها باجيب 140 و بيبقى لسه فيها كمان بس انا مش بقرص عليها من يومين وانا ماشى جبت الغيار الخامس وقلت اسوق على 120 او 130 لقيت العربية وقفت عند ال 105 او 110 وعداد الضغطة مش بيعدى 40 واقل سنة دوست بنزين اكتر لغاية ما جبت اخر الدواسةوبرضه زى ما هو قمت جايب الغيار الرابع وسبتها ماشة حوالى 10 دقايق وبعدين جبت الخامس ولقيتها رجعت عادية ووصلت لسرعة 140 وكان لسه فيها كمان . النهاردة حصل معيا نفس القصة تانى بس العربية كانت على 120 وجبت اخر الدواسة مفيش المهم عطتها الرابع وبعدين عطيتها الخامس وجبت اخر الدواسة ووصلت ل 140 بس ده كان اخرها وكانت علامة قوة الدوسة مش بتعدى 45 نهائيا مع انى جبت اخر دواسة البنزين . ممكن حد يفيدنى فى الموضوع ده

**sakr_skoda** · 03-01-2013 07:36 AM

وعليكم السلام ورحمة الله وبركاته :

اولا انا مش تيم الفيبيا فيه رجاله مخصصة هنا فى القسم للفيبيا بس للأسف قمشانين شوية يارب يصحوا بس انا حقول على شويه حاجات بتحصل عامة....
ليا سؤال الأل حضرتك بتسمع وقود ايه للسيارة ؟؟؟؟

المشكلة اللى حضرتك بتقول عليها دى ممكن تحصل من عدة جهات:0
1- الراشاشات ودى اهم حاجة اكيد فيه وسخ عاوزة تتنضغ لن طبعا عربيتك انجكشن مش كدا ولا ايه ....*
2- شوف البوجيهات (المشاعل ) اخبارهم ايه....
3- اخر مرة كشفت على زيت الفتيس امتى ....
4- اخبار سيرفو الفرامل ايه *ممكن تكون فيه فردة بتقفش بتقلل فى عزم السيارة ....

طبعا دا اللى اقدر افيدك بيه دلوقتى ويارب يارب رجالة الفيبيا يصحوا بقى ....*

**aw2100** · 03-01-2013 10:09 PM

ممكن يكون العيب فى كابل البنزين انة بيعلق معاك علشان كدة بتدوس على البنزين على الأخر والrbm مابيزيدش معاك ودة حيحتاج شوية زيت على الكابل وبسيطة ان شاء الله ؟؟؟