الموضوع: عملت حادثه بالتيجو و الحمد لله ربنا ستر

المشاركة الأصلية كتبت بواسطة besokate

العربيه ديه تقرييبا انا شفتها وهيا عالونش كان ماشي ناحيه ابو قتاته جنب مترو الجامعه وكانت نازله من دائري صفط والجنب اليمين هو اللي دخل في العمود صح وصاحبها كان راكب جواها شاب رفيع كده

هو انا وربنا ده انا اتشهرت اوي كده ..... وشكرا علي ردك وادعيلي ربنا يصبرني بصراحه انا فرحان بالعربيه ودي اول مره اجيب زيرو بس ربنا ليه في قضائه حكمه

المشاركة الأصلية كتبت بواسطة leitosr

أستاذ جابر حمدلله علي سلامتك أولاً
وبخصوص موضوع الأيرباج دا عشان متقلقش نفسك وعشان في ناس بتتكلم من غير ما تفهم أليه عمل الأير باج وهتقلقك من غير لازمة, وواضح من كلامك عن حادثتك أنها بسيطة وهتروح قافش عليهم في التوكيل ان عربيتك فيها عطل وهيا مفهاش في الغالب

الأير باج مش بيفتح غير لما بتكون الخبطة جامدة, يعني لو أنت ماشي بسرعة وحصل أصطدام علي سرعة عالية والخبطة عدت الرادياتير وموقفتش عنده وفضلت مكمله.

عشان أنا قبل كدا نزلت تحت عربية نقل بلانسر والأيرباج مفتحتش وعشت فالوهم دا, بس لما صلحت العربية وكان كل اللي تضرر فيها اكصدام ورفرف وفانوس واربة مية يعني حتة الخبكة مكنتش وصلت للردياتير ولا الموتور عرفت ليه الأيرباج مفتحتش,
وواحدة قريبتي عملت حادثة بنيسان صني واحد تاكس خبطها من الجنب زي حادثتك ولبست في عربية واقفة جنب الرصيف من ضهرها خرشمتها والايرباج مفتحش لان الخبطة موصلتش للراديادتير برضه
و90% من حوادث مصر او العربيات اللي متشالة علي كساحات وهيا عاملة حوادث بسيطة زي دي بتطلع تمشي منها علي رجلك الأير باج مش بتفتح فيها..

الأير باج بتفتح في الحادثة الكبيرة فقط, ولما الصدمة توصل للسنسور بتاعها
"a vehicle's airbag control module relies on feedback from crash sensors to predict whether an event is severe enough to warrant an airbag deployment"

يعني انت كمان ممكن تحمد ربنا أنها ما فتحتش زي مانا حمدت ربنا لان في الحالة دي هتغير الطارة بتاعت الدركسيون او تمشي من غير أير باج ودا خطر عشان لو حصلت لك حادثة كبيرة بعد كد لقدر الله. وكنت هتغير قشرة الطابلوة كمان لو عندك أيرباج للي جنب السايق لو كانت فتحت

فالحمدلله انك طلعت سليم وماشي علي رجليك وانها جات لحد كدا, فداك

What speed does and air bag open when hitting another car

شكرا علي ردك يا كبير
هو انت كلامك معقول عشان انا لما طلعت علي الرصيف كنت دايس فرامل للاخر وكانت السرعه مش عاليه خالص .... يمكن عشان كده ما فاتحش....

انا بصراحه عشان اكون منصف انا لما نزلت من العربيه كنت متخيل اني هلائي العربيه ضاعت خالص من ادام بس للامانه انا اشهد للعربيه بقوة الصاج وقدرة تحمله ده حكمي من خلال الحادثه
بس مقدرش احكم علي حاجه تاني عشان انا ملحاتش اصلا اجربها كويس

المشاركة الأصلية كتبت بواسطة hugan

قضاء اخف من قضاء
قدر ولطف
ان شاء ترجع احسن من الاول

شكرا يا كبير وربنا يبعد عنك المواقف اللي زي دي

قدر الله وماشاء فعل وحمدا لله علي سلامة حضرتك..