الموضوع: عملت حادثه بالتيجو و الحمد لله ربنا ستر

العربيه ديه تقرييبا انا شفتها وهيا عالونش كان ماشي ناحيه ابو قتاته جنب مترو الجامعه وكانت نازله من دائري صفط والجنب اليمين هو اللي دخل في العمود صح وصاحبها كان راكب جواها شاب رفيع كده

أنا اعتقد ان التيجو مافيهاش ايرباج اساسا

الف سلامة عليك ياباشا ودى فى الاول والاخر عين وان شاء الله تكون اخر الخبطات , انت بس عليك وعالتامين علشان يغيروا التلفيات بقطع اصلية وترجع عربيتك زى ماكانت بمشيئة الله والعربية محترمة وتستحمل واوعى تقل ثقتك فيها انت متعرفش لو عربية تانية كان حصلك بيها اية ,

المشاركة الأصلية كتبت بواسطة sameh.rafat

الف سلامه عليك
تعرف انوه شكل الصيني ملوش امان كل ده حصل الحمد لله انك بخير
امال وجعاين دمغنا العربيه فيها مانع انزلاق وفيها ايرباج وفي كل الاخر ....

اسف بس تعليق حضرتك شدنى انى ارد .. وبدون تحيز للصينى بس حبيت اقول تفتكر انه لو اى عربية غير الصينى مكنتش العربية طلعت فوق الرصيف ولقت عمود فى وشها ودخلت فيه؟ يعنى قصد حضرتك ان لو عربية كورى مثلا كانت نطت فوق الرصيف وفادت العمود ونزلت تانى عالطريق وكملت مشى عادى عشان هى مش صينى؟

معلش ايه دخل الاى بى اس فى عربية خبطته من الجنب طلعته على الرصيف ولقى عمود فى وشه؟ وبالنسبة للايرباج ايه عرف حضرتك ان هى فيها ايرباج مش يمكن مفيهاش اصلا؟ او لو فيها مش يمكن الخبطة مكنتش بالقوة او مجبتش فى المكان اللى يسمح للايرباج انها تفتح؟ ولو فتحت, الراجل بيقول انه سليم يعنى القصة مش قصة ايرباج فتحت ولا مفتحتش.

المشكلة ان حضرتك جيت فى اهم مزايا فى الاسبرنزا: الثبات على الطريق والفرامل المحترمة والصاج المحمل عن شهادة الكثيرين.

الحادثة بتحصل فى لمح البصر وده قضاء وقدر من عند ربنا من دون ادنى علاقة بايه نوع العربية .. هى البى ام مبتعملش حوادث؟ لأ مبتعملش؟ اكيد الكلام ده؟ حد يقولى لو سمحتم ياجماعة اصل المرة الوحيدة اللى ركبتها مشيت بيها 2 كم ومعملتش حادثة.

ارجو عدم الهجوم غير المبرر عل العربيات الصينى خصوصا خصوصا يعنى لو من حد غير ملاك الصينى.

اتمنى ان حضرتك متضايقش من كلامى .. انا كل غرضى عدم التعصب لاى نوع من العربيات والهجوم عليها من غير مبررات .. لسبب بسيط ان احنا هنا عشان نساعد بعض وننقل تجاربنا نفيد ونستفيد مش عشان نقلبها ساحة للهجوم والخلاف.

تحياتى لك

المشاركة الأصلية كتبت بواسطة mohammedaladel

بالنسبة للناس اللى بتتكلم عن الإيرباج............. هو فيه منها انواع طبعا وأنظمة مختلفة ...

بالنسبة للانسر بومة تحديد واحد قريبى فدى كاوتش مرمى على الطريق طلع برا الطريق والعربية أتشالت واتحطت (بوزها من قدام فى الرملة ) الإيرباج فتحت بالفعل

أنا بصراحة بخاف من العربيات الصينى .... يعنى بقول الحمد لله إنها مفتحتش .. جايز كانت فتحت وبهدلت اللى جوا العربية .. مهو صينى بقى ... أو يمكن تكون بالونة عادية منظر وخلاص
ههههههههه

يعنى أنا لو أضطررت واشتريت عربية صينى أفضل إن ميكونش فيها إيرباج (وجهة نظر شخصية ) لأنى معرفش مين اللى صانعها بصراحة ومش ضامن أى أى حاجة صينى

معلش سؤال بس .. حضرتك بتتريق ولا بتتكلم جد؟ لو جد قولى عشان عندى تعليق.
تحياتى

المشاركة الأصلية كتبت بواسطة hemaa_82

الف سلامة و طالاما مأمن ان شاء الله متقلقش خاصة خلال السنة الاولي ...

و يا خالد ريح دماغك من الناس...... لا تعليق ...اضحك وطنش

والله معاك حق يا محمد :b4_444: