استهلاك البنزين في byd f3

**aboalmaty** · 06-01-2013 04:44 PM

السلام عليكم
حسبت اليوم استهلاك البنزين العربية قطعت مسافة 132.7 ب 17.14 لتر بنزين
طبعا اغلب استخدامي داخل المدينة
بمعنى 7.5 كيلو تقريبا لكل لتر بنزين
يعني الصفيحة تقريبا تعمل 155 كيلو اغلب الاستخدام داخل المدينة
بنزين 92

**aboalmaty** · 06-01-2013 04:57 PM

ياريت باقي الاعضاء يذكروا استهلاك العربية للبنزين
لكي تعم الفائدة
لان طريقة السواقة بتفرق جامد في استهلاك البنزين

**S O P H O S** · 08-01-2013 04:38 AM

استهلاك معقول فراي

**aboalmaty** · 12-01-2013 05:58 PM

المشاركة الأصلية كتبت بواسطة s o p h o s

استهلاك معقول فراي

مش معقول قوي يعني
ياريت باقي الاعضاء الكرام يشاركونا بحساب استهلاك سيارتهم للبنزين لكي نكون مرجع كل واحد يعرف سيارته مظبوطه ولا محتاجه تتظبط

**bassem.naguib** · 12-01-2013 10:36 PM

بص يا أشرف باشا .. أنا شايف أن الاستهلاك كتير شوية .. وطبعاً لحساب الاستهلاك بشكل مظبوط لازم يكون في سرعة معينة (90 : 110) في طريق مفتوح .. بالإضافة زي ما قلت طريقة السواقة بتفرق في الاستهلاك عما إذا كانت سواقة رياضية أو هادية .

وفيه عوامل أخرى كتيرة بتؤثر في استهلاك البنزين أيضاً .

**peter magdy** · 22-01-2013 09:47 PM

المشاركة الأصلية كتبت بواسطة peter magdy

انا لسة العربية ماشية 2000 كم
بالحسبة التقريبية كل 10 كم بستهلاك 1 لتر بنزين 92
و حاليا علشان ابقى متأكد مشغل عداد التريب ما ساعة ما فولت علشان ابقى حاسبها صح
و اعتقد ان كدة فى استهلاك عالى شوية

يا جماعة فى حاجة
انا كنت كاتب الكلام دة من فترة و كان حقيقى
كا فى فترة التليين فى الالف الاولى كان العداد لسة ارقامة صغيرة فكنت بحسبها كويس
و كانت بتمشى 45 لتر اقل او ازيد تقريبا بحاجة بسيطة بشمى بيهم اكتر من 400 كم
دلوقتى لما عملت صيانة الالف الاولى و عديت 2000 كم و بحسبة عداد التريب ماشى 160 كم اللى كان الاول ممكن امشى اكتر من 220 كم
الاستهلاك زاد بطريقة غريبة و كمان مؤشر التانك بينزل بسرعة
يبقى كدة فى اية

**Survival** · 19-01-2013 09:20 AM

يا اهل ال f3 ايه سبب الارقام دى فى الاستهلاك دا الكلام ده اكيد من غير التكييف كمان عشن الجو برد انا مش متخيل بصراحة ان العربية تعمل فى الصفيحة 200 كم بس. ياريت يا جماعة تتأكدوا لان استهلاك العربية كده كتير من وجهة نظرى. انا بقارن بين عربيات كتير منهم ال f3 و موضوع الاستهلاك ده مهم خصوصا الايام الجاية مع استهبال الحكومة.
انا معايا اكسيل اوتو و بعمل فى الصفيحة مش اقل من 180كم وكل حركتى جوه البلد. فاكيد اكيد فى حاجة غلط فى الحساب عندكم. انا لو اشتريت عربية جديدة و لاقيتها بتستهلك اكتر من القديمة ممكن يحصلى حاجة.

**engabdo9** · 19-01-2013 11:08 AM

السلام عليكم و رحمة الله و بركاتة
استهلاك البنزين و طريقة حسابة تتوقف علي اشياء كثيرة
1- انت بتحسب استهلاكك ازاي؟؟؟ انا عن نفسي بحسب بفول العربية و بصفر عداد التريب و بعد كدة لما اجي افول تاني اشوف عداد التريب عمل كام بس خلي بالك اثناء التفويل ممكن واحد يملاء التانك و واحد اول ما الماكينة تفصل يولك انت فولت و انا عن نفسي الفرق بين الاتنين 5 لتر تقريبا
2- سرعة سير السيارة و اقل استهلاك علي سرعة ما بين 80 الي 100 كم/ساعه لو زادت السرعة الي 140 و 150 و الارقام دية الاستهلاك تقريبا بيزيد مرة و نص
3 - طبعا داخل البلد الاستهلاك بيبقي اكتر و متقدرش تحكم عشان احيانا مشوار بياخد 20 دقيقة لو الطريق مفتوح و احيانا ساعتين لو الطريق مغلق يعين انت شغلت العربي ساعة و 40 دقيقة علي الفاضي دة غير استهلاك الفرامل و العفشة
و اخير انا بعمل جدول حاليا لاستهلاك البنزين لكيا كارينز سواء داخل البلد او سفر و سوف اشارك بة عندما يكتمل

**ahmedmido_egypt** · 22-01-2013 09:12 PM

السلام عليكم
العربية استهلاكها 10 كم لكل 1 لتر بنزين يعني حوالى 200 كم في الصفيحة داخل البلد والزحمة واحيانا تكييف

لكن على الطريق السريع سرعة ما بين 140 و 160 الاستهلاك كان 320 كم في الصفيحة طريق اسكندرية الصحراوي
العربية f3 مانوال 2013

الموضوع: استهلاك البنزين في byd f3

LinkBack

أدوات الموضوع

عرض

العرض المتطور

-

-

-

المواضيع المتشابهه

استهلاك البنزين

معدل استهلاك البنزين والعوامات بتاعة عدادات البنزين ؟

استهلاك البنزين 92 للنوبيرا عالى بدون تكيف داخل القاهرة+لمبة البنزين

استهلاك البنزين زاد

استهلاك البنزين زاد بعد ما غيرت فلتر البنزين!!!!!!

الكلمات الدلالية لهذا الموضوع

المفضلات

المفضلات

ضوابط المشاركة