peugeot 508 or 3008 vs ctrion c5 vs vw passat vs skoda octavia

**elgohary20012** · 07-01-2013 01:19 PM

السلام عليكم عايز أعرف أنهى أحسن فى الأمان والسرعة و الفخامة و السعر و مدى توفير قطع الغيار مع أن معظم المودلات الجديدة متوفرة فى التوكيل فقط و أيضا طبعا الثبات المقارنة بين vw passat, peagout 508 or 3008,citron c5,skoda octaviaو طبعا كل الموديلات 2013 أعلى فئة فى أنتظار مشاركتكم و أرائكم

تنبيه بمخالفة القاعدة رقم 1 الخاصة بتكرار نفس الموضوع فى أكثر من قسم.
الرجاء مراجعة قوانين المنتدى
م ع 3

**AlGazar2** · 07-01-2013 02:24 PM

بص بالعقل الواحد هيختار الباسات او الاوكتافيا
بالقلب هيبقى الستروين او البيجو
و يا سلام لو الستروين دى ال ds5 يبقى كده العقل و القلب هيجمعوا عليها

نتكلم فى العربيات بقى

الاسكودا لو الشكل القديم يبقى بلاش عشان هينزل شكل تانى بعد فتره قليله احسن من القديمة بماتور 1.4 تربو و dsg زيها زى الباسات و الاتنين هيبقوا شكل جديد للاسكودا و شكل جديد من الباسات بس موجود بقاله سنه تقريبا

البيجو 508 بقالها سنه و محدش اشتكى منها و ماتورها رائع 1600 تربو 158 حصان باين و واخد احسن ماتور لسنه 2012 نفس ماتور السيتروين

ثبات تقريبا زى بعضه فى كله ثبات ممتاز طبعا بس عفشه ال ds5 مميزه اكتر من الباقى

قطع غيار زى بعض تقريبا بس الباسات اغلى شوية و معمرين كلهم طبعا

كلهم عايزين 95 افضل و بيشتغلوا ب 92 مع محسن اوكتان من التوكيل

سعر اعاده بيع واقع فى كله الا الاسكودا الشكل القديم الجديد لسه مش معروف بس بعد 5-7 سنين هتلاقى كل الاوروبى واقع كده

كماليات واحده فى كله تقريبا بس السيتروين ds5 فيها حاجات اكتر تقريبا

توكيلاتهم زى بعض تقريبا و كده كده معاك اعلى عربيه عندهم يعنى المفروض احسن معامله من اى توكيل فيهم

الفرق بينهم هو انت عينك مستريحة لايه اكتر و حابب انى واحده فيهم

**abogharib** · 07-01-2013 02:46 PM

كل الموديلات دى طبعا امااان و ثبات و كل حاجه بس قطع الغيار فى اغلبهم متوفره فى التوكيل فقط ماعدا الاسكودا لانتشارها و انا افضل peagout 508 عربيه وهممممممممم

**elgohary20012** · 07-01-2013 02:52 PM

أنا ميال الى c5و 3008 و 508 مش عارف أحدد مع أن سمعت أن المواتير واحدة بس العزل مش أد كدة على السرعات العالية فى 508 و سمعت كمان أن عفشة C5 أفضل بكتير بل تتعدى bmw 3مش عارف ياجماعة أرجو المساعدة بأرئكم

**elgohary20012** · 07-01-2013 02:55 PM

طب c5اة رأيكم فيها بيقولوا أن عفشتها وهم و سمعت أن العزل فى 508 مش أد كدة على السرعات العالية وم ش عارف أخبار 3008 أية فى أنتظار مشاركتكم

**mangawy2012** · 07-01-2013 03:52 PM

سترويني

**elgohary20012** · 07-01-2013 04:23 PM

متابع بأهتمام

**AlGazar2** · 07-01-2013 05:01 PM

الى سمعته عن عفشه ال c5 انها عفشه مبتكره كعاده سيتروين بس افتكر انها فى ال ds5 مش ال c5 العاديه

لو تقدر تكمل و تجيب ال ds5 فتوكل على الله و هاتها عربيه متملش منها ابدا ركبتها فى عز العرب مكنتش عايز انزل منها حاجة كده تحفة فنيه عينك ما تزهقش منها ابدا

**AlGazar2** · 07-01-2013 05:07 PM

دى لينك عم العفشة بتاعه العربيه http://www.nilemotors.net/Nile/31766...uspension.html

بس الى بتنزل مصر هنا الدوبيل ويشبون ممكن تسأل عليها فورميلاتور ( د.مصطفى )

و ده لينك لل ds5
http://www.nilemotors.net/Nile/31670...troen-ds5.html

http://www.nilemotors.net/Nile/310846-ds-5-a.html

عربيه تحفه بجد و افتكر سعرها هيبقى مقارب لسعر الباسات الهاى لاين

و ربنا يوفقك و يباركلك فى العربيه

**A.Adel** · 07-01-2013 05:54 PM

ال passat فيها DSG
أنا بصراحة مدفعش أكتر من ربع مليون جنيه عشان VW تعد تجارب فيَّ

ال octavia حرام تجيبها و فيه شكل جديد نازل
ال 3008 بصراحة مش عارف إيه اللي حشرها بينهم
دي عربية MPV

يفضل عندك c5 و 508

رأيي المتواضع 508
عشان هتبقى ماسك العصاية من النص
عربية جميلة و كماليات ممتازة و عربية واسعة جدا
و سعر اعادة بيعها مش ضايع زي ال c5 عشان منتشرة شوية