استفسار بخصوص اللوجان

**mahraan** · 10-01-2013 12:31 PM

بصراحه اللوجان الكامله دي تستحق كل جنيه اتدفع فيها . ان شاء الله ربنا يكرمني وابيع اللوجان الهاف اللي معايا واشتري لوجان فول اوبشن ولو انها مش هاين عليا ابيعها خالص

**Porsche911TT** · 10-01-2013 01:40 PM

^^عندك حق

**islamhossam** · 12-01-2013 12:09 AM

المشاركة الأصلية كتبت بواسطة mahraan

الفروقات بين الهاف والكاملة
الهاف 2 زجاج كهرباء
الكاملة 4
الهاف مرايات عادة مش كهرباء ولونها اسود
الكاملة مرايات كهرباء ولونها بنفس لون السيارة
الهاف كراسيها مش بتعلى وتوطى الكاملة بتعلى وتوطى
طارة الدريكسون متحركة فى الكاملة وثابتة فى الهاف
كمبيوتر رحلات بيحدد نسب الاستهلاك ومتوسط السرعة والمسافة المقطوعة وعدد الليترات المتبقية من البنزين وده مش موجود فى الهاف
نوعية الفرش فاخر فى الكاملة ومتوسط فى الهاف
الكاسيت فى mp3 + بلوتوث + usb فى الكاملة بينما الهاف كاسيت اوديو فقط
الهاف سماعتين قدام فقط الكاملة سماعات قدام ووراء
الكاملة سعر اعادة بيعها افضل لان اى حد بيشترى مستعمل بيدور على الكاملة
الكاملة فيها شريط نيكل شكله حلو على الشنطة من ورا بينما الهاف لأ
الكاملة فيها سخان للزجاج الخلفى بيشيل البخار من على الزجاج وبينشفه هو والمرايا الجانبية بينما الهاف لأ
الكاملة مقابضها نفس لون السيارة بينما الهاف مقابضها سوداء
الكامله فيها اير باج للسائق
الفوج لايت
جراب النضاره
لمبه فى درج التابلوه
حليات و نواكل فى التابلوه و الأبواب
منقوله من العضوين mansour_wael و ahmedeg1

متشكر جدا جدا علي رد حضرتك وفعلا الفروق دي تستاهل الفرق في الفلوس, طب حضرتك ماتعرفش نظام القسط ايه ؟

**mahraan** · 14-01-2013 10:00 AM

المشاركة الأصلية كتبت بواسطة islamhossam

متشكر جدا جدا علي رد حضرتك وفعلا الفروق دي تستاهل الفرق في الفلوس, طب حضرتك ماتعرفش نظام القسط ايه ؟

لا شكر علي واجب
نظام التقسيط مع البنوك انك بتدفع مقدم والمبلغ الباقي بيقسطه علي عدد سينين بحد اقصي 5 وبفايده سنويه بتتراوح ما بين 8 % او 9 % فايده ثابته سنويه او من 12 ل 15 % متناقصه وده حسب البنك بس بيجبرك انك تأمن علي العربيه والتامين بيكون ف حدود 3.5 % من تمن العربيه والتأمين ده سنوي طول فتره القسط

بس نصيحه مني هاتها استعمال وخش جمعيات وامشيها واحده واحده افضل من التقسيط لان لو حبيت تبيع عربيه بعد ما تخلص قسطها هتخسر فيها مبلغ كبير مش اقل من 20 الف جنيه
ربنا يوفقك وييسرلك الامور