الموضوع: حل مشكلة الحجوزات المتأخرة وزيادة السعر

أنا حاجز من 22/10/2012 .. وفترة السماح المدونة على الإيصال بحد أقصى شهرين يعني المفروض أستلم في 22/12/2012

طبعاً أنا عديت الفترة دي .. فهو قالي إنه بعت لنيسان طلب بالعربيات المتأخرة للحجوزات وكدة

فالعربيات دي تقريباً هتبدأ تجيله خلال الأسبوع ده زي مفهمت

فلما هيجوا أنا هيسلمني لأني من الناس المتأخرين عنده في الجدول أنا وناس تانية غيري

فقلتله بس أنا مش هدفع السعر الجديد .. قالي المتأخرين هسلمهم بالسعر القديم

دي القصة ومعرفش هل صحيحة 100% ولا لأ .. بس لو صحيحة لازم كل الناس تعرفها علشان الناس المتأخرة تعرف حقها كويس

يا ترى ده من نيسان و لا كل وكيل هيتصرف بطريقته، عموما دى بداية انفراجه فى الموضوع .

أهو حتة بقا إن كل وكيل مع نفسه دي مخوفاني ..

لأن إللي مش هرضاه على نفسي مش هرضاه على غيري ..

مش عشان أنا هستلم بسعر القديم .. أسيب الناس التانية تستلم بالسعر الغالي

لازم كلنا نقف وقفة واحدة عشان كل التوكيلات تعمل كدة .. ده لو الكلام ده صح في الأساس

لأ أنا مدون عليه بحد أقصى شهرين
والفرع هو فرع مدينة نصر

ودلوقتي في موضوع تاني لقيت التعليق ده للأخ Welo

المشاركة الأصلية كتبت بواسطة welo77

انا حاجز فى اتو ايجبت مدينة نصر من 30/9 وفعلا كلمونى من حوالى اسبوعين وقالو فيه عربية بس لون مش الى انا عايزه فقلتلهم انا هستنى اللون الى طلبته وبكلمهم من يومين قالو ان فيه تغيير فى السعر. لسه مكلمهم اليوم قالو ان فيه احتمال يسلموا الناس المتاخرة بالسعر القديم بس ده لسه مش رسمى ومستنيين كلام الادارة