عايز تشتري عربية ومحتار؟؟؟؟ تعالى أقوللك إزاي تختار

**AnaEngHamaada** · 25-09-2017 07:43 PM

موضوع متميز فعلاً و كنا محتاجينه من مهندس متخصص و فاهم زى م. أحمد نبيل البرعى و شكراً على التثبيت من جانب إدارة الموقع الكريمة

بس يمكن الموضوع عايز شوية نشاط و متابعة من جانب المهندس أحمد لإن أنا شايف هنا أسئلة كتيرة و إستفسارات بدون إجابات .. لعل المانع خير يا باشمهندس ...

أشكرك على تشريفك لموضوعى و تعليقك القيم عليه و الإستفادة الكبيرة من نصائحك يا باشمهندس .. ما اتحرمش منك أبداً يا رب و دايماً طمنا عليك كده و بلاش الغيبة الطويلة دى أرجوك ...

**Khalid Idris** · 27-09-2017 04:37 AM

ممكن أعرف مزايا وعيوب البي إم الـ 320i M Sport
موديل 2017 - 2018؟
بارك الله فيكم

**hawary2** · 13-04-2018 08:19 PM

السلام عليكم يا استاذ احمد
كنت عايز اعرف راى حضرتك فى الفئة الاولى والفئة الثانية تويوتا كورولا ٢٠١٨ هل تستحق ال ٤٠ الف فرق على الرغم ان انا مش بهتم الكماليات

**borio1704** · 15-04-2018 10:50 AM

المشاركة الأصلية كتبت بواسطة hawary2

السلام عليكم يا استاذ احمد
كنت عايز اعرف راى حضرتك فى الفئة الاولى والفئة الثانية تويوتا كورولا ٢٠١٨ هل تستحق ال ٤٠ الف فرق على الرغم ان انا مش بهتم الكماليات

دايما اللي بيحدد هو اللي عايز يشتري...

وحضرتك لو مشيت على خطوة رقم 4 في الموضوع الأساسي هتعرف إذا كانت تستحق ولا لأ..

خطوة رقم 4 بتقول:

رابع حاجة: حدد إيه التجهيزات والكماليات اللي انت شايفها أساسية في العربية اللي انت بتفكر فيها وإيه اللي ممكن تستغنى عنه

التجهيزات والكماليات الأساسية يعني اللي ما تقدرش تستغنى عنها في العربية ، وأي حاجة تانية لو موجودة تبقى حاجة كويسة ترجح كفة العربية

زي إيه؟؟؟

* تكييف ... باور ... فتيس أوتوماتيك ... إزاز كهرباء ... تاكوميتر (rpm) ... مرايات كهرباء
* كراسي جلد ... ساوند سيستم كويس ... فتحة سقف... كراسي كهرباء
* فتح الشنطة و/أو التانك من الداخل ... مفتاح بالريموت... تشغيل السيارة بالزرار أو من غير مفتاح
* abs ... إيرباج ... Ebd ...
* كومبيوتر رحلات ... Gps ... بلوتوث ... دركسيون متعدد الوظائف
* جنوط اسبور ... ألوان جذابة ... إلخ

كل اللي حضرتك محتاجه إنك تشوف إيه اللي موجود في ثاني فئة ومش موجود في أول فئة... وشوف إذا كنت فعلا محتاج الحاجات دي ولا لأ.. أو بمعنى أصح .. ما تقدرش تسوق عربيتك من غيرها.. أو هتكون مضايق فعلا وهي مش موجودة.

المسألة نسبية.. وتختلف من واحد للتاني.

...

**asad** · 15-07-2018 11:36 AM

السلام عليكم
تويوتا كورولا ولا ياريس
ولا رينو داستر
بس مهم لى الاعتمادية وقطع الغيار والبنزين وانا بتكلم على المستعمل فى حدود 250000
اشكرك

**Msraw116** · 13-11-2018 08:27 PM

المشاركة الأصلية كتبت بواسطة borio1704

أنا جاهز للأسئلة :)

شباب ...

انا ان شاء الله ناوي اجيب 3 سيارات واشغلهم في شركه وكان رنجي حوالي 600 الف جنيه كاش ... وطبعا بعد اللف والدوران لقيت الفيرنا 2019 اللي سعرها 196000 جنيه . ايه افضل الاقترحات وهل هيا مناسبه ؟ وهل فيه اختيارات افضل بنفس السعر ؟ وفي حاله الفيرنا اجيبها منين ؟ ونصايحكم ؟
شكرا .

...

**محمود ابوزايد** · 17-12-2018 12:15 PM

بصراحة طريقة الطرح رائعة

**osamawanas** · 06-01-2019 03:01 PM

السلام عليكم عندى استفسار
محتار بين لانسر كرستاله مانيوال 98 و اوبل استرا 2005 اتوماتيك
الاتنين نفس السعر
بس عايز اعرف الفرق فى قطع الغيار توافرها و اسعارها
و مشاكل كل عربية منهم
و شكرا