الموضوع: أنــــا هـــابـــــــيع الـــــــــــــــــــــسي ريون 2010

هيا صراحة العربية حلوة بس يمكن عشان إحنا فى مصر بنحب نحمل عربياتنا وكمان الطرق عندنا صعبة..

المشاركة الأصلية كتبت بواسطة Hosaam

شرح ممتاز أستاذ / أبو عبد الله ، وأعتقد أنه كان من الأفضل للأستاذ / هانى , أنه يشترى نفس موديل السيريون بس سعة 1500 سى سى ، حتى تتلاءم مع احتياجاته بدلا من أن يحكم على العربية بضعف السحب , لأن كل حاجة ولها حاجة مناسبة لييها , و أعتقد أن الزمان القادم سيكون زمن السيارات الصغيرة بعد أرتفاع أسعار البنزين وضرائب تجديد الرخصة وزحمة المرور وصعوبة الركنات , و أعتقد أن الجماعة اليابانيين ماصغروش أحجام السيارات الا لأنهم سبقونا بمراحل فى زحام المدن وأرتفاع أسعار الوقود لأن كل بترولهم مستورد من الخارج وأعتقد أننا فى طريقنا لأن نكون مثلهم فى هذه الجزئية , فربما تصبح السيارة الصغيرة هى مايسترو الزمان القادم , تحياتى لكم جميعا .:0002014a:

بجد انا مكنتش عارف المعلومات دية كلها ان زمن القادم زمن العربيات الصغيرة وارتفاع البنزين وارتفاع ضرائب تجديد الرخص
طيب انا كدة هبيع عربيتى الكبيرررررة واركب عجلة احسن
كلام حضرتك مش مظبوط لان سواء البنزين او ضرائب الرخص فارتفاعها بسيط عن العربية 1500 cc
واعتقد ان لو كل واحد فكر بنفس تفكير حضرتك يبقى ماحدش هيشترى اى عربية كبيرة

المشاركة الأصلية كتبت بواسطة bmya

هاني باشا رأيك وطبعا يحترم بس انا مش معاك خاااالص في حوار العفشه ده السيريون فعلا حماله أسيه مش عاوز اقولك انا عملت فيها ايه وانا بجهز شقتي كنت بحمل فيها شكاير اسمنت وطوب ورمل اه والله كان الكاوتش بيبقى غطسان تحت الرفرف
وفي مطب انا لبسته من كام شهر مطب بجد مش متخيل ازاي لبسته عارف ايه اللي حصل
الجنوط الاسبور اتنت والكواتش طلع له بلالين اما المساعدين الرفيعين دول الحمد لله محصلش لهم اي حاجه او اي حاجه تانيه في العفشه ولله الحمد
من ناحيه السحب العربيه ماشاء الله سحبها ممتاز جدا بس عاةوز اقولك حاجه انت لسه مش متعود عليها :) انا برده اول ما جبتها كان معايا قبلها لانسر 99 ومعايا صني 2008 1600 طبعا
كنت بركب السيريون بحس انها كتكوت :) بس دلوقتي بعد عشره دالخه في ال 5 سنين وفهمت العربيه وبقيت حاسسها صح عرفت ازاي اجريها زي ما انا عاوز ةاقدر اقولك اني بشد مع الصني ال 2008 وبسد معاها لغايه ال 170 بنكون ماشين جمب بعض والصني على فكره موتورها ماشاء الله مفاري
وبسد مع عربيات كتير ومع التكييف في الصيف كنتت انا وواحد معايا ومشغلين التكييف وكان صحبي معاها اواحد برده ومشغل التكيف عربيته نيو اكسنت 2011 وكنت سادد معاه صحيح هو طلع مني بعد ال 160 بس عادي يعني ماهو برده 1600 والاكسنت اصلا طياره وعلى فكره انا مركب جنط 15 والكواتش عريض 195
العربيه حلو على قد موتورها 1300 سي سي

ياباشا مع احترامى لرأى حضرتك انا راكب عربيات من اكتر من 15 سنة واقدر اميز بين العربية اللى عفشتها قوية والعربية اللى عفشتها ضعيفة وانا من وجهة نظرى ان العربية السيريون عفشتها ضعيفة

المشاركة الأصلية كتبت بواسطة bmya

خلاص ياباشا هي العفشه ضعيفه :) ولا تزعل نفسك خالص

ربنا مايجبش زعل بس هى وجهات نظر

المشاركة الأصلية كتبت بواسطة bmya

اصل انا كان معايا لادا زمان بتاعت والدي فعارف يعني ايه عفشه وانت اكيد عارف اللادا :))

ياباشا اللادا الصخرة الروسى على الارض كل حاجة فيها نشفة بس لو حد جدع يقف ادامك

المشاركة الأصلية كتبت بواسطة original

هيا صراحة العربية حلوة بس يمكن عشان إحنا فى مصر بنحب نحمل عربياتنا وكمان الطرق عندنا صعبة..

كلام حضرتك منطقى جداا يمكن بس شوارعنا الممتعه فى السواقه وكبارينا الغير ادمية بيخلى الواحد يحس ان العربية مفكوكه من بعضها