الموضوع: أنــــا هـــابـــــــيع الـــــــــــــــــــــسي ريون 2010

المشاركة الأصلية كتبت بواسطة bmya

والله يا استاذ هاني انا بقول كده محدش مصدق :) والله كنت بحمل فيها طووب ورمل واسمنت الجنط كان بيبقى غطسان في الرفرف هي فعلا عفشتها قويه وناشفه يعني مش مريحه قوي وفيها عيوب تانيه بس العفشه فعلا انا مستغرب ان استاذ هاني فرج شايفها ضعيفه !!

ياباشا انا بردة كنت بشيل عدد كبير وكنت بجرى بيها ماشا الله عليه فى الجرى لكن كنت بحس بكل مطب بيرزع عندى جوة العربية وده شئ كان بيجننى وفعلا زى حضرتك ماقلت عفشة ناشفه يعنى مش مريحه قوى وبرده دى كلها وجهات نظر

اولا : انا اعتذر إليك لو كان اى لفظ منى سبب إليك حرج او زعل
ثانيا : انا قلت مع احترامى لمن يتكلم عن العفشة ولا اقصد تجريح
ثالثا : رأيك يهمنا ونحترمه ونحترم حرية التعبير ولا يمكن ان نتخطاها
رابعا : قد يبدوا ان سيارتك هى التى فيها هذا العيب
انا اركب السريون دوما مع اصدقائى يكاد كل خروجة يوميا
واعرفها عن ظهر قلب واعرف نقط الضعف والقوة
وياريت تانى كنت قولت اى حاجة غير موضوع العفشة عشان مش هقدر اتكلم تانى وازعلك على العموم ( عفشة ممتازة )

المشاركة الأصلية كتبت بواسطة هانى سمير

اولا : انا اعتذر إليك لو كان اى لفظ منى سبب إليك حرج او زعل
ثانيا : انا قلت مع احترامى لمن يتكلم عن العفشة ولا اقصد تجريح
ثالثا : رأيك يهمنا ونحترمه ونحترم حرية التعبير ولا يمكن ان نتخطاها
رابعا : قد يبدوا ان سيارتك هى التى فيها هذا العيب
انا اركب السريون دوما مع اصدقائى يكاد كل خروجة يوميا
واعرفها عن ظهر قلب واعرف نقط الضعف والقوة
وياريت تانى كنت قولت اى حاجة غير موضوع العفشة عشان مش هقدر اتكلم تانى وازعلك على العموم ( عفشة ممتازة )

كل احترامى لحضرتك وربنا مايجبش زعل حضرتك ليك رايك ويحترم وانا كمان لى راى ويحترم ايضا
وللمرة الاخير كل عربية فيها مايميزها ومايعيبها
مشكور لردك واعتذارك فوق راسى

اشكرك لذوقك
والخلاف لا يفسد للود قضية
وطالما اننا يمكن ان ننقل ما نعرفة فهذا نجاح لاى مستخدم أخر
والسيارات هى ارتياح وازواق
انا احب شكل التريوس لا اجبر الاخرين عن حبها
فلولا تفاوت الازواق لبارت السلع والسيارات فى الاسواق
فأحياننا اجد اكسسوارات وطباعه على السيارة اشعر اننى اركب ميكروباص واجد ان صاحبها فرح ومبهور فهذا انما يدل على التفاوت فى الاذواق ولكن نحن محترفين فيجب ان ننقل التجربة كما هى بعيوبها ونحن لا نزايد فما الفائدة من ذلك
كما اننا لا نطلق العنان للكلمات للمعارضة فقط بل نتكلم من واقع التجربة وللأخرين حرية تكوين عقيدتهم من ارائنا بالإيجاب او بالرفض
ولك كل التحية

المشاركة الأصلية كتبت بواسطة bmya

يا جماعه مفيش حاجه تستاهل نزعل من بعض عشان عفشه عربيه ياريتها عربيه كامله وكمان المختلفين الاتنين اسمهم هاني :))
هاني فرج باشا تصدق بالله انا لسه يوم الجمعه اول ابارح لابس مطب بالعربيه وكان فيها 5 افراد والشنطه مليانه ييعني الكاوتش كان غطسان في الرفرف ماشي بليل في الزقازيق ومطره وزحلقه ومكنتش مركز وببص لقيت الجبل قدامي دوست فرامل وسيبت العربيه طارت ونزلت اترزعت رزعه فلللللللللللللل
من شده الرزعه الحليه بتاعت الشكامن اللحام بتاعها اتفك (دي انا اللي مركبها طبعا ) لكن الحمد لله العربيه العفشه محصلش اي حاجه فيها نهائي
تاني حاجه انا حاسس ان حضرتك تقصد العفشه ناشفه مش ضعيفه ودي ان معاك فيها جدا هي عفشتها فعلا ناشفه وبتحسسك فعلا بالمطبات والنقر بس دي حاجه وانها ضعيفه حاجه تانيه
تالت حاجه عربيتك اصلا لسه جديده العفشه مع الوقت بتريح وبتنعم
رابع حاجه الكاوتش بتاع العربيه الاصلي اصلا بينشف العربيه بغباء وده على فكره في عربيات كتيييير جديده مش السيريون بس (الصني الجديده مثلا ) عن تجربه والله واسال هنا اي حد غير الكاوتش الفرق كبير جدااا في النعومه يعني الكاوتش لو اتغير وعرضته شويه هتحس بفرق كبير جدا انا مركب 15-195-55 والعفشه انعم من الاول مع ان الجنط اكبر والطاوتش ارفع
خامس حاجه انا احتمال كبيييير ان شاء الله انزل القاهره الجمعه دي هكون في مدينه نصر لو حابب نتقابل وتجرب عربيتي واجرب عربيتك ونتعرف بقه بالراجل اللي مسوء سمعه عفشه السيريون في المنتدى ههههههههههه انا بهزر معاك طبعا ده رأيك والله واا كمان في حاجه بضاقني فيها عادي
تحياتي لحضرتك و لرأيك شريــــــــــــف

ياباشا دة شئ يشرفنى وكمان نتغدا مع بعض فوق راسى اليومين دول صعب تلاقى صديق ينصح بصدق واهتمام وانا والله مش مسوء سمعه العفشه ولا حاجه دة راى انا الشخصى
مشكور ليك واعتذارى

والله لا يوجد زعل
وكل الاراء على عينا وراسنا
بس اختلافنا للصالح العام
وممكن نعمل موضوع عن عفشة السيريون ونشوف كل الاراء على حياد
والله المستعان به

المشاركة الأصلية كتبت بواسطة hanyfarag

ياباشا انا بردة كنت بشيل عدد كبير وكنت بجرى بيها ماشا الله عليه فى الجرى لكن كنت بحس بكل مطب بيرزع عندى جوة العربية وده شئ كان بيجننى وفعلا زى حضرتك ماقلت عفشة ناشفه يعنى مش مريحه قوى وبرده دى كلها وجهات نظر

اهه انت قولت بنفسك بترزع ...... التفسير بقه انها ناشفة ولا عفشة مبتستحملشي ؟؟؟
وهنا يأتي الخلاف في الكلام

ناشفة دي قولنا اقريناها ولكن ده بسبب الاداء الرياضي بتاعها
اما موضوع المساعيدن وصغر حجمهم فانا عاوز اقولك حاجه ان كل مساعدين العربيات بالحجم ده وبالفئة دي طبيعي بيبقى حجمهم كده يعني ده حجم طبيعي لوزن العربيه لأن الموضوع مش كبر حجم وخلاص والعربي يبقى وزنها مش مناسب للمساعد وبالتالي العربيه مش هتحرك المساعد اساسا ......
اما بخصوص علبة الدركسيون فده عيب اكيد ولكن حضرتك العيب في العلبلة مش كلها ولكن ده مكبس صغير جواها بيبقى ماسك البارات علشان متعملش رنه بداخل العلبة المشكلة انه بعد فتره من الترزيع اللي بياخده بيعمل تبويشه في مكانه ولما بتفكها وتغيره المشكلة بتنتهي وده برضه مش كل شهر ولا كل سنه

وعالعموم كل واحد له رأيه وتجربته اكيد