خطأ شائع: أن "فردة الكاوتش عمرها يتحدد بعدد الكيلومترات المقطوعة"

الكاوتش يتحدد عمره بأحد طريقتين (أيهما أسبق):

1- الوقت: يعني لا يزيد عمر الكاوتش عن 5 سنوات من تاريخ الإنتاج زي ما هو مذكور قبل كده

2- التآكل: يعني لما تبدأ تظهر علامات التآكل على الكاوتش يبقى لازم يتغير

وعلامات التآكل بتبقى أحد حاجتين:

1- تآكل غير طبيعي.. وده لما بتبقى في مشكلة في العفشة أو الزوايا، والكاوتش بيتاكل في مناطق معينة.

2- تآكل طبيعي... لما التآكل يبقى متساوي في جميع الجهات... وده نعرفه لما العلامات بتاعة التآكل اللي في الكاوتش تبدأ تظهر...
زي الصور دي:






علشان تعرف العلامات ده موجوده فين في الفردة... هتلاقي على جنب فردة الكاوتش كذا سهم صغير... قدام كل واحد فيهم علامات زي اللي في الصور اللي فوق

زي كده:


ربط عمر الكاوتش أو الزيوت بعدد كيلومترات دي مسئلة تسويقية بحتة علشان المصانع والتجار يبيعو... مش أكتر

بس لما عمر الكاوتش يوصل خمس سنين أو ظهرت عليه علامات التآكل يبقى الكاوتش لاااااااااااااازم يتغير... مفيش هزار.


على فكرة

الموضوع مش مجرد أخرام أو مسح النقشة.... بعد الخمس سنين احتمال أن طبقات الكاوتش تتفصل بيبقى أعلى بكتير، وكمان احتمالات الانفجار المفاجئ أثناء المشي على سرعات عالية (فوق الـ100 كم)، وده طبعا فيه خطر شديد على الحياة ، لأنه بيحصل فجأة.

الانفجار مش بيبقى خرم وخلاص... الفردة بتتقطّع إلى أجزاء... وانت ونصيبك ساعة الانفجار... لو ربنا رايدلك السلامة أو لأ.

وعن تجربة... حصلت معايا مرتين (والفردة كان شكلها كويس)، والحمدلله ربنا ستر.... بس مش كل مرة تسلم الجرة.



...