مشكووووور جدا
عرض للطباعة
مشكووووور جدا
السلام عليكم ورحمة الله وبركاته
المهندس الفاضل borio1704
برجاء مراجعة الاداة التى برمجتها ولا ادرى لما الارقام غير منضبطة
الاداة استخدمها لحساب اعلى سرعة للغيار
برجاء وضع مثال كامل لهذه العملية الحسابية
وصلة الاداة
Gears Ratio - Download - 4shared
أنا نزلت البرنامج..
فعلا فيه مشكلة... لما بتزبط الـRPM على 1000 بيطلعلك السرعة القصوى لكل غيار.. ولو حبيت تخليهم 2000 بيضرب كل السرعات ×2
طيب... خلينا نعرف إيه المكونات الرئيسية للمعادلة:
1- سرعة دوران المحرك
2- نسبة تخفيض الغيار المعشق
3- نسبة تخفيض الترس التفاضلي (الكورونا)
4- محيط العجل
أول حاجة .. لازم قطر العجل يكون نتيجة لمقاس الكاوتش .. يعني يتحسب بناء على المقاسات .. ودي لازم تكون واضحة في البرنامج بأحد طريقتين:
1- إنك تحدد أماكن لوضع مقاسات الكاوتش الثلاثة (عرض ، قطر الجنط ، نسبة البروفايل Aspect Ratio)
2- تحدد مقاسات ثابتة حسب اللي بينزل من الفابريكة علشان تغيير المقاسات بيغير في الحسبة... بحيث تختار مقاس معين (185/65R15 مثلا) ويقابله في البرنامج قطر معين بس لا يراه المستخدم.
تاني حاجة... هل حضرتك عارف نسب التخفيض بتاعت كل غيار؟؟ طيب لو كده يبقى المفروض السرعات اللي تظهر في البرنامج تختلف حسب اختياري للجيربوكس المانيوال أو الأوتوماتيك.
ثالث حاجة... المعادلة:
خلينا نحدد كل باراميتر قبل ما نحطه في المعادلة:
السرعة (كيلومتر/س) نسميها V
دوران المحرك (RPM دورة في الدقيقة) نسميه R
نسبة تخفيض الفتيس نسميها X
نسبة تخفيض الكورونا نسميها Y
محيط الكاوتش (بالمليمتر) نسميه C
عرض الكاوتش نسميه W
نسبة البروفايل نسميها A (هنحطها زي ما هي .. يعني 55 ، 60 ...إلخ)
قطر الجنط نسميه D (بالبوصة)
نسبة الدايرة الثابتة (ط) نسميها Pi
يبقى المعادلة كالتالي
V = (R/X/Y) * C
خلي بالك إن C عبارة عن :
( (100/C = 2 Pi (D + 2( W*(A
يبقى المعادلة كلها على بعض هتبقى كده:
V = ( R / X / Y ) * ( 2 Pi (D + 2 (W*A/100) ) ) = V
طبعا .. كده المعادلة ناقصة التحويلات
أول حاجة لازم نحول قطر الجنط من البوصة إلى المليمتر.. يعني نضربه في 25.4
ونحول محيط الكاوتش من مليمتر إلى كيلومتر.. يعني نقسمه على مليون
وكمان.. نضرب الناتج كله في 60 علشان نحول الدوران من الدقيقة إلى الساعة
يبقى النتيجة النهائية هتكون كالتالي:
V = 60 ( R / X / Y ) * ( 2 Pi ((25.4 D) + 2 (W*A/100) ) ) /1000000
كده عندك السرعة الفعلية بالـ كم/س
...
جارى عمل التعديلات اللازمة
بشكرك على الاهتمام والتوضيح الاكثر من ممتاز
السلام عليكم
تفضل اخى
تمت التعديلات
بالطبع معي ارقام تخفيض الغيارات .. وبعد نجاح فكرة البرنامج سأطلب من كل قسم ان يجمع لى تخفيضات الغيارات لكل موديل لكل سيارة ..
أعرف ان الموضوع سيطول ولكن لا يهم ...
Gear Ratio Beta 01 - Download - 4shared
الاخ العزيز borio1704
برجاء مراجعة الاداة للتأكد من فاعليتها وتطبيق التجربة على كل سيارات المنتدى بموديلاتها
أنا آسف جدا على التأخير في الرد.. الظاهر الواحد في رمضان ما كانش مركز :)
عالعموم.. أنا جربت البرنامج..
ما زال فيه مشكلة..
لو تقدر حضرتك تديني نسب التخفيض اللي حضرتك بتحسب عليها يكون أفضل
أنا ممكن بناء الأرقام دي أدي لحضرتك جدول كامل بالسرعات لكل غيار
زي كده:
http://nileup.com/up/watermark.php?s...346421.png&p=c
وأرسم لها مخطط زي ده:
http://nileup.com/up/watermark.php?s...341501.png&p=c
أو ممكن تبعتلي إيميلك عالخاص وأرسل لحضرتك ملف الإكسل اللي بحسب عليه
وده عشان خاطر انت حبيبي بس :floating:
...
بشكرك ياكبير المهندسين على ذوقك وعلى مشاعرك الطيبة
بالطبع ارسل لك الايميل الخاص بى على الخاص
=============
الارقام اه
اقتباس:
1st = 3.583
2nd = 1.947
3rd = 1.343
4th = 0.976
5th = 0.804
rev = 3.416
==============
tottal gear = 4.052
موضوع رائع جدااااااااا
السلام عليكم
موضوع رائع كالعاده من مهندس احمد
جزاك الله خيرا ونفع بعملك يا هندسه
ليا بس تعليق بسيط جداااااااا
محول العزم او torque convertor ليه هوا كمان نسب تخفيض يمكن حضرتك نسيت تذكرها
بس نسب التخفيض ليه متغيره مش ثابته
http://s.hswstatic.com/gif/torque-cutaway.jpg
بمعنى
الهدف اصلا من وجود محرك العزم هوا تكبير العزم فى السرعات البطيئه لان فى السرعات البطيئه يتطلب عزم عاالى للتغلب على عزم القصور الذاتى للسياره
ببساطه هوا بيبقى عباره عن تربينه زى ما حضرتك وضحت والتربينه دى بتاخد حركتها مباشره من عمود الكرنك
وبعد كده جزء ثانى يسمسى stator
وبعدين الجزء الثالث والاخير اللى هوا ال pump
كلمه السر هنا فى محول العزم هوا ال stator
ازاى؟؟؟؟
فى السرعات البطيئه بيشتغل ال stator انه يعمل اعاده دوران الزيت من المضخه تانى للتوربينه والتوربينه تعيد ارسالها للمضخه ثانيه وهكذا وهكذا وده بيئدى ان الطاقه الحركيه بتاعه نقط الزيت تكبر وبالتالى العزم بيتضخم
لكن ده على حساب السرعه
لكن الامر بيختلف فى السرعات العاليه اللى عندها مش بنبقى محتاجين عزم عالى بس محتاجين ساعتها سرعه دوان اكبر لان بالفعل السياره خدت حركتها
فى الوقت ده بيبقى ال stator هوا وال turbine جزء واحد وبيتحول محول العزم torque convertor الى ما يسمى hydraulic coupling
مجرد ينقل العزم من الماتور للجير ليس الا
لو فى حاجه فى كلامى خطأ ارجوا التصحيح