عداد الـrpm ... إزاي تستخدمه؟؟؟
كتير من العربيات الحديثة بينزل فيها عداد مكتوب عليه RPM
ناس كتير ما تعرفش إيه العداد ده ولا بيعمل إيه ولازمته إيه في العربية!!!
http://www.team-bhp.com/forum/attach...ter-custom.jpg
خلينا نعرف الأول إيه هو العداد ده
العداد ده بيقيس عدد دورات عمود الكرنك بتاع الموتور في الدقيقة... أو بمعنى آخر بيقيس الموتور بلف كام لفة في الدقيقة... والمعروف إن موتور العربية دورانه بيزيد ويقل مع زيادة أو نقص كمية الوقود اللي بيدخله... طبعا على حسب دوسة رجلك للبنزين والحمل على الموتور.
http://www.prelovac.com/vladimir/wp-...oke-engine.gifhttp://xorl.files.wordpress.com/2011/03/img11.gif?w=700
خلي بالك... الـRPM دي مش اسم العداد... دي وحدة قياس... وهي اختصار للجملة Revolution Per Minute بمعنى "دورة في الدقيقة"
والاسم الصحيح لعداد الـRPM هو ... "تاكوميتر Tachometer"
http://image.shutterstock.com/displa...er-2328617.jpg
عرفنا إنه بيقيس لفات الموتور... طيب ده هيفيدني في إيه؟؟؟
التاكوميتر عموما بيديك فكرة عن أداء الموتور ومنها تقدر تحافظ على موتور عربيتك وتطول عمره
إزاي؟؟؟
في العادة ... التاكوميتر فيه تدريج من 0 إلى 8 آلاف، وعادة حتلاقي التدريج بيتلون للأحمر بداية من 6 آلاف أو أكتر
المنطقة دي إسمها الـ"Red Zone" أو المنطقة الحمرا
http://www.mitsuguide.com/images/boo...2/page.h95.gif
طول ما انت ما دخلتش المنطقة دي يبقى موتورك في أمان إن شاء الله
http://cf.ltkcdn.net/cars/images/std...tachometer.jpg
حاجة تانية
كل موتور بيبقى متصمم عشان يطلع شكل معين للأداء ، والأداء ده بيختلف من موتور للتاني على حسب الغرض اللي الموتور ده متصمم عشانه
http://www.fordscorpio.co.uk/images/powertdi.jpg
يعني فيه مواتير عشان تاخد منها أداء عالي لازم ترفع الدوران بتاعها قوي... وفي مواتير تانية متصممة إنها تديك عزم عالي على دوران أبطأ... وده كمان بيختلف أساسا على حسب المنطقة الحمرا بتبدأ منين.
في المقابل... الفتيس أو الجيربوكس اللي هيركب على الموتور ده معمول بطريقة إنك تاخد أفضل أداء من الموتور في حدود المطلوب من العربية أساسا.
عشان كده..
في القيادة العادية (غير الرياضية) ... عادة ... النقل في الدورات المتوسطة هو أحسن شيء للموتور... عشان تاخد أعلى عزم من الموتور من غير ما صوت الموتور يعلى وكمان يديك أعلى كفاءة في استهلاك البنزين
http://nileup.com/up/uploads/nilemotors_14092263541.jpg
على فكرة... النقل على دورات منخفضة مضر للموتور وبيسبب إن الشنابر تتكسر
بس لو انت عايز تسوق بطريقة "رياضية"... المفروض ما تنقلش للنقلة اللي بعدها إلا على دورات عالية... لإن أقصى قدرة بتاخدها من الموتور بتبقى في الدورات العالية
http://images.rapgenius.com/290338a4....375x281x1.jpg
___________
مع الوقت... هتتعود على حركة العداد، وهتعرف إمتى تنقل وهتفهم عربيتك أحسن بكتير.... وأحيانا ممكن تعرف إذا كان أداء عربيتك كويس أو لأ من العداد، ده كمان ممكن تستغنى عن عداد السرعة لو حبيت
طيب... يعني إيه النقل على دوران متوسط؟؟؟؟
يعني مثلا: لما تيجي تنقل من الأول للتاني ... أو من التاني للتالث، يفضل إنك تنقل لما العداد يشاور على الثلث الوسطاني للعداد قبل الخط الأحمر
بص على الصورة كده:
http://www.wpclipart.com/transportat...tachometer.png
العداد ده الخط الأحمر بيبتدي من 7000 RPM، الدورات المتوسطة بتبقى في التلت الوسطاني من حوالي 2300 لحد 4600.. بالتقريب كده
لو معظم نقلاتك في المسافة دي ... ده بيبقى أحسن للموتور... إنما ده ما يمنعش إنك تضطر تنقل على RPM أقل أو أكتر حسب الموقف اللي انت فيه
الدورات المنخفضة بتبقى في التلت الأول... يعني أقل من 2300
طبعا... مش كل عداد زي التاني في بداية الخط الاحمر.... عشان كده التلت الوسطاني بدايته ونهايته هتختلف
طيب إيه موضوع الاستغناء عن عداد السرعة؟؟؟؟؟
اقرا المشاركة الجاية
...