نصيحه للي بيرخص جديد خد وصل النور

**mesaharaty** · 13-01-2013 11:00 AM

المشاركة الأصلية كتبت بواسطة gomana85

السلام عليكم و رحمة الله و بركاته
انا النهارده و انا بارخص طلبوا مني وصل النور علشان اثبات العنوان الي في البطاقه ، و قولولي انه نظام جديد ان كل حد بيرخص جديد او بينقل ملكيه لازم يقدم وصل النور ..

فياريت اي حد بيرخص جديد ياخد معاها وصل النور احتياطي ، علشان هناك الناس ظريفه بزياده و مبتصدق الدنيا تقف ..

تحياتي

طيب فى حالة إن الرخصة بإسمى ومنتهية ورحت أجدد هل برضه عاوزين إيصال كهرباء ؟ ولا الموضوع ده للى بينقل ملكية بس ؟
أرجو التوضيح مع جزيل شكرى

**HaNo_ELBeh** · 13-01-2013 01:03 PM

المشاركة الأصلية كتبت بواسطة gomana85

السلام عليكم و رحمة الله و بركاته
انا النهارده و انا بارخص طلبوا مني وصل النور علشان اثبات العنوان الي في البطاقه ، و قولولي انه نظام جديد ان كل حد بيرخص جديد او بينقل ملكيه لازم يقدم وصل النور ..

فياريت اي حد بيرخص جديد ياخد معاها وصل النور احتياطي ، علشان هناك الناس ظريفه بزياده و مبتصدق الدنيا تقف ..

تحياتي

أنا عن نفسى هقولهم ان محل الاقامة بتاعى فى العربية بس تفتكروا هيطلوبوا منى اية

**mesaharaty** · 13-01-2013 01:25 PM

المشاركة الأصلية كتبت بواسطة gomana85

الي اتقالي ان النظام ده للجديد و نقل الملكيه بس ، التجديد عادي ..
و علي فكره الكلام ده كان في مرور السلام
و حاولت اعديها من غير الوصل باي تظبيطه منفعتش بالذات اني مش من مواليد القاهره و وصل النور كان بإسم ولدتي فقدمت كمان شهادة الميلاد علشان اثبت انها ولدتي
شلل رسمي يعني

ياللصدمة .... وكمان مرور السلام
الحمد لله إن النظام ده مش للتجديد كمان
بس إيه كمية الروتين المتعفن ده اللى موجود فى المرور ؟ دى بقت حاجة نيلة خالص ... ده كتير جدا إللى بيحصل فى المرور وعاوز له وقفة بجد ... حاجة تقرف

**mostafa3000** · 13-01-2013 09:03 PM

المشاركة الأصلية كتبت بواسطة hanyfarag

أنا عن نفسى هقولهم ان محل الاقامة بتاعى فى العربية بس تفتكروا هيطلوبوا منى اية

طبعا هيطلبو فلتر زيت او هواء قديم

**gomana85** · 13-01-2013 09:28 PM

المشاركة الأصلية كتبت بواسطة welo77

استأذن حضرتك فى سؤال .هو حضرتك العنوان فى البطاقة كان على مرور السلام وده مكنش كافى ولازم وصل نور علشان اثبات محل الاقامة ؟ ولا حضرتك عنوانك مختلف وعلشان كده كانوا طالبين وصل النور؟

واسف للازعاج والف مبروك العربية

الله يبارك فيك الله يخليك
لا عنواني علي مرور السلام و هما كانوا شايفين ان البطاقه مستند حكومي غير كافي و شافوا ان وصل النور هي الوثيقه الوحيده الي بيعترفوا بيها

**Elsebily** · 13-01-2013 11:15 PM

المشاركة الأصلية كتبت بواسطة gomana85

لا عنواني علي مرور السلام و هما كانوا شايفين ان البطاقه مستند حكومي غير كافي و شافوا ان وصل النور هي الوثيقه الوحيده الي بيعترفوا بيها

ازاى يعنى البطاقه مستند حكومى غير كافي الناس دي عبيطه ولا بتستعبط انا اول مره اسمع الكلام ده تلاقيهم كانو عاوزين يشربو شاى ولاحاجه

**Ahmed.TV** · 14-01-2013 02:59 PM

الف مبروك الترخيص والعربية .. وربنا يعطيكى خيرها ويكفيكى شر الطريق ..
وتسلمى على الموضوع والنصيحة وجزاكى الله خيرا ..وربنا يجعله فى ميزان حسناتك

ونتمنى من كل الاعضاء يفيدونا دايما باى نصيحة او معلومة ولو كانت بسيطة

تحياتى