مشكلة فى Ibiza system porsche 1993

**hadydodo** · 12-01-2013 06:12 PM

عندى مشكلة غريبة فى العربية على الرغم انها جميلة و بتجرى بس عندى مشكلة لما أمشى مسافة طويلة و العربية تسخن لما أجى أبطل العربية مدورش تانى على طول لازم أتركها حوالى دقيقة لدقيقتان وبعدين تدور عادى , غيرت طرمبت البنزين و الفلتر و نظفت الأنجكشان أتحسنت لأنها كانت أحيانا أدوس بنزين و كأنى مدوستش بس العيب دة راح لما نظفت الأنجكشان بس لسة بتاخد دقيقة علشان تدور بعد مأمشى مسافة طويلة

**original** · 12-01-2013 06:33 PM

طيب إخبار الموبينة؟؟

**hadydodo** · 13-01-2013 10:39 AM

فى وقت المشكلة انا جربتها كانت سخنة شوية بس جيبة شرارة بس مش عرف كويسة ولا انا حيران بينها و المشط الألكترونى أو الكمبيوتر مش عرف أروح لمين أنا جربت 3 ميكانيكية و مفيش أمل

**hadydodo** · 13-01-2013 10:40 AM

المشكلة أنها بدأت تبطل منى و أنا ماشى و مش بدور ألا بعد نص إلى دقيق

**ehab_mansour** · 13-01-2013 10:48 AM

الموضوع مش هيخرج عن كهرباء او بنزين او تنظيف انجيكشن
و انا اعتقد الكهرباء هي السبب و ياريت لما تعمل كده تجيب فوطه و تبلها مياه و تبرد الموبينه و شوفها هتدور ولا لأ

ابه أخبار فلتر البنزين ؟ و فلتر الهواء ؟ ياريت تغيرهم لو بقالهم كتير متغيروش

**ehab_mansour** · 13-01-2013 01:32 PM

المشاركة الأصلية كتبت بواسطة hadydodo

م / إيهاب منصور انا غيرت فلتر الهوا و البنزين و طرمبت البنزين و المشكلة أن المشكلة مشبتظهر على طول و مش بتاخد وقت كتير يعنى العربية لازم تسخن و أنا ماشى ولما تبطل بدور بعد دقيقة و ممكن تقطع تانى و أسيبها دقيقة و تشتغل فهل الموبينه ممكن تبقى بيظة على الرغم انا بطلع شرز وقت المشكلة

ايوه ممكن تكون الموبينه بتقطع او المشط الالكتروني (طبعا انا معرفش اساسا مكونات دائرة الاشعال عندك شكلها ايه و لكن بتوقع من كلامك)
لكن لازم تعرف ان مكونات الاحتراق ثلاثة بنزين مخلوط بهواء و شرارة تولع فيه داخل البستم و يكون ده متزامن مع حركة البستم و الصبابات اللي بتخرج العادم و تدخل الخليط و مع وقت الشرارة فتاكد ان المكونات دي تعمل جسدا و التزامن موجود يبقي لازم تدور

انت بتقول انك غيرت فلاتر و طلمبة بنزين يبقي كده دورة البنزين مفيهاش مشكلة و الهواء بيدخل من البوابة و اكيد شغاله و باقي الكهرباء