نصيحه محدش يحط مله لمون ولا خل فى الريداتير

**AMRSPEED** · 13-01-2013 09:49 PM

انا حطيت معلقتين ملح لمون فى الريداتير زى ما كنت قريت فى المنتدى قبل كده الدنيا كلها باظت
فجأه للقيت درجه الحراره قبل الأخر بشرطه وبخار جامد جدا طالع من الكبوت وبعدها على طول سمعت صوت زى ما يكون حاجه فرقعت ولقيت الماسوره اللى بين الريداتير والمكنه اتخرمت
الدنيا كلها باظت بعد ما كان معنديش اى حاجه
دى نصيحتى عن تجربه

**AhMeD MeTwAlY** · 13-01-2013 11:04 PM

قدر الله وما شاء فعل بس سعتك مش عارف ان دي كلها املاح وسبب من اسباب السخونه الاملاح

**exact** · 13-01-2013 11:13 PM

أضم صوتي لصوتك... أنا ضفت خل للميه... وتوقعت ان الغليان هيحصل لأن درجه غليان الخل اقل من 85... فما طولتش فالتسخين... لأن ده هيسبب ان مفيش تبريد كافي... عاوز خل يبقى عالبارد وبدون ادراة للمحرك وتغسل كذا مرة

اللي حصل عندي نفس اللي حصل عندك... ثقوب في الماسورة السفليه اللي طالعه من الموتور... وطيران طبيتين ميه من وش السلندر دخلت زيت عالميه وخلتني لفيت حوالين نفسي وكنت هاغير جوان بسببهم بس ربنا نجدني من الميكانيكي الفتاي

**Amr Axel** · 13-01-2013 11:14 PM

لا حول و لا قوة الا بالله
الحمد لله انك بخير
فعلا دايما بنصح الناس تبعد عن قصة الخل و اللمون لأن الخل مع الوقت هياكل الخراطيم اه هينضف لكن الخراطيم هتودع و اللمون تجربه حضرتك بالرغم ان ناس بتحط خل و لمون و مفيش حاجة بتحصل لكن هو نصيب لكن الصح نخلينا في السليم لذلك فيه سوائل خاصة لعمل فلاش لدورة التبريد

**max100x** · 13-01-2013 11:21 PM

طبيعي جدا يحصل كده لو سبت الخل معشش في العربية او انك تضيف كميه كبيره
هوا يدوب تضيف الخل و تشغل الموتور 5 دقايق و بعدين تنزل الميه كلها اللي في العربيه وبعدين تضيف ميه مقطرة
و بعدين واضح ان فيه كميه صدا جامده في دورة الميه عندك و كان لازم يحصل كده

انا من غير اضافه خل او غيره .... غيرت الطبتين اللي في وش السلندر بسبب عدم استخدامي مياه مخصصه للتبريد