الموضوع: FM Modulator = Piece of crap.... نصيحه لوجه الله : محدش يشتريه حرام فيه الفلوس

فعلا خساره فيه الفلوس انا عمرى ما فكرت اشتريه اصلا وجالى هديه واستخدمته مره ومن ساعتها مستخدمتوش تانى

بس شكلك مخنوق منه على الاخر ههههههههههه

امبارح نزلت باب اللوق علاشان اشترى الجهاز الحقير ال FM Modulator .. من انتاج الشركه الاكثر حقاره فى مجال الكمبيوتر والالكترونيات فى العالم " GigaMAX " و كان ب 70 جنيه . و طبعا عليه علامه الجوده Made in china ربنا ياخدهم و يريحنا

و جبت كارت اس دى كينج استون كورى ب 60 جنيه .

و طلع مقلب مخدتش بالى منه غير لما رجعت البيت !! انى لازم اشترى ريدر لانهم مش حاطين كابل USB مع الModulator .. ولا فيه ريدر ....طبعا قمه الغباء .

و اضطريت اشترى انهارده Card reader ب 10 جنيه .

و حطيت بنزين فى العربيه الخ الخ الخ الخ

يعنى الموضوع الفاشل ده كلفنى 160 جنيه بالبنزين ... غير المجهود فى اللف و الدوران و التدوير

النتيجه :-
قبل ما اقولكم النتيجه .. الواجا فيها ساوند سيستم كلاريون ... و فى كل الاحوال الصوت نقى جدا جدا و حتى مع الراديو الصوت جميل جدا و نقى للغايه و مفهوش ادنى مشكله بالنسبالى .

النتيجه مع Modulator :-

1- الصوت وحش جدا جدا جدا و كأنى مركب كاست رود استار من ابو 100 جنيه ...على سماعات جنيرال مسروقه من سوق الجمعه .

2- الصوت طالع من ناحية الشمال بس !!!!!"" و ديه اكتر حاجه جننتنى " مافيش صوت بيطلع من السماعات اليمين " لا ورا ولا قدام " و جبت الموبايل و شغلت الراديو الى فى االموبايل و فعلا الصوتبرده فى الموبايل بيطلع من السماعه الشمال بس !!!!!

3- الايكولايزر الى فيه فاشل و كل تظبيتاته بطلع الصوت اوحش بكتييير من الوضع "Normal " الى هو اصلا الصوت فيه سئ وغير مقبول .

4- مافيش خاصيه التقديم السريع !!!! ........:cuss::cuss: يعنى لو مشغل تراك ساعه و عاوز تجيبه من النص ماينفعش !!!! يا تسمعه كله يا تنفض و تمسحه من الكارت احسن .

المحصله و النتيجه النهائيه .....
- محدش يشترى الزفت ده الى لو مش فارق معاه جودة الصوت ... و عاوز حاجه تزن فى العربيه و خلاص .

- ماشوفتش فى السوق انواع Modulator كويسه غير لل Ipod ده ب 450 جنيه تقريبا فى فيرجن ستى استارز و مش بيشغل غير اى بود بس .

- اسعار Modulator بتتراوح من 50 جنيه : 100 جنيه و كلهم شبه بعض مع اختلافات بسيطه .


* اه صحيح نسيت اقولكم ان سبب بواظان السى دى بلاير الى فى العربيه ... الاسطوانات الزباله .. من الشركه الاكثر حقاره على وجه الارض........ اكيد طبعا عرفتوها :cuss:" GIGAMAX " لان اسطوانتهم " تحديدا " كانت بتدخل مابتطلعش لغايه ما بوظت السى دى بلاير ....

ربنا يباركلك ويعوضك عن خسارتك

متشكر حضرتك نبهتنا عشان كنت ناوى اشترى واحد

وعلى فكره جيجا ماكس ده زباله فعلا نزلو اسطوانات جيجا مره اشتريت علبه طلعو كلهم 750 اه واللع العظيم وكان مكتوب عليهم 900 مع انى مكنتش مقتنع اصلا بس قولت اجرب

هوا ده الغش التجارى فى ابشع صوره

بس العيب مش على الصينين العيب على التجار اللى بيجيبو الحاجات الصينى الدرجه العاشره واحنا بنشترى وساكتين

فى صناعه صينيه درجه اولى وزى اليابانى والماليزى والكورى والله بس مش عندنا دى

God Bless Egypt!

انا اشتريت بتاع راديو شاك بعد ما الاخوة شكروا فيه أوي والحمد لله باظ بعد 3 ايام بالظبط
لقيت كل حتة فيه في ناحية وقررت مش هاشتري واحد تاني

و كمان الشريط بتاع mp3 كل الى فى السوق مضوب و بيبوظ الكاسيت و جبت بتاع راديوا شاك 120 ج بردو صينى و بردة طلع بايظ:cuss:

يعنى GigaMax مش حلو ماشى ... بس حتى بتاع راديو شاك Easy-PC طلع اى كلام

ده انا لسه كنت عايز اشترى بتاع راديو شاك .. امال ازاى فى ناس بتشكر فيه ؟ وكده يعنى الموضوع ملوش حل ولا Modulator ولا سى دى .. يعنى نرجع للشرايط بس

If you pay Peanuts, you get Monkeys

دي حكمة انجليزية ومعناها بالبلدي الغالي تمنه فية!

حضرتك نازل تشتري جهاز لعربية ب 70 جنية صيني ومش معاه ضمان ولا حاجة وزعلان لية؟ ده بختك ياابو بخيت!
كنت ممكن توفر على نفسك وتروح مكان محترم زي راديو شاك او سبينيز وتجيب ماركة محترمة .... ايوة صيني .,.. بس في ضمان !

ال موديلاتور معايا بقالة 7 شهور وبحمد الله وما شاء الله زي الفل شغال على كاسيت العربية ... كنت جايبة من راديو شاك ومعاه كارت ميموري 512 وميموري ريدر ب 120 جنية ومعاه ضمان 6 او 8 شهور.... بس الحمد لله زي الفل .... وبعد كدة جبت له فلاش ميموري 2 جيجا وشغال وعايش حياتي زي الفل

يبقى ما تلومش المنتج ولكن لوم سوء الاختيار

ربنا يعوض عليك بالأحسن

ليه كل ده بس

انا عندى نفس الجهاز وجيجا مكس برضوا وشغال زى الفل من شهور بشغله مع فلاش ميمورى ومعاه ريموت فيه اكوليزر تظبط منه وبصراحه مش وحش والصوت كويس