البوجيهات دى إيه ظروفها

**alking_2006** · 14-01-2013 04:53 PM

على فكرة عندى معلومة بالنسبة لترطيب البوجيهات
كنت قريت على نايل موتورز من فترة واحد كان بيحكى
انه لما بيجى يركب البوجيهات حتى لو هيركب بوجيهات جديدة و مش متخزنة عنده ممكن تبقى متخزنة عند التاجر و اكيد التاجر بيكبر دماغه فى موضوع شروط التخزين

بيحرقها على عين البوتاجاز علشان اى رطوبة تخرج منها من اولها و من قبل ما يركبها و قال فعلا ان البوجيه بيعمر معاه وقت اطول لما بيعمل كدا

**dr.hazem** · 14-01-2013 05:34 PM

المشاركة الأصلية كتبت بواسطة alking_2006

على فكرة عندى معلومة بالنسبة لترطيب البوجيهات
كنت قريت على نايل موتورز من فترة واحد كان بيحكى
انه لما بيجى يركب البوجيهات حتى لو هيركب بوجيهات جديدة و مش متخزنة عنده ممكن تبقى متخزنة عند التاجر و اكيد التاجر بيكبر دماغه فى موضوع شروط التخزين

بيحرقها على عين البوتاجاز علشان اى رطوبة تخرج منها من اولها و من قبل ما يركبها و قال فعلا ان البوجيه بيعمر معاه وقت اطول لما بيعمل كدا

انا وضحت ان الموضوع مش موضوع رطوبة مائية....
ملوش معنى الكلام ده...
البوجيه اللي يبررد ملوش حل غير رمي الزباله....

ووضحتلك اني بغسلعم بميه وصابون وعادي..
تحياتي

Sent from my SE Arc S using Forum Runner

**dr.hazem** · 15-01-2013 06:54 AM

المشاركة الأصلية كتبت بواسطة exact

الخلاصه
مع احترامي الفائق لكلام الزملاء المجتهدين ولكل مجتهد نصيب... مفيش حاجة اسمها البوجيهات ترطب... والرطوبة ليست عدو البوجيهات...
للتصحيح فقط عدو البوجيهات اللدود بمعنى الكلمة هو ترسب الزيت على اقطابه يليه بعد ذلك ترسب الكربون من نواتج الاحتراق... بخصوص الرطوبة العازل من الخزف والسيراميك ولا يتأثر بالرطوبة وده لأن اساسا ناتج الاحتراق ماء واكاسيد كربون ونتروجين وخلافه... وحرارة البوجيه اثناء عمله تتجاوز الــ 700 درجة.... وبالتالي ليس منطقيا اطلاقا انه يتأثر بالميه...وانا شخصيا بعد اما باصنفره باديها ميه وصابون بسلك المواعين وبيقعدوا معايا بتاع 30000 كيلو وبعد كده بيركبوا في فيسبا

بخصوص اللي في الصور.... حسب كلام ان جي كي... الاتنين زي بعض تمام في القطر (b) وان الاتنين العازل اللي حوالين السن الاوسط بارز (p) ورمزهم الحراري (6) اللي بيشير لأن البوجيه ليس ساخن ولا بارد.. وحرف ال (e) يشير لكون طول القلاووظ 19 ملليمتر

طيب لحد هنا وحلو... الاختلاف عندنا في حاجتين... ان واحد فيهم رمزة
bpr6es حرف الار ده بيرمز لكون البوجيه يحتوي بداخله على مقاومة كهربية متوسط قيمتها من 10 الى 22 كيلو اوم مدفونة جوه البوجيه ومتوصله على سنه الوسطاني وحرف الـ (s) ده انه شكل السن الاوسط ستاندرد هتلاقيه ممسوح ومستوي والحته اللي طالعه فوق العازل الخزف من السن الاوسط طولها 2.5 ملليمتر

طب ليه المقاومة... المقاومة دي عشان تمنع الشوشرة على الالكترونيات الدقيقة زي وحدات الكونترول بتاع العربية او لو العربيه فيها جي ام مضروب مثلا وبالتالي هي الاكصر استخداما في السيارات ذات الحقن الالكتروني اما السيارات العادية فلا ضرر من استخدامها ولكن النوع الثاني انسب

البوجيه التاني... Bp6ey نفس الكلام ولكه بدون مقاومة والتوصيل بداخلة ببار من النحاس فقط (لا يوجد حرف ار) بينما حرف y ده بيرمز لأن البوجيه سنه الوسطاني طوله 2.5 ملليمتر ولكنه ليس ممسوح وهتلاقيه منقور من وسطه بخط رفيع كده ده وظيفته انه بيزود مساحة سطح القطب الاوسط وبالتالي شرارته اعرض ويديك احتراق افضل وسعره ارخص عشان مفيهوش المقاومة ويعتبر انسب

من باب العلم بالشئ سوزوكي لا تنصح اطلاقا باستخدام اسلاك بوجيهات نحاس ولكن تنصح باللي بيسموه عندنا حراري او كربون

كلام جميل جدا...
بس في حقيقة لا يمكن إنكارها بخصوص توصيل الكهرباء في البوجيهات ومدى تأثر معدن النحاس بعوامل زي الاكسده...
كمثال يقاس عليه وبنفس المبدا...
عندي مكنة لحام كهرباء....
كنت عايز ألحم باب البيت الحديد
توجهت لاقرب محل تجهيزات عامة واشتريت عدد من اسياخ اللحام..
لما جيت اشتغل بيهم ومن المعروف ان لحام الكهرباء بيحتاج ان يتعمل ماس داخلي يولد حرارة تخلي الماده اللي بتلحم تنصهر...
واجرب.. مش راضي يشتغل لدرجة اني مسكت السيخ ولمسته للقطب التاني دون أدنى تأثير...
قلت اووببا المكنه باظت..
سألت حداد قالي غالبا الييخ متخزن وحش ومعدنه بايظ ومش بيوصل كهرباء...
رجعت صنفرت السيخ وجربت ادا شراره لجزء من الثانية فعرفت ان العيب في الاسياخ فعلا...
ولفيت كعب داير كل ما اجيب اسياخ نفس العملية...
توجهت في الاخير لأكبر محل واشهرهم... بقوله عايز اسياخ قالي ما ببيع فرط لازم كرتونه...
بقوله بس دنا محتاج واحد اتنين بالكتير
قالي الكرتونه لما بتتفتح بتخرب...
واخدت منه مظطرا وكلفتني كتير جدا
وفعلا اول ما شبكته بعد ما كنت فقدت الامل ان ألحم الباب...
اول ما بيلمس الباب فورا بيلحم....
فالفكره ان المعادن توصيلها بيضعف فعلا...
مشموضوع رطوبة زي ما حكيت مسبقا... هو كلمة انه مرطب ميتقصدش بيها الميه وانما كنايه عن ان المعدن اصبح ردئ لاي سبب كان....
تحياتي....

Sent from my SE Arc S using Forum Runner

**mesaharaty** · 15-01-2013 09:14 AM

متابع ومستفيد جدا

**Amr Axel** · 15-01-2013 11:10 AM

مع احترامي لكلامك يا أ \ exact و الشرح
لكن زي ما ابو حازم وضح احنا منقصدش الرطوبة هنا بمعني المية ما احنا بنضف البوجهيات سوء بنزين او مية لكن احنا نقصد المعدن نفسه برد و مبقاش صالح زي الأول

**Amr Axel** · 15-01-2013 04:14 PM

المشاركة الأصلية كتبت بواسطة exact

طب ما تدوا له سنة صنفره... وهو كده كده بيعوز كل شهرين مرة يا رجالة

للأسف انا جربت قبل كده مع البوجهيات كل حاجة صنفرة و سلك و ليفة و سخنته ع نار مفيش امل خلاص انتهي طالما رطب

**dr.hazem** · 15-01-2013 04:24 PM

المشاركة الأصلية كتبت بواسطة exact

طب ما تدوا له سنة صنفره... وهو كده كده بيعوز كل شهرين مرة يا رجالة

والله يا دكتره انا اللي شفته من البوجيهات حاجة تقرف....
أعراض زي اعراض الابلاتين
برجله وتنتيش ومدافع وتقعد تغير وتبدل وميجيش فبالك ابدا البوجيهات وتطلع منها...
مره كنت ماشي والعربية ماشيه كنت مغير البوجيهات قبلها بيوم...
في شارع فؤاد الظهر وراحت طفت....
ادور مش راضيه
وقفت وحمدت ربنا ان القدام كانوا لسا في العربية وفكيت دول وركبت القدام ودارت زي السلام عليكم....

وحاولت مع الجداد صعبو عليا وصنفر واضيق الخلوص وعملت اللالي ومفيش فايده....
واهم عندي للذكرى ههههههههه
تحياتي

Sent from my SE Arc S using Forum Runner

-

-

-

الموضوع: البوجيهات دى إيه ظروفها

LinkBack

أدوات الموضوع

عرض

-

-

-

-

-

-

المواضيع المتشابهه

تنظيف البوجيهات بالبزنين يبوظها ؟ سلوك البوجيهات لو بتكهرب يبقى كده بتهرب كهربة ؟

تنظيف البوجيهات بالبزنين يبوظها ؟ سلوك البوجيهات لو بتكهرب يبقى كده بتهرب كهربة ؟

ياترة منطقة البنفسج عمارات في التجمع ظروفها ..والورق اللي انا محتاجه قانونا.???

البوجيهات

اتوس الجديدة يا جماعة، ايه ظروفها ؟

الكلمات الدلالية لهذا الموضوع

المفضلات

المفضلات

ضوابط المشاركة