إستخدام الميجان بعد ما رفعتها 3 سنين

**Ahmed Selim** · 14-01-2013 09:04 PM

المشاركة الأصلية كتبت بواسطة blazer

حمد الله على سلامتك ياكبير, مصرهتنور

مبدئيا السيور الكاوتش والزيوت " خصوصا الماتور و الفرامل"

الكاوتش ال 4 فرد والبطارية

الله يسلمك يا باشا

إن شاء الله السوائل كلها هتتغير....و السيور كمان

البطارية كده كده كان واحد صاحبي أخدها.....يعني هحتاج واحدة

و إن شاء الله شهر ولا أتنين و أغير الكاوتش.

المشاركة الأصلية كتبت بواسطة mohammedaladel

حمدا لله على سلامتك هتنور مصر يا أستاذ أحمد والله

هو أكتر حاجة قلقانى السيور .... الحرارة والتمدد والانكماش والرطوبة والأتربة
السوائل مش هتبقى خطرة ولاحاجة لأنها فى أماكن محكمة الغلق ولكن وجب تغييرها برضه عشان عمرها الأفتراضى بالإضافة لفلتر زيت الموتور فلتر الهواء يتنفخ بالهواء
المفروض الكاوتش يبقى متزود بالهواء فى الفترة اللى كانت العربية فيها مش مستخدمة وبرضه الركنة هتأثر عليه غير كدا هتلاقيه باظ لو كان مركون بالجنوط بعيد عن العربية ومريح أصل أنا شفت صور لعربيات مرفوعة من غير الكاوتش

بالنسبة للبطارية العربية مرفوعة من غيرها بالتأكيد محتاجة بطارية جديدة

أنا شايف إن الأولوية لتغيير السيور

وطبعا تظبيط العفشة ورش مفصلات الأبواب والأقفال ب wd40

الله يسلمك يا محمد

الزيوت ليها عمر أفتراضي........علشان اللزوجة

يعني زيت الموتور عمره الأفتراضي سنة بالكتير.

المشاركة الأصلية كتبت بواسطة الغزالى

حمد الله على السلامع يا كبير ... تيجى بالسلامه
ثانيا أفتكر السيور لازم تتغير عشان الجلد ليه عمر أفتراضى أصلا مع الاستخدام فمابالك بالركنه لمده 3 سنين
والزيوت أفتكر ممكن بس أكترهم زيت الماتور لانك كنت أكيد ماشى عليه قبل ماتركنها
والسوائل أمرها سهل ... والبطاريه لو شغاله وزى الفل يبئى مش لازم تغيرها وقتى
والكاوتش برضو لو صلاحيته أنتهت حاول تغيره فى أسرع وقت ...
-------------------
وفى الاخر متنساش الى كنا بنتكلم فيه على الفيس بوك ... وأنا فاهم وأنت فاهم وكتر الكلام ملهوش لزمه :b4_444:

ههههههههههه غالباً العربية هتحتاج البتاع ده :)

المشاركة الأصلية كتبت بواسطة ecybrarian

فقط اكشف على الزيوت والسيور قبل ما تتحرك...دي اهم حاجة....في انتظار تشريفك يا زعيم

الله يباركلك يا هندسة

المشاركة الأصلية كتبت بواسطة ahmed_hanafi

مهم اوي تغير زيت الماتور علشان اكيد اللزوجة بتاعته بقيت ضعيفة

أكيد إن شاء الله

المشاركة الأصلية كتبت بواسطة s o p h o s

ان شاء الله تيجي بالسلامة ..

الله يسلمك يا باشا

**mo7a_mo7a** · 14-01-2013 10:43 PM

لازم لازم لازم تغيير زيت الموتور قبل ما تحرك العربية من مكانها بعد المدة الطويلة دي كلها
الزيت زمانه تحلل تماما دلوقتي والفلتر اتدمر
دي حاجة مفيهاش نقاش

اللهم قد بلغت

**Ahmed Selim** · 15-01-2013 08:33 AM

المشاركة الأصلية كتبت بواسطة dsaasdsadsa

اول حاجه حمد لله على سلامتك

تانى حاجه خليك فى الامان وغير قبل متتحرك

او حتى خلى الاولويه للسيور وبعدين الزيوت والكاوتش

بس متتحركش كتير يعنلا مشوارين تلاته كدا !

الله يسلمك يا باشا

أنا بحاول حالياً أشوف حد يغير السوائل كلها و السيور و هي فى مكانها و ربنا يسهل.

المشاركة الأصلية كتبت بواسطة mo7a_mo7a

لازم لازم لازم تغيير زيت الموتور قبل ما تحرك العربية من مكانها بعد المدة الطويلة دي كلها
الزيت زمانه تحلل تماما دلوقتي والفلتر اتدمر
دي حاجة مفيهاش نقاش

اللهم قد بلغت

شكراً يا باشا أنا فعلاً متوقع أن الزيت هيكون عامل زي المياه

المشاركة الأصلية كتبت بواسطة tamerosman

تيجى بالسﻻمة ....حد يرجع مصر فى الظروف الصعبة دى ...

نصيحة لوجه الله ....خليك فى اﻻمارات لو قدرت .. ان كنت هناك و ندمان انى رجعت

الله يسلمك...........و للأسف ما باليد حيلة :)

**mem** · 16-01-2013 02:58 PM

المشاركة الأصلية كتبت بواسطة hany63

حمدلله على السلامه و انا لو مكانك هعمل حاجه من اتنين:

1- هشوف حد يكون متخصص ييحي يعمل كل حاجه تحت البيت
2-احطها على ونش للورشه اللي بتعامل معاها و بناقص 250 جنيه

وده طبعا عشان اشتري دماغي و مبقاش قلقان فيما بعد لو ظهر حاجه و اقعد اقول ياريت

+1

**Ahmed Selim** · 19-01-2013 01:19 PM

المشاركة الأصلية كتبت بواسطة hany63

حمدلله على السلامه و انا لو مكانك هعمل حاجه من اتنين:

1- هشوف حد يكون متخصص ييحي يعمل كل حاجه تحت البيت
2-احطها على ونش للورشه اللي بتعامل معاها و بناقص 250 جنيه

وده طبعا عشان اشتري دماغي و مبقاش قلقان فيما بعد لو ظهر حاجه و اقعد اقول ياريت

إن شاء الله بحاول أشوف حد يعملها فى مكانها.........على الأقل خالص السوائل و السيور......لو مكنش يبقى ونش وأمري إلى الله.