لما تسخن مش بتدور !!!

**MOHAMED ABD EL SHAFY** · 26-07-2008 02:22 PM

ممكن يون سبب اخر لو العربية فيات والمرش هوا اللى مش بيدور يبقى الاتوماتيك بتاع المارش

**m_waheed** · 27-07-2008 12:10 AM

المشكلة دي حصلت بالظبط معايا في عربية لانوس 2002 لما بدور الصبح بتدور عادي يمكن العربية تعتل بسيط لكن بتدور لكن لما تسخن مش بتدور إلا لما تبرد بعد نص ساعة ولما كشفنا علي البطارية طلع في ربع ضارب عشان كان لو حبيت تعرف فك ارباع العربية ولو لقيت في بخرة في مية اي ربع يبقي كده في مشكلة في البطارية وغيرها علي طوول

عموما الكشف عن سبب المشكلة دي سهل جدا انك تروح للكهربائي والعربية سخنة وخليها يغير البطارية بتاعتك ببطارية من عنده لو العربية دورت يبقي المشكلة من البطارية ولو العكس يبقي احتمال زي ما قالوا الاخوة

**MAHA2MAHA2000** · 29-07-2008 11:24 AM

لو عندك أبلاتين ممكن يكون لادع عشان الموضوع ده كان عندي في البيجو 504
و ممكن تكون الموبينة
و الله أعلم

**Adham** · 30-07-2008 02:40 AM

بص لو المارش بيلف عادي بس العربية مش بتلقط, ممكن فعلا تبقى البوبينة زي مالاخوة قاللوا, او تبقى طلمبة البنزين

انما لو و العربية سخنة بتبطلها تيجي تدور تاني تلاقي المارش "بيعتل", يعني تحس انة مش بيلفف الموتور , او مش قادر يلف الموتور ممكن كهرباء العربية تكون مقدمة او التقسيمة مقدمة سنة او اتنين
ساعتها يبقى خللي الميكانيكي يراجع ضبط توقيت الاسبراتير او سير الكاتينة