بافكر اغير النشاط،ايه رأيكم ؟؟

**Ghamrawy** · 25-07-2008 07:16 PM

بعد 7 سنيين من التنقل بين الشغل فى القطاع العام و مشاريع المعونات الاجنبية و اخيرا القطاع الاستثمارى ،فكرت انى اشوف نشاط تانى غير موضوع الوظايف و الموظفين ده أو حتى يبقى حاجة تانية بجانب الوظيفة علشان لما أضرب المدير و أستقيل الاقى حاجة تانية أشتغلها.
بافكر أجر محل فى أي مول جديد ايه رأيكم ؟؟؟ و أيه هى أفكاركم ؟؟
فكروا معايا و انصحونى يا اخواتى الاعزاء

**Xpert** · 25-07-2008 08:33 PM

بتفكر ... الفكره لازم تكون كامله .. و لازم تكون ليها عناصر .. و لازم يكون ليها خطه تدعمها في حاله الطواريء ...
معني ان انت فتحت الموضوع .. و بتفكر تفتح حاجه .. يعني انت فيه حاجه في دماغك ...
يه هوه بقي اللي في دماغك ده بالظبط ؟ :d

**Ghamrawy** · 26-07-2008 12:52 AM

بيشو باشا
منور الدنيا يا غالى
اكيد فى اكتر من فكرة و بصراحة هما فكرتين مش فكرة واحدة
الاولى هى استيراد مستلزمات البيوت من الصين و الهند
و الثانية مش محتاجة محل فى مول بس محتاجة محل فى الحرفيين و حرفيين اسكندرية مش حاتنفع علشان منحوسة و مفلسة و غير كده الفكرة نفسها محتاجة دراسة اكتر

**Xpert** · 26-07-2008 12:59 AM

اللي هيا ايه بقي ؟ قطع غيار ولا تيوننج ؟ هههههههه
sometimes the best ideas are the craziest ones :D

if you dont have a backup , you dont have a plan ...

مش عارف ليه بس طلبت معايا حكم .... ما علينا ...
بتاع الصين ده حلو مش وحش ... خصوصا ان الشعب نفسه قرب يبقي made in china ...
بس في حكم الظروف الحاليه للبلد .. انا افضل لو الواحد Sit tight و مايعملش حاجه الا لما نتاكد البلد دي رايحه علي فين بالظبط ...

**Dr Ahmed** · 26-07-2008 01:06 AM

بتاع الصين ده حلو مش وحش ... خصوصا ان الشعب نفسه قرب يبقي made in china ...

بتقول فيها
طب والله مرة لقيت ورقة صغيرة ملزوقة على كعب رجلى لقيت مكتوب عليها made in China

موضوع الاستيراد معقد وعايز نفس طويل لتخليص البضايع من هنا وهناك وعايز دراسة حلوة للسوق قبل المخاطرة بأى فلوس

**Xpert** · 26-07-2008 01:08 AM

الرجل الصيني :d ... طب مش يمكن الشوز هيا اللي ميد ان شاينا يا دكتور :d

**Ghamrawy** · 26-07-2008 01:23 AM

المشاركة الأصلية كتبت بواسطة Xpert

اللي هيا ايه بقي ؟ قطع غيار ولا تيوننج ؟ هههههههه
sometimes the best ideas are the craziest ones :D

if you dont have a backup , you dont have a plan ...

مش عارف ليه بس طلبت معايا حكم .... ما علينا ...
بتاع الصين ده حلو مش وحش ... خصوصا ان الشعب نفسه قرب يبقي made in china ...
بس في حكم الظروف الحاليه للبلد .. انا افضل لو الواحد Sit tight و مايعملش حاجه الا لما نتاكد البلد دي رايحه علي فين بالظبط ...

it will be tunning not basic spare parts,as spare parts market is full of trash
بس سوق الحاجات دى مش جامد فى اسكندرية و معظم اللى معاهم عربيات بتبقى عربيات اهاليهم

اما عن موضوع الصين و الهند فالمستورد موجود و ممكن اتعامل معاه
بس لو الواحد فضل يفكر كتيير فى حال البلد يبقى مش حايتحرك فى سنته

**Xpert** · 26-07-2008 01:34 AM

ال tuning مش هاينفع علشان الفئه اللي بتتعامل في الكلام ده قليله جداُ ...
الاوقع انك تشتغل في الحاجات الصيني دي ... think practical ;)

**MoToRiZeR** · 26-07-2008 01:41 AM

انا شايف ان الاكسسوارات بتاعة اللبس خاصة الحريمي هي انجح مشروع

1- عمر ما البنات هتبطل تشتريها و سوقها ماشي علي طول .. و الناس بتشتري اكسسوارات للبس اكتر ما بتشتري اللبس نفسه .
2- هتشتريها من الصين برضه بسعر قليل جدااااا .. الاكسسوارات دي بتتجاب ببلاش أصلا لأن واحد صاحبي شغال في الموضوع
3- هتكسب في القطعة جامد

انا ليا صديق فاتح محل صغير جدا في جامعة الدول و بيبيع حاجات يعني بسيطة اوي و ممكن تتعمل علي الإيد أصلا ! إلي جانب شوية بوسترات و اكسسوارات و سلاسل و حظاظات و ولاعات zippo و الكلام الفارغ ده .. بيكسب في اليوم صافي مش أقل من 250 جنيه .. و هو محل حقير يعني مش في مول ولا حاجة .

عايز اقولك انه كان معاه 128 و في سنتين جاب فيتارا ما شاء الله

بس لازم يكون حد بيفهم أوي في الموضة و الملابس و ذوق الشباب اللي ماشي شغال معاك
لأن فيه محلات تخشها زي ما طلعت .. مليانة بضاعة ميعجبكش منها اي حاجة

**NaderNabil** · 26-07-2008 01:58 AM

موضوع الاستيراد و خصوصا من الصين مفيش أسهل منه دلوقتي

كل اللي عليك انك تطلع سجل تجاري و بطاقة ضريبية و تحدد انت عايز تشتغل في ايه بالظبط...و تاخد بعضك و تروح علي الصين رحلة لمده 10 أيام....طبعا بيبقي فيه مرشدين و ناس عارفة كل المصانع و الذي منه فين و كده...تفضل تلف و تفاصل لحد ما تاخد أفضل سعر و تشحنهم علي مصر...و تخلص جماركهم و تاخدهم علي المخزن أو المحل

أقترح عليك زيارة موقع www.alibaba.com
ده فيه كل ما يخص البضاعة الصينية من الابرة للصاروخ من المصنع رأسا و بسعر المصنع بس لكميات طبعا و ممكن تشتري أونلاين لأي كمية انت عايزها....فقط اكتب اسم السلعة و هايجبلك كل المصانع اللي شغاله فيها

لو عوزت حاجة تانية في الحوار ده قوللي