الموضوع: البنزين - البنزين - البنزين

المشاركة الأصلية كتبت بواسطة م.احمد زكريا

بسم الله الرحمن الرحيم

ثانيا: رفع الدعم هايكون جزئي وليس كلي (يعني لتر البنزين 92 السعره في مصر 1.85 جنيه سعره الحر في ايطاليا مثلا 1.7 يورو ) ومتوقع ان سعره بعد رفع الدعم الجزئي يكون من 2.5 الى 3 جنيه

وشكرا

طيب وهو المواطن الأيطالي بيدفع أد تمن العربية 3 أو أربع مرات للحكومة الإيطالية عند دخولها البلد

طيب عشان الواحد كان زمان عندو شوية حسن ظن واهى بالحكومة ديه, لكن كل حسن الظن طار.

خد عندك:

أولا على لسان وزير البترول شخصيا فى حواره مع خيرى رمضان (دور على اليوتيوب و كان فيه موضوع مخصص ليه هنا على المنتدى):

- الدعم سيكون لغاية فئة ال 1400 سى سى فقط, يعنى الجيتا و الباسات الجديدة ليهم دعم و اللانوس و الفيرنا و ال byd مالهمش دعم.

- االدعم فى السيارات القديمة هيكون لغاية 1990 فقط لا غير, مش 1994 (للمواتير الأعلى من 1400 سى سى يعنى).

بره بأه لسان وزير البترول:

- ايه موقف مصانع الحديد و الصلب و الاسمنت من دعم الطاقة, و من المعروف ان الشركات ديه بتحقق ارباح ممكن تصل ل 300 و 400%, و الله أعلم, محدش فتح بقه عن تقنين الدعم ليهم ليه, معرفش.

- طيب بتقارنى بدول بره على اساس ايه, اولا مخزون البترول العندك يكفيك 15 سنة, و انتا بتعتبر دول منتجة للبترول على فكرة جنب الغاز, لكن دول اوروبا لا تنتج البترول تقريبا.

- دول اوروبا عندها بديل تانى ارخص و هو الديزل, و طبعا فى فرق فى خامة الديزل عندهم غير عندنا مع العلم ان الديزل ارخص و اقل استهلاكا و عمرو مواتيره أعلى, بما انك حكومة متفتحة, متتوسعش ليه فى ادخال الديزل بكميات اكبر فى البنزينات و ده يكون بداية ادخال عربيات الديزل الملاكى لمصر و لو حتى تسمح باستيراد عربياته مستعملة من بره للتوسع فى استخدام العربيات الديزل على حساب البنزين.

- دول العاااااالم ما عدا مصر تقريبا, بتشترى العربيات بسعر المصنع و مضاف عليه الضريبة و شكرا, و ده بيأدى لكثرة تداول المستعمل بحالات جيدة جدا و بأسعار منخفضة مما يسمح بامكانية اعدام السيارات القديمة بما تسببه من (تلوث - اعطال و خانقة مرورية - كثرة استهلاك بنزين), طبعا كل ما العربيات تقدم, استهلاك بنزينها بيزيد.

- منع دخول العربيات المستعملة من بره, قانون شديد الغباء و التعسف, مش فاهم منعه ليه و ليه مصممين يعيشونا فى قرية مغلقة مش فاهم.

- هل انتا كمواطن بتدفع ضرائب و جمارك خزعبلية و ترخيص و تأمين سنوى معرفش فايدته ايه لغاية دلوقتى, بتاخد خدمات طرق أو تأمين على الطريق السريع أو طرق نضيفة تحافظ على السيارة المعاك؟؟؟؟

طيب للأسف الشديد انا انتخبت رئيس ندمت على اختياره و اعتقد بأه فى كتير زى حالاتى, اهتم بالحفاظ على كيان تنظيمه على حساب البلد كلها, فشل فى اختيار وزراء و محافظين و مختصين ذو خبرة و قدرة على تسيير البلد. و اعتمد على عشيرته البيغرقوا السفينة باقتدار, فشل فى جلب استثمارات و تحقيق استقرار, بالعكس جماعته بتعادى جميع دول الخليج ماعدا دولة قطر لمجرد تفضيل مصلحة جماعته, مرر دستور مشبوه و على حساب ارواح و ارادة الكثيرين و قالوا عشان الاستقرار, و ادينا شايفين الاستقرار, عمل تعديل مخصوص و طير وزير داخلية (مشكور فى كفائته داخل اروقة الداخلية) عشان حس انه جه شوية على جماعته و جاب وزير مجهول الهوية الى حد كبير و كان ماسك السجون, فمعرفش هيطور الداخلية ازاى و عموما ربنا يعينه.

هيتم فرض ضرائب جديدة و من ضمنها ضرائب على منتجات اساسية مثل الزيت و السكر و المكرونة, اضف على هذا ارتفاع سعر الدولار, و رفع الدعم عن الوقود الخاص بالسيارات الملاكى و الأجرة و تقريبا النقل. توقع زيادة اسعار بنسبة تأثير على دخل المواطن ب 30% على الأقل "نسبة سالبة طبعا". و لن تستطيع بردو سد العجز, ربنا يسطر علينا جميعا نحن متجهين باقتدار نحو الافلاس. و طبعا كل التأثير هيكون على طبقتى الفقيرة و المتوسطة, فالفقير هيزداد فقرا و المتوسط هينزلق بالتدريج نحو الفقر, و الغنى هيكون مستور او هيجد بدائل اخرى بره البلد و ربنا يكرمنا و نخرج منها سالمين.

و فى الأخر ربنا يعلم كرهى لمبارك و حاشيته, بس انا استبدلتو بافراد كنت متوقع منهم تحسين مستوى المعيشة و اعلاء كلمة العدل, لكن استبدلناه للأسف بناس فاشلة يقودون البلد نحو الاغراق و اسقاط العدل و خلق مزيد من العنف و الكره داخل المجتمع المش مستحمل اصلا .

و صحيحة مبارك و حاشيته كانوا بينهبوا و بيسرقوا البلد و ده شىء انا واثق فيه و بمبالغ خزعبلية, و رغم كده و بنسبة كبيرة كان محافظ على استقرار الاقتصاد و كان بينزلق بسرعة و بنسبة اقل بكتير من البيحصل دلوقتى, طب انتا جيت و مفروض انك بتمنع السرقة و تشجع الاستثمار و بتنشأ استقرار على المستوى الأمنى و الاجتماعى و الاقتصادى و ده يؤدى لانتعاش و رغم كده سرعة انهيار البلد بتتسارع الى حد كبير و فاشل فى تحقيق اى استقرار, ده معناه ايه؟؟, يا راجل انا كنت ساكت و مبحاولش اشارك فى مواضيع من كتر اليأس, بس اخر حاجة نعملها اننا نحسس الحكومة ديه برضانا عن افتكاستهم و سياستهم الفاشلة عشان مياتمدوش فيها.

...

اى مواطن اوروبى يتمنى يتحاسب زينا كدة لانهم بيدفعوا فى العربيات فلوس كتييييييييييير
فى تراخيص وفى غرامات وفى بنزين والحاجة الرخيصة عندهم هى العربيات المستعملة نظرا لفرق الثقافة
لكن المواطن الاوروبى مش زعلان لان معدل الدخل عنده عالى ويتناسب مع كافة الظروف سواء فيه دعم او لا
بالاضافة انه لا يحمل هم لمتطلباته الاساسية من ماكل وملبس
لكن بالنظر الى حال معظم الشعب المصرى يتضح ان دخل المواطن فى اغلب الاحيان لا يكفى لسداد جميع التزاماته
(واقع لا احد يستطيع انكاره)
وبالتالى لما الموطن مش قادر يوفى بالتزاماته الحياتية مع الدعم ويتم رفعه حتى لو جزئى اذاهناك محاولة للقضاء على هذا المواطن
.....................
اذا الحل هو زيادة دخل الفرد ليس فقط لسداد فرق الدعم ولكن لتحسين حالة المعيشة ككل
واذا كان توجه الحكومة هو رفع الدعم ثم العمل على زيادة دخل الفرد فلا يوجد مشكلة
ولكن كنت اتمنى ان تعمل الحكومة على زيادة دخل الفرد اولا ثم رفع الدعم او على الاقل يكون هناك توازن بينهم
عموما يجب علينا ان نتحمل بعض الوقت على امل مستقبل افضل
وايضا يجب على الحكومة الحالية بانها تضع امام المواطن اى خطط او تصورات مستقبلية
حتى تعطى له هذا الامل وتدفعه للاشتراك فى تحقيقه