استلمت و محتاج نصايحكم

**ياسر عادل** · 16-01-2013 08:39 PM

يا جماعة انهاردة الحمدلله انا استلمت عربيتى الجديدة رينو لوجان 2013 مانويل جميع الكماليات
نصايحكم بقى يا جماعة فى الفترة دية وشكرا مقدما

**ahmed_m_ashraf** · 16-01-2013 08:54 PM

يا مرحب بيك ياباشا وألف مبروك، إعمل بحث في المنتدي أو فررر في صفحات القسم هتلاقي كل ما لذ وطاب، وفيه منهم كام موضوع لسه طازه يعني أول أو تاني صفحة.

بشكل مختصر:
- فولت بنزين ٩٢؟
- متزودش عن ١٣٠ كم/س أو ٣٥٠٠ لفة/دقيقة أول ١٠٠٠ كم، بعد كده إفتح براحتك. لو حران شغل التكيف عادي ههه. الكلام ده من الكتالوج عشان هتسمع كلام كتير.
- إتأكد من ضبط ضغط الكاوتش عند حد نظيف عشان يكون المقياس دقيق وسليم وعندك إختيار من ثلالثة (١) قايم العربية بيقول ٢٩ قدام و٣٢ خلفي. (٢) التوكيل بيقول ٣٢ قدام و٢٩ خلفي. (٣) وأنا بقول ٣٠ أمامي وخلفي (خير الأمور الوسط هههه). طبعا يفضل نيتروجين.
- طقم دواسات للأرضية. كافر لطارة الدركسيون. تركيب أو تفصيل فرش للكراسي في أقرب فرصة. ممكن تكسي الأرضية جلد لو تحب. غطاء قماش أو ووتر بروف. كله حسب ذوقك.
- إقرأ الكتالوج.

أكتر من كده إنت وراحتك وقلب في المواضيع هتلاقي أفكار كتير. إن شاء الله قريب هعمل تقرير مجمع عن الحجات إللي عملتها في العربية من ساعت ما إستلمتها.

**ياسر عادل** · 16-01-2013 09:05 PM

متشكر يا غالى

**amor777** · 17-01-2013 02:58 PM

مبروك يا باشا عليكي اللوجي هوه انته جبتها منين تبع التوكيل ولا معرض وجبتها بكام وكنت حاجز ولا تسليم فوري يعني شويه معلومات كده يا باشا عشان انا حاجز في التوكيل من يوم 1-11-2012 ولسه لحد دلوقتي محدش كلمني وولا اعرف اي حاجه وولا اعرف السعر الزفت الجديد هيبقي كام وشكرا لييييك

**abusamra41** · 18-01-2013 01:32 AM

المشاركة الأصلية كتبت بواسطة amor777

مبروك يا باشا عليكي اللوجي هوه انته جبتها منين تبع التوكيل ولا معرض وجبتها بكام وكنت حاجز ولا تسليم فوري يعني شويه معلومات كده يا باشا عشان انا حاجز في التوكيل من يوم 1-11-2012 ولسه لحد دلوقتي محدش كلمني وولا اعرف اي حاجه وولا اعرف السعر الزفت الجديد هيبقي كام وشكرا لييييك

الجديد للمانيوال فول اوبشن بقه 82 الف والاوتو 90 الف

**amor777** · 19-01-2013 11:26 AM

ولا عبرتني علي سؤالي انت استلمتها بكام وكنت حاجز عند مين وبتاريخ كام ياريت تعرفنا لو سمحت

**Refaat33** · 19-01-2013 06:23 PM

و أنا كمان حاجز سانديرو مانيوال فول أوبشن يوم 5-11-2012 , وكنت مستنيها بفارغ الصبر , بس موضوع الأسعار الجديدة ده قفلني و عكنن عليا بصراحة , المشكلة إني فعلا مقتنع بالعربية وإنها أحسن من البدائل إللي في نفس الفئة , بس الزيادة مبالغ فيها .