رقم العضوية : 666
تاريخ التسجيل : 14May2007
المشاركات : 103
النوع : ذكر
الاقامة : Giza
السيارة: Serion
السيارة[2]: C3 picasso
دراجة بخارية: لا توجد
الحالة :
السلام عليكم ورحمة الله وبركاته
اكشف على ايه فيها (الاولى فالاولى) وفين (انا والعربية هانكون بالقرب من عباس العقاد) هل فى بنزينة ولا فى التوكيل
ايه اللى ماتنازلش عنه وايه اللى ممكن اظبته بعدين
لو تمنها وصل ل 66 الف مثلا ما هى الحالة اللى المفروض تكون فيها العربية بالسعر ده
معلش ساعدونى بسرعة لحسن انا شكلى هاخلص فيها خلال الاسبوع ده
(العربية Full options- Automatic - فتحة سقف).
رقم العضوية : 168
تاريخ التسجيل : 24Apr2007
المشاركات : 7,982
الاقامة : المحله الكبري
الحالة :
بخصوص السعر و تكشف عليها في اي بنزينه دا ما اقدرش افيدك فيه.
اما تكشف علي ايه فبالترتيب كده.:
اولا حوض العربيه و لشنطه و القوايم تكون فابريكه ما فيهاش سنتي بس مرشوش و لازم سمكري كويس يشوفهالك علشان ما تنخدعش فيها.
تاني حاجه منظر العربيه من بره يعني فروقات الابواب تكون مظبوطه و الابواب الاماميه تكون متناسقه مع القايم بتاع البرابيز. لا تبقي طالعه ولا نازله من جنبه.
فوانيس العربيه من الامام تكون برضه ماشيه مع الاكصدام و الكابود ما يبقاش فيه اي فروق او فانوس داخل لجوه او اي شئ من هذا القبيل.
تبص علي السقف و تبص علي طرف السقف من ورا في اتجاه الامام و تشوفه مضبوط ولا معرج.
تشوف فتح و قفل الاوبواب يا تري قلفلتها محكمه ولا الابواب بترزع لما بتقل و تطلع اصوات .
بعدين تبص علي الصالون يا تري شكله حلو ولا متبهدل و يا تري الكراسي قاعدتها ناشفه و خصوصا الكنبه اللي ورا لو قعدتها ناشفه تعرف ان العربيه دي مش مستهلكه كتير انما لو الكراسي لينه تعرف انها اتركبت كتير .
تعالي بقي بص للزراير بتاع السقف الكهربا و يا تري شغال ولا لاء و في بارومه نايته ولا لاء؟
بص للعلامات بتاع دراع النور و المساحات و زراير الزجاج الكهربا يا تري موجوده ولا ممسوحه ولا شكلها عامل ازاي لو ممسوحه تعرف ان العربيه دي اتهانت و اتركبت و اتبهدلت كتير.
طبعا دا مش مقياس يعني مش اول حاجه تبص عليها .
و لو الفتيس اتوماتيك جرب النقلات بتاعه كلها و شوفها شغاله ولا لاء و يا تري بياخد الحاره مضبوط ولا فيه مشاكل و يا تري بيتهز من مكانه و ملخلخ ولا كويس.
في الاخر خالص تبص علي الموتور و تخلي ميكانيكي يبص يشوفه كويس ولا لاء او في مركز خدمه انت و راحتك .
لو الموتور مش كويس قلل من تمن العربيه تمن موتور استعمال و روح اشتري واحد مفيش مشكله انما لو جسم العربيه متبهدل او واخده خبطه يبقي ابعد عنها خالص.
طبعا تخلي بالك من المساعدين و تشوف العربيه بيطلع منها اصوات و لا ماشيه هاديه.
و الف مبروك مقدما :)
المفضلات