الموضوع: تجربتى مع صيانه لعفشه الفليشيا

المشاركة الأصلية كتبت بواسطة mostafa.ramdan

السلام عليكم ورحمة الله وبركاته

الموضوع بدأ معايا ان العربيسه كانت بتحدف يمين وشمال روحت مركز اشرفكو عشان اظبط زوايا

العربيه كانت محتاجه جلب مقصات قلت بسيطه ان شاء الله وهروح للميكانيكى اعملها

بعدها بكام يوم كنت لما امشى بالعربيه بسرعه واهدى اسمع اصوات بيت الرعب يا معلم بقى

وكمان تخبيط مع المطبات وصوت طقه فى الطلعه

روحت للميكانيكى وبصلى عليها كانت محتاجه الحاجات دى :

1 - بليه عجل امامى --> 50 جنيه
2 - صره عجل امالى --> 110 جنيه
3 - 2 جلب كبيره --> 45 جنيه الواحده (90 جنيه)
4 - 2 جلب صغيره --> 15 جنيه الواحده (30 جنيه)
5 - بطاحه كواتش --> 15 جنيه
6 - كاوتش كوبلن شمال

اشتريت الحاجات دى كلها والراجل فك المقصات وكل حاجه وروحنا للخراط ركبنا الجلب فى المقصات والصره فى العجل واعتقد البيه

ورجعنا ركب المقصات وكل حاجه والدنيا ظبطت

1 - البطاحه الشمال ( البايظه) كانت مخليه العربيه اعلى من ناحيه الشمال
2 - كاوتش الكوبلن كانت بتعمل طقه فى الطلعه
3 - الجلب كانت بتخلى العربيه بتعوم

الباقى مش عارف بقى كان بيعمل ايه

بس الحمد لله الحاجات دى كلها اتظبطت وعملت شويه حاجات تانيه كده عنده برضه

1 - غيرت سلك دبرياج (65 جنيه)
2 - زودت زيت الفتيس (زيت 90 )

النتيجه بعد كل الحاجات دى

1 - العربه ناعمه جدا
2 - مفيش اى اصوات فى العربيه فى الطلعه ولا فى المطبات
3 - الدبرياج بقى ناعم جدا
4 - مفيش تعويم فى العربيه خالص وثبات كويس جدا (بس لسه ظبط الزوايا )
5 - مفيس صوت شخلله من الفتيش

اه نسيت اقلكوا مصنعيه الميكانيكى 120 جنيه

وانا مروح كمان العربيه اتخبطت والاكصدام الخلفى وقع من ناحيه اليمين واحد ابن حلال خارج من ركنه فى شارع مكرم عبيد خبط فيا بس الحمد لله بسيطه ربط الاكصدام بمسار طويل

تحيــــــــــــــاتــــى

ربنا يحفظك يادرش ويحفظ فليشيتك من اى هرش بس انا ليا تعليق بسيط مش فاهمة يعنى ايه جلدة الكوبلن كانت بتعمل طقةفى الطلعة نفسى افهمها يادرش....*