ممكن ينفع بس مش بالسهولة اللى انت متخيلها

صعب اوى يخلوا الاختلاف في الاكصدام بس ، مفيش شركة هتعمل كدة وتخلى اصحاب الشكل القديم ينزلوا يغيروا الاكصدام ويبقى غيروا الشكل

اكيد في تغيير في نهاية الرفارف والكبوت ، اوشاسيه الاكصدام وحوامل الاكصدام اللى في الرفارف واماكن التثبيت بتاعتها

وحتى لو غيرت كل الحاجات دى ، هتلاقى سدر العربية نفسه مختلف ولو حاجة بسيطة جدا تمنع انك تعدل الشكل بسهولة

طبعا ممكن يكون بيتغير عادى بعد كل ده ، الله اعلم التجربة اللى تحكم ، بس انا بقولك الطبيعى والمتوقع ايه واللى بيحصل في اي عربية ومع اي ماركة تانية

الصراحة الشكل الجديد جامد ، القديمة ماكنتش بقبل شكلها من قدام خالص
بس عيب العربية دى انك تحس انها منفوخة اوى وفي نفس الوقت صاج ضعيف مش بمستوى الاوروبى اللى متعودين عليه