تقريري عن السيفيك vti2009 ومقارنتها بالشارك

**khaledmekawy2008** · 22-01-2013 01:35 PM

المشاركة الأصلية كتبت بواسطة محمد أنور

للأسف كلام صاحب العربية مش سليم لأني عايش في ابوظبي و بأكدلك ان مفيش الكلام ده في الامارات .. بالنسبة للمواصفات دي بتنزل في السيفيك التركي و دي كانت بتنزل معارض زي اللي في مدينة نصر و بتتباع بدون ضمان .. كان معانا عضو هنا كان كتب عن مواصفات السيفيك التركي ان ال lxi فيها مواصفات اعلى من السيفيك المصري نفس الفئة .. و ال vti صفاتها اعلى برضه من ال نفس الفئة مصري .. فطبيعي انك تلاقي مواصفات كتيرة مش موجودة في السيفيك المصري

حضرتك كنت عايز اعرف سعر الفانوس الزينون الامامي من التوكيل؟
كمان انا بفكر اني اركب طقم صوت rockford fosgate وسالت عليه في شارع دمشق الصب لوحده ب 1500 جنيه صناعة امريكي...
فانا محتار مش عايز االعب في الكهرباء بتاعت العربية ولا اخرم في حاجة ولا افك حاجة لانها زيرو من جوه وهتصعب عليا فانت تنصحني بايه؟

**SAMEH_FOUAD** · 22-01-2013 03:05 PM

المشاركة الأصلية كتبت بواسطة khaledmekawy2008

في حاجة كمان نسيت اقولها فرامل العربية علي السرعات العالية بتطلع صوت غريب وده في كل السيفيك زي صوت احتكاك حديد في حديد مش فرامل abs وده بعتبره عيب فالعربية معرفش حله ايه؟
نسيت اقول حاجة كمان العربية اللي معايا فيها فوج خلفي زي العربيات الالماني وفانوس واحد بس في كل ناحية بينور

المشاركة الأصلية كتبت بواسطة hany63

الصوت ده بيطلع فوق ال ١٤٠ للفرمله المفاجئه فقط
يعني ظهر معايا ٣ مرات في سنتين

المشاركة الأصلية كتبت بواسطة mohammedaladel

ممكن يكون صوت دا بسبب ال abs أنا امبارح كنت مسافر بالعربية وكل شوية فرامل فجائية وكل شوية ال إيه بى إس يشتغل كأن العجل مفكوك لما بيشتغل بتسمع صوت خبطات جامدة تحت العربية

المشاركة الأصلية كتبت بواسطة hany63

لا مش كده
هو للامانه بتحس ان فيه حديد بيحك في بعضه بس الحركه دي ما تطلعش الا لو دوست جامد في حالة الطوارئ على السرعات العاليه من 140 مثلا فالموضوع مش جوهري يعني انا مثلا مخدتش بالي الا بعد شراء العربيه بسنه و نص و ممكن يتجاب تيول ebc ميحصلش الكلام ده

الصوت دة لما بيكون موجود بيكوم سببة

ان التيل يكون اوشك على الانتهاء فالتيل بتحس انة بيتزحلق من على الطنبورة مش بيقففش كويس لان خلاص بيكون التيل جاب اخرة فالنتيجة ان حديد الطنبورة بيخبط فى حديد التيل , ودة اللى بيؤدى الى عمل ريجة فى الطنبورة نتيجة الحرارة العالية جداااااااااا اللى بتحصل نتيجة الاحتكاك

ولا عيب abs او عيب فرامل

ولو فية اى حد حصلت معاة حاجة زى دية والتيل لسة بحالة , يبقى يراجع ربط الكاليبر بتاع الفرامل والسوستة بتاعة التيل

**S O P H O S** · 22-01-2013 03:58 PM

تقيم رائع ..

**hany63** · 22-01-2013 05:31 PM

المشاركة الأصلية كتبت بواسطة khaledmekawy2008

استاذ سامح شكرا علي ردك الوافي
عايز اسئل حضرتك علي الفانوس الزينون فالتوكيل هل اركبه ولا اركب زينون تاني علي نفس الفانوس بتاعي؟؟ ايهما افضل واحسن من وجهة نظرك وبرده من ناحيية طقم الصوت؟ تنصحني بايه؟

العربيه الفي تي اي بتنزل زينون اصلي في الواطي و العالي بتاعها لمبه عاديه بالاضافه للزينون
فهل حضرتك تقصد ان التركي مافيهاش اصلا؟
لو كده هتجيب الفانوسين الاصلي بس من الحرفيين عشان انا كنت سالت على الفانوس الفاضي لقيته في التوكيل ب ٢٠٠٠ جنيه يعني على بعضه يعدي ال ٣٠٠٠ جنيه للفانوس الواحد
او تركب نوع زينون نضيف جوه الفانوس بتاعك و كان استاذ هيثم كمال كان مركب زينون في الواطي و العالي بتكلفه معقوله

**hany63** · 22-01-2013 05:36 PM

المشاركة الأصلية كتبت بواسطة sameh_fouad

الصوت دة لما بيكون موجود بيكوم سببة

ان التيل يكون اوشك على الانتهاء فالتيل بتحس انة بيتزحلق من على الطنبورة مش بيقففش كويس لان خلاص بيكون التيل جاب اخرة فالنتيجة ان حديد الطنبورة بيخبط فى حديد التيل , ودة اللى بيؤدى الى عمل ريجة فى الطنبورة نتيجة الحرارة العالية جداااااااااا اللى بتحصل نتيجة الاحتكاك

ولا عيب abs او عيب فرامل

ولو فية اى حد حصلت معاة حاجة زى دية والتيل لسة بحالة , يبقى يراجع ربط الكاليبر بتاع الفرامل والسوستة بتاعة التيل

للاسف ان سمك التيل ما لوش دعوه انت بس اللي نسيت يا سمسم يوه قصدي ياسامح
و الموضوع ده بسبب انهم عاملين التيل بدون نحاس عشان البيئه فالتاكل بطئ و عشان كده بيسخن جامد في الاحتكاك العالي اللي على السرعات العاليه
وانا شايف الاصلي شغال كويس و قاعد معايا دلوقت لحد ٤٠ الف و ياعالم هيغيروه و لا هيسيبوه للخمسين

**hany63** · 22-01-2013 05:41 PM

المشاركة الأصلية كتبت بواسطة khaledmekawy2008

ايوة بالظبط كده..والتيل ال ebc ده يتجاب منين وهل هو احسن من اللي فيها؟

بص حضرتك واحد زميلنا اسمه Yoko في قسم الفيات بيجيبه من بره عشان هو و زمايله في القسم ما بيركبوش غيره و عارف البارت نمبر بتاع السيفيك
وعندك كمان عادل وجدي عنده نوع تاني اسمه هاوك امريكي في نفس المستوى و لما اتناقشت معاه قال انه بيحل المشكله و مجربه في السيفيك
بس نصيحه لما التيل اللي فيها يحتاج يتغير ابقى اعمل الشغلانه دي عشان حتى لو دفعت تكلفه اكتر من الاصلي ما تبقاش الخساره كبيره

**SAMEH_FOUAD** · 22-01-2013 06:46 PM

المشاركة الأصلية كتبت بواسطة hany63

للاسف ان سمك التيل ما لوش دعوه انت بس اللي نسيت يا سمسم يوه قصدي ياسامح
و الموضوع ده بسبب انهم عاملين التيل بدون نحاس عشان البيئه فالتاكل بطئ و عشان كده بيسخن جامد في الاحتكاك العالي اللي على السرعات العاليه
وانا شايف الاصلي شغال كويس و قاعد معايا دلوقت لحد ٤٠ الف و ياعالم هيغيروه و لا هيسيبوه للخمسين

جرب اللى بقولك علية لما تلاقى التيل قرب ينتهى واجرى على 140 ولا 150 ودوس فرامل lock هتلاقى التيل بيعمل زى ماقولت بالظبط

موضوع ان التيل يكون فية ( اسباتوس ) اللى حضرتك تقصدة ( النحاس اللى بيكون موجود فى التيل ودة فعلا خطر لانة بيجيب امراض ربنا يعافينا

وكان بيدى قوة فرامل اعلى ولكن بيصفر

فدلوقتى التيل مثلا الاوريجينال , المفروض انة بيخلص بسرعة وطبعا على حسب طريقة القيادة , وهو اصلا معمول عشان يحافظ على الطنابير مش عمر اطول للتيل , على فكرة

وموضوع السخونية دة بيكون ناتج من رداءة خامة التيل نفسها , لان كل مالتيل سخن قوتة الفرملية قلت , وبالتالى هتلاقى التيل قوة تماسكة قلت

موضوع بقى ان صاحب الموضوع بيحس بحديد كأنة بيكحت فى حديد , دة ناتج من اللى قولتلك علية