الموضوع: تمبرا 1999 كامله منيول

السلام عليكم
كنت عاوز استشيركم انا امامي عربيه تمبيرا 1999 كامله منيول كربراتير حالتها العامه كويسه اوي والصالوون مش متهاان خالص والقوايم والحوض والشنطه نضاف ميكانيكه وعفشه لسه مكشفتش عليها بس الشكمان سعات بيطلع دخان اسود وبيعرق ميه بيتكلم هوا في 33000 ايه رئيك فيها لو حلتها نضيفه وايه عيوب العربيه ديه لان اول مره اتعامل مع الفيات اساسا وقطع غيرها ايه وضعو موجود ولا فيها حاجات هدوخ علي شان الاقيها يارت تفدني لان مشواري من البيت للشغل بعيد من اكتوبر للمطار
وعداد الحراره بتعها وانا بجربها كان علي 90 وزاد لحد 95 المروحه اشتغلت نزلت 92 تزيد وتقل من 95 لحد 92 طلعه نزله مش فاهم كده طبيعي في الصيف بقا هتعمل ايه
والتكيف مجربتوش لو طلع في في مشكله انزل معاه في السعر قد ايه

شوف يا باشا
التمبرا عربيه ممتازه بكل المقاييس وسابقه أوانها ولوالعربيه تكببفها شغال وحالتها زي ما بتقول يبقى سعرها كويس جدا
قطع غيارها متوفرة جديده واستيراد وأسعارها مش عاليه اوي بالمقارنه باللانوس تقريبا زيها أغلى حاجه فيها علبة الدركسيون ب 4000 جنيه جديده ب 350 جنيه استيراد وشغاله زي الفل
بالنسبه لموضوع الحراره موتور التمبرا درجة التشغيل المثاليه ليه 90 المفروض تفضل على 90 لا تزيد ولا تقل
لو بتزيد ممكن يكون في تسريب في دورة المية او الردياتير او الثرموستات تكون بتعلق
لو بتقل عن 90 يا إما صاحبها مركبلها ثرموستات غير الأصلي أو شايل ثرموستات كوعة المية
والحالتين مش صح علىالموتور وسيبك من الفتي اللي يبقول اصلها عشان البلاد البارده واحنا بلاد حاره الكلام ده هجص صنايعية
الخلاصة التمبرا عربية رائعه وحمالة أسيه
قعدت معايا اكتر من 3 سنين كل المشاكل اللي واجتني فيها كان ليها علاقة بدورة التبريد ولما غيرت بحاجات اصلي الدنيا ظبطت بس للحق في فيشه من فيش المروحة كانت دايما تسيح اللي داخله في مجموعة كنترول المروحة بس انا كنت دايما عامل حسابي ومعايا واحده احتياطي والمقصات هي اللي غيرتها اكتر من مره بس اعتقد لردائة نوعها
لكن مجملا وبانظر الى سعرها فهي تستاهل كل قرش يدفع فيها