أستشاره بخصوص 127

**pop man** · 26-01-2013 07:48 PM

مساء الفل على أساتذه المنتدى الكرام
قدامى عربيه 127 موديل 83
العربيه لسه معموله سمكره ودوكو وحاله البويه والصاج 90 % كويس
ماتور جيد جدأ أستيراد 6 غيار
صالون ممتاذ
عفشه ممتاذه ماعده مساعد شمال امامى محتاج تغيير
رخصه سنتين
يعنى كل حاجه فى العربيه كويسه جدأ
بس المشكله انها راشه دواخل والسبب ان كان فيه خبطه جامده فى الحوض من قدام على اليمين وسمعت فى الشاسيه وتم لمها بزرجينا وتم تصليحها ورش الحوض
المهم انى انا عجبانى العربيه وعايز اخلص فيها بس الناس مخوفانى والميكانيكى موتلى سعرها خاااااااااااااااااااالص وقالى ملعوب فى اسسيتها
هو صاحبها بيتكلم فى 10 الاف جنيه والميكانيكى لما شافها موت سعرها ووقالى اخرها 7.5
المهم انى نزلتها مع الراجل ل 9 الاف بالعافيه ايه رأيكم يا جماعه اخلص ولا بلاش احسن خصوصأ انى الفلوس ربنا العالم جايه ازاى وانى مش حمل بهدله ومصاريف ؟؟
وهل لو خلصتها الموضوع القديم بتاع الخبطه ده ممكن يفتح تانى ويتسبب فى مشاكل ولا طالما اتعمل خلاص مش هيفتح ؟؟؟
وياريت كمان اعرف رأيكم فى سعرها علمأ بأن كل حاجه سليمه ما عدا الموضوع بتاع الحوض ده

وشكرأ جدأ جدأ مقدمأ

**rotanamasoud** · 26-01-2013 09:03 PM

لو مشدوده شده ركيب ممكن تخلص فيها (بس عند اعاده البيع رش الدواخل بيفرق)
مدى خبرتك لو جيده وعجباك خلص لاكن لو خبرتك محدوده يبقى راى الميكانيكى يمشى

**pop man** · 26-01-2013 09:27 PM

شكرأ جدأ لحضرتك على الرد
انا كان رأيى ان لو جبتها ولقيتها فتحت معايا فى مصاريف ونزلت السوق ابيعها مش هخصر فيها كتير يعنى فى اضعف الايمان هخسر 500 جنيه ولا حاجه بس انا خبرتى محدوده انا كان معايا 128 واقعدت معايا سنتين وبيعتها علشان ظروف ماديه
ياريت رد باقى الاعضاء ومالكى السياره والخبراء ولكم جزيل الشكر والتقدير

**pop man** · 27-01-2013 02:43 AM

مازلت انتظر مشاركتكم

**pop man** · 28-01-2013 02:04 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**pop man** · 28-01-2013 11:48 PM

شكرأ جدا ياجمااعه :(

**alking_2006** · 29-01-2013 11:23 AM

سيبك من رش الدواخل و لو انه عامل مهم
و لكن نصيحة ابعد عن العربيات اللى اخدت خبطة فى الشاسية و اتعملها زرجينه
لان قليل جدا اللى بيعمل زرجينه كومبيوتر علشان العربية ترجع زى الكتاب ما بيقول
و نتيجة لذلك فعمر الشاسية ما بيرجع زى الاول
و تلاقى بقى حاجات غريبة
يعنى تكون لسه مغير الكوبلن بقالك شهرين تلاقيه بيطقطق نتيجة لأنه ركب جديد و لكن على شاسيه مش مظبوط

و بالتوفيق ان شاء الله