الموضوع: سؤال هااااااام لمالكى البرافو من أهل الخبرة

المشاركة الأصلية كتبت بواسطة formulator

ياراجل ده كلام؟؟!!!
تعلى العربية أكثر من 1 سم!! من ناحية -فردة- واحدة بس؟؟!!
وماحسيتش ان العربية مش مضبوطة؟؟!

- والجنط الـ17 case تانى، بروفايله 45 عشان معوض 1 inch فـ الجنط!!



دلوقتى المقاس الصح (لو عايز تعرض) r16 50/225
يعنى حتى 215 غلط!!

البروفايل 50/225 هيحافظ على إرتفاع العربية لا يزيد ولا يقل (الفرق 0.25 مللى iirc)..
أو بيعتبر within the recommended range
لكن لو 55/225 العربية كلها هتعلى معاك 11 مللى.. دا خطر جدا عـ الثبات والهاندلينج بتاع العربية؟!! :b4_048:

btw: وارد جدا تكون حكت فـ المساعد عشان الـcamber مش مضبوط والعجلة (الـ225/55 r16) مايلة؟!!!
- وتقدر تعرف: شوف حرف الكاوتش من جوا (الـshoulder) ممكن تلاقيها ممسوحة سيكا؟!!
كده العفشة هتزعل -وانت كمان ممكن تزعل :(

- والأصح بقى: Stuck عـ الـ205/55 r16 وهات حاجة سبورت كونتى بردو -زى الفابريقة- بس سرعة أعلى كونتى-sport بدل الـpremium..
أو هات بريدج adrenalin أو ميشلان pilot sport، بيريللى pzero

(وطبعا never أوعى تحط فردتين بنقشة مختلفة على نفس الـaxe -لازم تغير 2 قدام عـ الأقل)

ويفضل تنزل الـspare لحد ما تحل الليلة دى :)
ربنا معاك

شكرا بجد على اهتمامك و ردك المفصل :)
بس انا حبيت اقولك انى ركبت فردة واحدة كنت بجربها الاول بس لكن اكيد ماكنتش همشى بيها كدة :)
يعنى لما عجبتنى قولت هجيب الاربعة 16 عرض 225 ارتفاع 55 علشان انا عارف ان ال 50 بيطلع بزابيز هوا من اقل حاجة
تانى حاجة لو ركبتهم الاربعة زى مابقولك كدة هيأثر كتير على الثبات ؟ لأن لو مش هيأثر اوى هركبهم علشان انا محتاج الارتفاع البسيط دة لأن العربية وطية اوى زى ما انت عارف و اى حاجة بتيجى فى بطن العربية علطول :(

المشاركة الأصلية كتبت بواسطة mohammedaladel

بص حضرتك زى ما قالك فورميلاتور كدا
لو ملقتش كونتى سبورت
غير بكونتنتال كونتى بريميوم 2 مقاسك الستوك اللى هو 205/55 ودا سرعته v الكوتش ممتاز جدا بس أجنابه ضعيفة شوية

وسعره مرتاح عن البريدجستون وتماسكه على الطريق مع الفرملة كويس جدا

تقريبا دا أقل حاجة من كونتنتال وهو الوحيد اللى لقيته عندنا فى المنيا معرفش بقى فى القاهرة متوفر باقى الفئات منه ولا لأ

continental tires -

راجع اللنك دا وشوف مميزات ومقاسات كل كاوتش الألمان دول عباقرة بجد :)

انا مش عارف اقولك ايه يا محمد بجد متشكر ليك جدا على اهتمامك :)

المشاركة الأصلية كتبت بواسطة differentio0o

انا عارف ان ال 50 بيطلع بزابيز هوا من اقل حاجة

أنا هعلق عالجملة دي بس :)

50 ده مش رقم ثابت , دي نسبة مئوية من العرض

يعني 15/195/50 مثلا
في الحالة دي الإرتفاع = 0.5 * 195 = 98 مم

بس في مقاس زي 15/195/65
الإرتفاع 127 مم

الحكاية مش حجم الجنط بس زي ما كتير فاهمين
لازم تبص على الارقام كلها مع بعض
ممكن جنط 17 يبقى مريح عن 16

مثلا مقاس 17/225/55 ده أحسن من 16/205/55

حاول الإرتفاع ده ميقلش عن 110 مم
أقل من كده هيقرفك

يا ريت أكون ساعدتك :)

المشاركة الأصلية كتبت بواسطة ahmed-adel

أنا هعلق عالجملة دي بس :)

50 ده مش رقم ثابت , دي نسبة مئوية من العرض

يعني 15/195/50 مثلا
في الحالة دي الإرتفاع = 0.5 * 195 = 98 مم

بس في مقاس زي 15/195/65
الإرتفاع 127 مم

الحكاية مش حجم الجنط بس زي ما كتير فاهمين
لازم تبص على الارقام كلها مع بعض
ممكن جنط 17 يبقى مريح عن 16

مثلا مقاس 17/225/55 ده أحسن من 16/205/55

حاول الإرتفاع ده ميقلش عن 110 مم
أقل من كده هيقرفك

يا ريت أكون ساعدتك :)

شكرا لأهتمامك يا احمد :)
بس عايز اوضحلك انى قولت على الكاوتش اللى عرضه 50 دة متعب من اللى شوفته فى عربيات كتير, واحد صاحبى معاه سيراتو 2009 فيها الجنط ال 16 و الكاوتش عرضه 50 و كل مابيغير فردة بتطلع بزابيز هوا, و كذلك فى السيراتو الجديدة برضه نفس الكلام لدرجة ان فى ناس بتغير الجنط ال 17 و تركب 16 بكاوتش ارتفاعه اعلى علشان الموضوع دة
و دة كان محيرنى جدا . و بالنسبة لأخر جملة انت قولتها ان المهم ما اقلش عن 110 فهل دة معناه انى لو ركبت كاوتش 225 على 55 على الجنط ال16 هيبقى عادى جدا ؟؟ بصرف النظر عن الثبات . و كنت عايز اسألكوا عليه برضه .. البرافو اللى بتنزل جنط 17 كاوتش 225 على 45 بيطلعلها برضه بزابيز هوا كدة ولا عادى ؟؟ لأنى كنت بفكر برضه فى موضوع الجنوط دة بس خايف حبتين ياريت تفيدونى لأن خبرتى حديثة جدا فى عالم السيارات :)