حد ساق قبل كدا علي 160 وهوا مش ماسك الدركسيون ؟

**nab!l** · 21-01-2013 05:42 PM

ولا اى اندهاش
بس مكنش لازم نلوح دماغنا عشان نشوف :)

**hesham ahmed** · 21-01-2013 08:40 PM

اكيد مش هفكر اسيب الدركسيون علي 160 ... عشان عارف اني كده بنتحر

**lanos2004** · 21-01-2013 08:50 PM

يا با شا كل نايل موتورز بتاخد غرز من غير دركسيون كمان

**buddha** · 21-01-2013 08:58 PM

بسم الله ماشاء الله
ممتازة جدا

**alking_2006** · 21-01-2013 10:19 PM

منتا لما تعمل حادثة و العربية تتفرتك بيك انتا و هيا
جسمك بردو هيبقى handless
زى السائق اللى فى الفيديو التالى
لاحظ فى الدقيقة (1:02) لما ايديه اتقطعت من مكانها و اترمت فى الشارع فى ناحية و هو فى ناحية
‫للعظه والعبره..فيديو لحادث مروّع أودى بشابين في الرياض‬&lrm; - YouTube

مش مهم انتا بأمانة
لكن المهم الناس اللى راكبة عربياتها فى أمان حوالين بنى ادم زيك
ربنا يهديك
رد زى منتا عايز

**buddha** · 21-01-2013 10:47 PM

هو طبعا السادة الاعضاء على حق كونة خوفا عليك وعلى سلامتك

بس عموما الجرى لازم يكون تحت سفت عالى وبمعايير
يعنى مجيش اجرى وسط مشاة او طريق مزدحم واخد غرز او طريق علية رمال او مياة
ولازم اتاكد تماما من حزام الامان وحالة الكاوتش والفرامل تكون اتعمل عليها اتشيك وصيانة بصورة تسمح لى
بالوصول الى سرعات مرتفعة

كل شئ بحساب
كلام للسادة الاعضاء ....
توجد العديد من الرياضات الخطيرة بس مش فى مصر زى مثلا التزحلق على الجليد وتسلق الجبال وسباق الراليات والفورميولا بانواعها
والدراجات النارية
وكلها لو فيها شئ من الخطاء بتكلف حياة صاحبها موتة او اصابات مميتة

طبعا فى مصر والبلاد (العالم الثالث)
احنا مبنحبش المخاطرة ولا الاستكشاف فقط بدافع الخوف
يعنى محلك سر ودة سر التخلف والتاخر والظلام الدامس

عشان كدة الغرب متقدم جدا جدا بفارق سنيين

ارجو من سيادتكم التماس العزر من كلامى
بس دى وجهة نظرى
واكيد فى ناس فهمانى جدا

والفديو المعروض بتاع العرب دة عشان مفيش اى نوع من التامين المسبق ومفيش اى ضوابط امنية وسيفتى
ودة بردة تاخر

متابع

**inspiron** · 25-01-2013 03:02 AM

بصراحة السادة الأعضاء قاموا معاك بالواجب :)

شوف يا كبير..

- إحنا كلنا بنجري..وراكبين عربيات فيها كل وسائل الأمان اللي تخطر علي بالك..يعني انت مش مميز في الحتة دي عننا.
- الميزة اللي ممكن تكون فينا و مش موجودة فيك..عدم الإستهتار بقيمة النفس اللي ربنا أمنك عليها.
-ولنفرض إن مش مهم نفسك بالنسبة ليك..بس علي الأقل تراعي ربنا في أرواح الناس اللي حواليك علي الطريق !! ماشيين في أمان الله ونتيجة طيشك ممكن ربنا يسترها معاك ويكون لك في العمر بقية..بس تتسبب في ضياع أسرة بأكملها !!

- تعالي نتخيل مع بعض..وانت علي السرعة دي وفاقد ( عمداً ) سيطرتك علي العربية..فردة كاوتش ضربت...هتعمل إيه يا بطل؟؟

- تخيل معايا وانت علي السرعة دي ومتعمد انك تسيب دريكسيون العربية وتقولها سيري يا نورماندي...وجيه كلب ميسواش 3 تعريفة مر قدامك مرور الكلاب .. تلقائياً هتبقي عاوز تفاديه..هتعمل إيه يا بطل !!!

ده غير إن أساسا لو وقعت الفاس في الراس..هتتظبط إنت والعربية مع بعض..وحسابك هيبقي في إيد ربك علي عدم صيانتك لروحك اللي هو مديهالك أمانة..

اتقي الله في نفسك وفي غيرك وربنا يكفيك ويكفينا شر الطريق

**ak007** · 26-01-2013 01:05 PM

خصلتوا ولا لسه ؟ انا مستني اهو بقالي كام يوم اشوف الردود الحلوه
هوا دا الشعب المصري مش هايتغير ابدا
لازم اول حاجه تيجي علي باله انه يتكلم قبل ما يفكر
ولو فكر دايما بيفترض سوؤ النيه ويبص للموضوع من ناحيه واحده

علي العموم لكل الناس اللي اتكلمت بتهكم بينت اد ايه هما سطحيين
انا لا حاطط الفيديو عشان اعمل شو او حاجه والا كنت حطيته في اي قسم من الاقسام العامه لكن انا قصدت احطه في قسم الالماني تحديدا قسم الفولكس عشان اوضح اد ايه ثبات العربيات الالماني علي السرعه العاليه
خصوصا وخلو بالكو من خصوصا دي
خصوصا بقي انه في اليوم دا انا كنت رايح اغير حاجات كتير جدا في العفشه (تقدروا تشوفوا مواضيعي وراجعوا تواريخ المواضيع وانتوا تعرفوا انه الغرض الاساسي من الموضوع دا هوا
توضيح ثبات العربيات الالماني

نيجي بقي للشباب اللي بيتهموني بالتهور والكلام التعبان دا
لو كنتوا اساسا شوفتوا الفيديو ودا اشك فيه
هاتلاحظوا اني ماشي علي الطريق لواحدي لاحد قدامي ولا ورايا ولا جمبي
والفيديو مدته اقل من دقيقه
يعني انا مش بسوق كدا دا بس كان فيديو توضيحي للثبات
يعني كاني بعمل ريفيو للعربيه
ايه بقي مشكلتكم في كدا ؟

ياريت نتعلم قبل مانتكلم ونرمي الناس باتهامات شمال ويمين اننا نحاول نفكر ونشوف الامر من كل نواحيه
والا لو معملناش كدا يبقي ايه لازمة العقل؟

سبحان الله بجد

**hesham ahmed** · 26-01-2013 01:37 PM

مع العلم ... بالنسبه لوسائل الامان و ثبات الالماني اللي حضرتك بتتكلم عنه
مفيش مصنع عربيات بيختبر فاعليه وسائل الامان علي 160 .... و حضرتك تقدر تشوف دا علي النت

-

الموضوع: حد ساق قبل كدا علي 160 وهوا مش ماسك الدركسيون ؟

LinkBack

أدوات الموضوع

عرض

-

-

-

المواضيع المتشابهه

ماسك للعربية

ماسك للكبوت

هل يمكن اصلاح اعوجاج المكان اللى بيركب فيه الكوريك وهوا بيرفع العربية

تغيير نوع البنزين بيفرق؟ وهوا غلط ولا عادي

شعورك ايه وانت بتتفرج على مجلس الشورى وهوا بيتحرق؟

الكلمات الدلالية لهذا الموضوع

المفضلات

المفضلات

ضوابط المشاركة