حد ساق قبل كدا علي 160 وهوا مش ماسك الدركسيون ؟

**nab!l** · 26-01-2013 03:39 PM

المشاركة الأصلية كتبت بواسطة hesham ahmed

مع العلم ... بالنسبه لوسائل الامان و ثبات الالماني اللي حضرتك بتتكلم عنه
مفيش مصنع عربيات بيختبر فاعليه وسائل الامان علي 160 .... و حضرتك تقدر تشوف دا علي النت

مـــــــــــــثلا :)

المشاركة الأصلية كتبت بواسطة ak007

خصلتوا ولا لسه ؟ انا مستني اهو بقالي كام يوم اشوف الردود الحلوه
هوا دا الشعب المصري مش هايتغير ابدا
لازم اول حاجه تيجي علي باله انه يتكلم قبل ما يفكر
ولو فكر دايما بيفترض سوؤ النيه ويبص للموضوع من ناحيه واحده

علي العموم لكل الناس اللي اتكلمت بتهكم بينت اد ايه هما سطحيين
انا لا حاطط الفيديو عشان اعمل شو او حاجه والا كنت حطيته في اي قسم من الاقسام العامه لكن انا قصدت احطه في قسم الالماني تحديدا قسم الفولكس عشان اوضح اد ايه ثبات العربيات الالماني علي السرعه العاليه
خصوصا وخلو بالكو من خصوصا دي
خصوصا بقي انه في اليوم دا انا كنت رايح اغير حاجات كتير جدا في العفشه (تقدروا تشوفوا مواضيعي وراجعوا تواريخ المواضيع وانتوا تعرفوا انه الغرض الاساسي من الموضوع دا هوا
توضيح ثبات العربيات الالماني

نيجي بقي للشباب اللي بيتهموني بالتهور والكلام التعبان دا
لو كنتوا اساسا شوفتوا الفيديو ودا اشك فيه
هاتلاحظوا اني ماشي علي الطريق لواحدي لاحد قدامي ولا ورايا ولا جمبي
والفيديو مدته اقل من دقيقه
يعني انا مش بسوق كدا دا بس كان فيديو توضيحي للثبات
يعني كاني بعمل ريفيو للعربيه
ايه بقي مشكلتكم في كدا ؟

ياريت نتعلم قبل مانتكلم ونرمي الناس باتهامات شمال ويمين اننا نحاول نفكر ونشوف الامر من كل نواحيه
والا لو معملناش كدا يبقي ايه لازمة العقل؟

سبحان الله بجد

حضرتك الى اتهمت الاعضاء الى ردو (سطحيين وبتكلمو قبل ما يفكرو وردودهم تعبانه )
كان اولى بيك توضح الغرض من الفيديو الخزعبلى من البدايه

**inspiron** · 26-01-2013 05:59 PM

المشاركة الأصلية كتبت بواسطة ak007

خصلتوا ولا لسه ؟ انا مستني اهو بقالي كام يوم اشوف الردود الحلوه
هوا دا الشعب المصري مش هايتغير ابدا
لازم اول حاجه تيجي علي باله انه يتكلم قبل ما يفكر
ولو فكر دايما بيفترض سوؤ النيه ويبص للموضوع من ناحيه واحده

علي العموم لكل الناس اللي اتكلمت بتهكم بينت اد ايه هما سطحيين
انا لا حاطط الفيديو عشان اعمل شو او حاجه والا كنت حطيته في اي قسم من الاقسام العامه لكن انا قصدت احطه في قسم الالماني تحديدا قسم الفولكس عشان اوضح اد ايه ثبات العربيات الالماني علي السرعه العاليه
خصوصا وخلو بالكو من خصوصا دي
خصوصا بقي انه في اليوم دا انا كنت رايح اغير حاجات كتير جدا في العفشه (تقدروا تشوفوا مواضيعي وراجعوا تواريخ المواضيع وانتوا تعرفوا انه الغرض الاساسي من الموضوع دا هوا
توضيح ثبات العربيات الالماني

نيجي بقي للشباب اللي بيتهموني بالتهور والكلام التعبان دا
لو كنتوا اساسا شوفتوا الفيديو ودا اشك فيه
هاتلاحظوا اني ماشي علي الطريق لواحدي لاحد قدامي ولا ورايا ولا جمبي
والفيديو مدته اقل من دقيقه
يعني انا مش بسوق كدا دا بس كان فيديو توضيحي للثبات
يعني كاني بعمل ريفيو للعربيه
ايه بقي مشكلتكم في كدا ؟

ياريت نتعلم قبل مانتكلم ونرمي الناس باتهامات شمال ويمين اننا نحاول نفكر ونشوف الامر من كل نواحيه
والا لو معملناش كدا يبقي ايه لازمة العقل؟

سبحان الله بجد

لا يا راجل...سبحان الله بجد !!!!

هو حضرتك مش حاسس خالص إنك غلطان !!!

لا وكمان بتتهمنا إحنا اللي سطحيين وتعبانين ومجانين ومش فاهمين !!!

بص..
أولاً احنا ( أو علي الأقل العبد لله ) مش محتاج أبداً معاليك تفهمني يعني إيه ثبات الألماني..ولله الحمد 90 % من العربيات اللي ركبتها طول حياتي ألماني.وحالياً راكب فانتازيا..ومرسيدس s-class اللي أدام سعادتك في التوقيع..يعني معلش يوم ما تتكلم علي ثبات هقولك وريني نفسك..ومع ذلك برضو رغم الكلام ده..عمري ما أفكر أعمل زي عملتك دي ولو علي سبيل التوضيح زي ما بتقول !!
ثانياً انت بتقول ريفيو للعربية..يا راجل ده top gear نفسه..مشفناش حد بيعمل ريفيو زي ده ( مع الأخذ في الإعتبار ان دول ناس محترفين وبيعملوا إختبارتهم في طرق مخصصة للتجارب ) !!!

ثالثاً بقي عشان أجيبلك من الآخر...مفيش عربية 4x4 بالثبات الواااو اللي انت متخيله ده حتي لو ألماني..ولو قارنت بين ثبات أي عربية سيدان من نفس الفئة السعرية معاها..مش هتسد معاها..وده طبيعي جداً لإرتفاعها وزيادة نسبة خلوصها من سطح الأرض..حتي لو فيها جن مسور بيقولك أنا بتاع الثبات !!!

رابعاً..يا ريت تلوم نفسك..قبل أن تلوم الآخرين اللي من المفترض خايفين عليك وعلي اللي حواليك وانت رديت عليهم بالأسلوب ده..ومتحاولش تستفز حد بردودك عشان هتلاقي 99% من الأعضاء اللي هيشاركوا في الرد مش هيرحموك..لأن الموضوع من أوله غلط x غلط

خامساً :- رد زي ما انت عاوز

**abdulkhaleq** · 26-01-2013 07:49 PM

هدي اعصابك الناس دي خايفه عليك على فكره
وده مش ثبات ولا مخاطره ولا زي ما الاخ الفاضل قال اننا مش بنخاطر عشان بره سبقونا في الاكتشافات ومش عارف ايه
كلامك عن ده على اساس انه ثبات زي بالظبط اللي ماشي 200 بعربيه كوري فس طريق مستقيم وبيقول انها كده ثابته;

**ak007** · 26-01-2013 08:09 PM

انا كنت ناوي ارد رد مفصل علي كل حد رد بعد ردي
بس لقيت انه اختصارا للوقت والجهد انه بلاش رد تفصيلي
انا وضحت وجهة نظري في ردي
اللي عايز يقتنع تمام
اللي مش عايز تمام برضه دي وجهة نظره
متشكر لكل اللي نص نصيحه لوجه الله
واسف اني انخرطت في الحوار مع الناس اللي غاويه فذلكه لانه دول انا طول عمري بتجنبهم

**inspiron** · 26-01-2013 11:32 PM

المشاركة الأصلية كتبت بواسطة ak007

انا كنت ناوي ارد رد مفصل علي كل حد رد بعد ردي
بس لقيت انه اختصارا للوقت والجهد انه بلاش رد تفصيلي
انا وضحت وجهة نظري في ردي
اللي عايز يقتنع تمام
اللي مش عايز تمام برضه دي وجهة نظره
متشكر لكل اللي نص نصيحه لوجه الله
واسف اني انخرطت في الحوار مع الناس اللي غاويه فذلكه لانه دول انا طول عمري بتجنبهم

يا سيدي ربنا يبعدك عن الفذلوكين...ولا تزعل نفسك..طير يا باشا good luck