الموضوع: اليوم بدء التشغيل التجريبي للمرور الطائر

هو احلى تعليق قريته " ان بكده اولاد الضباط حيضمنوا يقضوا الويك اند فى الجو ويتفسحوا كويس "
هو مش بدل الطياره دى كانوا ركبوا كاميرات بلاش فى الشوارع فى عربيات الشرطه علشان لما ضابط يتجاوز او مواطن يعمل مخالفه يتصور بدل ميدخل لوكيل النيابه ويخفضلوا المخالفه يبقى اتصور ولو ضابط تجاوز يقدر المواطن يثبت التجاوز ده .لك الله يا شعب مصر مكتوب علينا ندفع علشان مسؤلينا يرتاحوا .

المشاركة الأصلية كتبت بواسطة ahmed_dinamo

يا ريتك قولت حاجه المرور غلطان فيها لا ده اخويا واخوك وقريبى وقريبك وجارى وجارك الناس ال حوالينا ال بتعمل كده
فى عميد شرطة مرور سواق ميكروباص حطو تحت العربيه وفضل ماشى وهو تحت العربيه لما خلص عليه والكلام ده قريب
شووف انا لسه عند رأيى الثوره عملت حاجتين
المحترم عرف يعبر عن رأيه (لحد ما الاخوان مسكو البلد ههههه)
وقليل الادب ال كان ماشى عدل غصب عنه ما صدق لئا فرصه وظهرت قلة ادبه
ولما الشعب يتغير يبئا الحكومه تتغير :u_thin1[1]:
حقى انا ادافع هاااااه انت فاهمنى لئا هههههههههه

أنا عرفت أجيبك الموضوع هنا من غير ما أنادي ولا حاجة! ههههههههههههه
يا أحمد بيه المرور هو اللي غلطان في إنه بيتشطر على الملاكي وسايب النقل والميكروباص والتوكتوك
غلطان إنه مابينسقش مع البلدية يحطوا علاملات مرور واضحة
غلطان إن كل واحد فيهم يقولك مش اختصاصي. اركب أي تاكسي وفتح معاه كلام وشوف هيحكيلك إيه. واحد اتثبت بس الحمد لله سابولو العربية. طلع يجري على الكمين يقولوا ملناش دعوة ومحدش فيهم يتحرك حتى يتصل باللي ليه دعوة
غلطان إنه سايب الضباط (واخد بالك انت :) ) يفيموا براحتهم ولو شافو أي حد غير الضباط جيش وشرطة ووكلاء النيابة يدولوا غرامة فوري
غلطانين في إنهم بيستغلوا موارد الداخلية عشان المدام تروح السوبرماركت والولد يروح النادي وإحنا يتحرق دمنا
غلطان إنه سايب الشوارع هيصة ولما تيجي تعدي الشارع تاخدها جري. طيب إحنا شباب والدنيا بيس. لما تكبر هتعدي الشارع جري انت والمدام والولاد؟

المشاركة الأصلية كتبت بواسطة mivec.a92

صاحبي كان المفروض هنتقابل نروح حتة و كنت مستنيه لقيته جاي بعربية رينو لوجان بيضة بس مش مترخصة شرطة و بقولة عربية مين دي يقولي عربية الشرطة بتاعت ابو صاحبة (ظابط) قاله يوصله بدل ما يركب تاكسي !

و في لجنة و انت طالع من الرحاب عربية الظابط مش فاكر نوعها ايه (تقريبا كورولا) سودا راكنة جمب اللجنة من غير نمر فاميه كلها و عسكري المرور بيغسلها للبيه !

+1
أما نشوف الهليكوبتر هتعمل إيه في حضرة الضابط وابنه