'طبعا كالعادة بنشكك في كل حاجة وهنقلبها سخرية ==== ساعات بحس ان الشعب المصري بقي متخصص فشل يعني بيتمني الفشل قبل وقوعة
مراقبة المرور بالهليوكوبتر مش بدعة مصرية موجودة في بلدان كتير من العالم ووظيفتها الابلاغ عن الحوادث وتوجيه الطواقم الارضية عن طريق اسهل الطرق واسرعها للوصول للحادث لرفع السيارات وانقاذ المصابين
الابلاغ عن اماكن الاختناقات المرورية وتوجيه شرطة المرور لحل الازمات زي شارع راكن فيه افندي في وسط الشارع وعامل ازمة يجي الونش بسرعة يشيله ويريحنا من خلقته == او مطعم عليه زحمة والسيارات راكنه في الشارع يجي يمشي اللي واقف ويمنع الركن لتسهيل الحركة
مساعدة الشرطية الارضية في تتبع المجرمين - السيارات الهاربة -- كمان تتبع السيارات والشاحنات الغير ملتزمة -- زي مثلا لو فيه منع لتريلات من السير في شوارع القاهرة ساعات الذروة تبلغ عنها ويقفشها المرور
كدا ولا نعمل كماين ثابته والمرور يقول منعرفش
في برضو دول خط مجاني للابلاغ عن الحوادث والاختناقات بس اعتقد قدام شوية هيتعمل عشان ميتعرضوش لبلاغات كاذبة ترهق المرور-
ان شاء الله التجربة تنجح
بس ياريت يصورو التجربة فيديو عشان نشوف الطريقة وهم بيشتغلو ولو فيه سلبيات تظهر ونقدر نساعدهم