الموضوع: رائعه سيتروين - سى اليزيه الجديدة

المشاركة الأصلية كتبت بواسطة mohammed.helmy

انا والله محتار جداً بين العربيه دى وبين الألنترا انا عارف ان الألنترا كورى وحرام ادفع فيها مبلغ ذى ده انما ماننساش انها مافيهاش مشاكل او ماشوفناش حد اشتكى منها وكمان عربية منتشره اوى فا بالتالى قطع غيرها فى مكان وتوكيل محترم.
انما لو جينا بقى فى الستروين سى إليزيه هنلاقى انها
1- لسه اول سنه ليها فى مصر ومش عارفين ايه مشاكلها ولسه ماحدش جربها.
2- اسمع ان قطع غيرها مش متوفره وغاليه جداً.
3- عدم انتشار الماركه فبتكون تقيله اوى فى بيعها وكمان الواحد بيخسر كتير فيها .
فا أرجو الأفاده

اول حاجة حرام تدفع تمن الالنترا الجديد فيها دلوقتى و فى عربيات احسن
تانى حاجة ان العربيه دى فئه الار بى مش الالنترا بس داخليا استريحت فيها عن الالنترا و خاماتها حسيتها اعلى

طبعا بالتمن بتاعها هاى لاين متاخدش النترا فاضيه - العربيه فيها 2 air bag + abs
يعنى وسائل الامان فيها موجوده و ده مش موجود غير فى الفولى لودد بتاعت الالنترا

العربيه زى السيتروين c4 القديمه تقريبا الفتيس متعدل و الماتور متعدل برضه لكن قطع غيارهم هتركب على بعض

العربيه الى هاتيجى هتبقى من اسبانيا - و هيبقى ليها مصنع بيجمعها فى الصين برضه فتوقع قطع غيار صينى اصليه ليها بجوار الاسبانى و الفرنساوى فهتبقى العمليه متوازنه شويه

بخصوص ان اول سنه ليها فى مصر دى حاجة تخوف بس العربيه تقفيل محترم و شركه مش قليله فى السوق و الماتور و الفتيس متجربين
قطع الغيار مش بالطريقه الى انت سامعها دى - انزل اسأل على السى 4 قطع غيارها بكام فى التوفيقيه و الحرفيين و اسـال على قطع غيار الالنترا الجديده اصلى و اصلى و هاتتصدم علما بان قطع غيار السى اليزيه هتكون ارخص

و شوف برضه صيانات غبور على كام الف و بكام و صيانات السيتروين على كام الف و بكام و عمر قطعه الغيار فى دى و فى دى

اعاده البيع هتكون تقيله شويه لو ما انتشرتش و شكلها هاتنتشر هى و البيجو 301 لان باقى الاسعار استعباط

بس انت على الاقل العربيه معاك 5 سنين و فى الفتره دى هيحصل تغيير كبير فى السوق
فشوف انت هتدفع كام فى العربيه و هتاخد ايه و صياناتها هاتتكلف كام فى التوكيل و كل قد ايه و انت بتمشى قد ايه و بتستهلك بنزين قد ايه

هتدفع كام فى 5 سنين و هتاخد بيهم ايه و لما تبيع هتبيع بكام

ممكن تدفع فى الالنترا مثلا 200 الف فى ال 5 سنين و تبيع ب 100
و تدفع فى السيتروين 150 و تبيع ب 80 يبقى كده السيتروين واقفه عليك اقل من الالنترا

اشكرك على الرد . بس انا عايز اسألك على حاجه - انا شايق انها الاليزيه هيا البيجو 301 بالظبط الفرق بس فى الشكل من بره فا انا شايف ان كا أسم اكيد بيجو اتقل وكمان الخدمه احسن فا الأحسن ان الواحد يستنى ال 301 لما تنزل فى شهر ابريل اللى جاى ويشتريها وهيكون سعرها من 100 الف لى 130 الف دى المعلومات اللى عرفتها من ناس شغاله فى بيجو فا أيه رأي حضرتك ؟؟

اشكرك على الرد . بس انا عايز اسألك على حاجه - انا شايق انها الاليزيه هيا البيجو 301 بالظبط الفرق بس فى الشكل من بره فا انا شايف ان كا أسم اكيد بيجو اتقل وكمان الخدمه احسن فا الأحسن ان الواحد يستنى ال 301 لما تنزل فى شهر ابريل اللى جاى ويشتريها وهيكون سعرها من 100 الف لى 130 الف دى المعلومات اللى عرفتها من ناس شغاله فى بيجو فا أيه رأي حضرتك ؟؟

المشاركة الأصلية كتبت بواسطة mohammed.helmy

اشكرك على الرد . بس انا عايز اسألك على حاجه - انا شايق انها الاليزيه هيا البيجو 301 بالظبط الفرق بس فى الشكل من بره فا انا شايف ان كا أسم اكيد بيجو اتقل وكمان الخدمه احسن فا الأحسن ان الواحد يستنى ال 301 لما تنزل فى شهر ابريل اللى جاى ويشتريها وهيكون سعرها من 100 الف لى 130 الف دى المعلومات اللى عرفتها من ناس شغاله فى بيجو فا أيه رأي حضرتك ؟؟

أنا رأيي المتواضع , استنى لما ال 301 تنزل و شوف سعرها
و شوف إنت هترتاح لمين أكتر

بس خد بالك إن الاسعار مش ثابتة خالص

المشاركة الأصلية كتبت بواسطة mohammed.helmy

اشكرك على الرد . بس انا عايز اسألك على حاجه - انا شايق انها الاليزيه هيا البيجو 301 بالظبط الفرق بس فى الشكل من بره فا انا شايف ان كا أسم اكيد بيجو اتقل وكمان الخدمه احسن فا الأحسن ان الواحد يستنى ال 301 لما تنزل فى شهر ابريل اللى جاى ويشتريها وهيكون سعرها من 100 الف لى 130 الف دى المعلومات اللى عرفتها من ناس شغاله فى بيجو فا أيه رأي حضرتك ؟؟

اللى أعرفه ان السيتروين فى فرنسا مكانتها زى المرسيدس فى ألمانيا و البيجو زى البى ام ، السيتروين من أكتر الماركات المظلومة فى السوق المصرى لصالح العربيات الكورى اللى هى أقل بكتير من ناحية الخامات و التكنولوجيا و عوامل الأمان و عمر المواتير كمان ، فسواء سيتروين أو بيجو الاتنين اختيار موفق و هتاخد أوبشنز باللى تدفعه ، على عكس الكورى اللى مش بتستفيد منه غير يوم ما تبيعه...

بجد انك تكون راكب عربيه فرنساوي صدقني دي في حد ذاتها تساهل فلوس فما بالك و ان الفرنساوي بيقدملك عربيتي الستروين سي الزيه و 301 بمكونات في رأي اكيد افضل من الكوري و الوكيل مش بيتعامل مع وسائل حمايتك و امانك على انها رفاهيه و يزودلك في سعرها زي ما غبور بيعمل , انا معايا اكسنت و بقالي حوالي سنه بدور على انسب عربيه اجيبها بعد الأكسنت و شوفت الأر بي و الصني الجديده بس بجد لما قعدت في الستورين الأحساس مختلف بتحسب انك راكب عربيه كل جنيه دفعته فيها له قيمه و الأكيد ال 301 هتكون بنفس الفخامه , توكل على الله و خلي تركيزك على عربيه من الأثنين دول و ربنا يسرلنا و يسرلك الأختيار الصح

المشاركة الأصلية كتبت بواسطة mohammed.helmy

اشكرك على الرد . بس انا عايز اسألك على حاجه - انا شايق انها الاليزيه هيا البيجو 301 بالظبط الفرق بس فى الشكل من بره فا انا شايف ان كا أسم اكيد بيجو اتقل وكمان الخدمه احسن فا الأحسن ان الواحد يستنى ال 301 لما تنزل فى شهر ابريل اللى جاى ويشتريها وهيكون سعرها من 100 الف لى 130 الف دى المعلومات اللى عرفتها من ناس شغاله فى بيجو فا أيه رأي حضرتك ؟؟

السيتروين و بيجو شركه واحده فى الاساس و هى psa تحالف بينهم يعنى زى الرينو و نيسان كده
و الفولكس و الاسكودا و الاودى و باقى المجموعه

بس السيتروين زى القطاع الرياضى للعربيات ( بس مش بتعمل عربيات رياضيه - بتعمل العربيات الفخمه و المريحه فى فرنسا و البيجو بتاعت العربيات العامه هناك )

طبعا اسم البيجو فى مصر احسن من سيتروين عشان البيجو 504 و طبعا من بعد العربيه دى و اسم البيجو فى النازل بس حاليا بعد ال 508 و ال 408 اسم بيجو بدأ يرجع تانى
بس العربيتين هما هما فى كل حاجة تقريبا الاختلاف هيبقى فى اوبشن او اتنين مثلا بين العربيتين

انا حجزت الاليزيه بس الناس بتخوفني من قطع الغيار ونزول الاسعار عند البيع مع العلم انه كان معايا اوبل فيكترا 2008 وهل في فرق بين الاتنين وجزاكم الله خيرا