الموضوع: أخيييييراً تم تغيير طقم الكاوتش لميجي الحبيبة

المشاركة الأصلية كتبت بواسطة mohammedaladel

هى غطيان البلف بتتباع كمان هههههههه والصنايعيية بياخدوها !!!!!!!!!

عندى هنا الصنايعى يفكها ويرمى على طول ..... بس لو رحت ازود من عند أى حد باخد غطا البلف ببلاش

حضرتك أنا مرة سألت الراجل قالي الواحد بـ 50 قرش :d
بصيتله بصة وحشة ومشيت بصراحة :))

اولا الف مبروك ,ثانيا عن تجربة الكوتش طري و نضيف جدا و مالوش صوت بس خد بالك من الجوانب ضعيفة شوية يعني لو خبطة بجنب الكوتش في رصيف بيطلع كورة هواء في الجنب عالطول و في المستقبل انشاء الله انصح بالبريدجستون كل المميزات السابقة موجودة بلااضافة الي الجوانب بتستحمل اكتر بكتير .بالنسبة للسعر ممكن تسأل عند اولاد بيومي اللي تحت كوبري الدقي بجوار جاد في شارع التحريرانا كنت لسه جايب فردة بدل اللي طلعت كورة من عنده قريب كانت نفس المقاس 16 -205 -بس كانت ال wالماني بريميم برضه ب 600 و الw ده المفروض انه اعلي من v

المشاركة الأصلية كتبت بواسطة mohamedbook

انا مقاس كوتشي 195 /15/65
فيه واحد في وادي النيل المتفعرع من جامعة الدول عنده
الجودير الالماني سعر الفرده 470
والكونتانينتل الالماني سعر الفرده 470
والبردجستون فرنساوي سرعة v سعرة الفرده 500
اما التريخ الاسبوع ال 29 سنة 2012
انا الحقيقة شريت البرجستون
بس الي مستغربلة اني اول مرة اشوف بردجستون فرنساوي
الي بلقية في السوق بيكون اما ياباني او تايلاندي

انا ان شاء الله ناوى اغير الكاوتش قريب اوى يعنى، بس انا اول مره اعرف موضوع البريدجستون الفرنساوى ده!! و كمان الفرده ب500 جم بس!! السعر ده مش قليل شويه؟ هى الموديل بتاعها ايه؟

انا لسه قافل مع fit & fix دلوقتى، قالى ان الفرده التورانزا اليابانى ال R15 195/65 عامله 706 بالتركيب و الترصيص، بسألوا فيه بريدجستون فرنساوى قالى كان فيه زمان بس معدش بينزل و كان ال run flat بس

بعد مكالمة مع فرع تانى من fit & fix قالى ان البريدجستون الفرنساوى ده مش تبعهم و ان هو متهرب و بالتالى لو حصل فيه حاجه مالوش ضمان، انا بصراحه شايف ان موضوع الضمان ده مالوش اى 30 لازمه و المهم ان الفرده مش مضروبه و خاصة ان سعرها ممتاز جدا، ايه رأيكم يا جماعه؟ متفقين معايا و لا فعلا الضمان مهم؟

انا مركب من اكثر من 7 شهور r15 195/65 بريدجستون يابانى من رضا اللى فى مدينة نصر بس بجد ما اشاء الله كاوتش تمنه فيه سواء فى السفر او داخل البلد