الموضوع: بالصورة خش إعرف معنى فوكس Focus

المشاركة الأصلية كتبت بواسطة sameh

يا جماعة
الناس اللى بتصور دخلت بين الفوكاس والديبث اوف فيلد
انا مش هتكلم عن الديبث اوف فيلد دلوقتى عشان هعمله موضوع منفصل
انما كلمة بين قوسين كدة ، لو العزل بين العنصرين بالفوكاس هتشوفوا زى الصورتين اللى فوق مرة يبقا عنصر واحد ظاهر والتانى مشتت والمرة التانية العكس يتبادلوا الادوار ، انما لو العزل بالديبث اوف فيلد كان هيبقا فيه صورة فيها عنصر واحد واضح والتانى مشتت والصورة التانية فيها العنصرين واضحين ، فكروا فيها كدة وخلوها على جنب لما يجى وقتها
خلينا بقا نكمل كلام عن الفوكاس

كلام مظبوط و عشان كده قلت لحضرتك تقول على الاعدادات عشان الناس ما يطلعش ليها حاجه تانيه كانها بتصور لاند سكيب مثلا و انا مثلا ممكن اكون عارف بس بدي المناقشه نوع معين من الاسئله عشان الناس تستفيد من حضرتك بالكامل

المشاركة الأصلية كتبت بواسطة hany63

كلام مظبوط و عشان كده قلت لحضرتك تقول على الاعدادات عشان الناس ما يطلعش ليها حاجه تانيه كانها بتصور لاند سكيب مثلا و انا مثلا ممكن اكون عارف بس بدي المناقشه نوع معين من الاسئله عشان الناس تستفيد من حضرتك بالكامل

تمام يا جميل
الله ينور

المشاركة الأصلية كتبت بواسطة MaZaGAngeE

الكاميرا : Panasonic DMC FH1
12 mega
5x optical zoom

جربت النص ضغطة و معملش حاجة معايا
ممكن تقولي اعمل كده ازاي ؟

دورت على الكاميرا بتاعتك هى مافيهاش مانيوال فوكاس
عموماً الكاميرات البوينت اند شوت اللى فيها مانيوال كنترول كامل محدودة شوية
عندك أمثلة فى اللينك ده
Top 10 Point-and-Shoot Cameras With Manual Controls | PCWorld
الطريقة بتاعت نص ضغطة ، انت بتحاول تخدع الكاميرا ، معظم الكاميرات دى بتعمل اتوفوكاس لما تدوس نص ضغطة وبعدين تلقط لما تكمل الزرار للآخر ، وفيه بعضها بتضغط ضغطة واحدة وهى تعمل الفوكاس وتسجل الصورة ورا بعض ما تقدرش تفصلهم عن بعض
لازم نعترف إن فيه حاجات من اللى هنتكلم فيها للأسف مش هينفع تتعمل غير بكاميرا DSLR أو كاميرا سيمى برو على الأقل
إن شاء الله هركز الفترة اللى جاية على مواضيع يقدر يستفيد منها كل الناس حتى اللى بيصور بموبايل