الموضوع: زيت الفتيس

المشاركة الأصلية كتبت بواسطة amr axel

لو بتكلم ع فتيس مانيوال
من الانواع الكويسة فالفولين و شل اهم حاجة لو الفتيس سليم مفيهوش اي مشاكل حط لزوجة 90
بيتغير ع حسب الكتالوج لكن غالبا بيكون كل 20-30 الف و بيكون ع فترات متقاربة بالشكل ده لأن مفيش فلتر زي الاوتو
لما تيجي تعبي زيت فتيس متحطش من الاسطوانة البرتقالي اللي عاملة زي الطرمبة لأن اماكن كتيير بيحطوا فيها اي زيت و خلاص مع شحم و ده شوفته بنفسي و يقولك زيت 90 او 140 و ساعات مبيحطش زيت و يقولك انا حطيت و يقولك الزيت ناقص و ده غير صحيح لأن الزيت لو نقص بيعني ان فيه تسريب
و بالتالي تملي من جيركن زيت متبرشم سواء بقمع فيه خرطوم او بالرداخ و ده عبارة عن قمع راكب ع 3 او 4 رجول و واصل بيه خرطوم
و يحط ع حسب عدد الليترات اللي بياخدها الفتيس طبقا للدليل يعني لو الفتيس بياخد لترين و نص حط لترين و نص بالظبط حتي لو حط ايديه و لقي ان الزيت مش مليان ع الاخر لأن فيه اماكن بتبعي لحد ما الزيت يقع من الطبة فمتخليش حد يفتي عليك زيادة الزيت او نقصانه عن المستوي المطلوب غلط ع الفتيس

المشكله انك قولت كل حاجه ... طب اقول ايه :))
بس الطبه بتاعه المقاس بتاخد علي قد ما مكتوب في الكتالوج ... يعني عندي في الكورسا مكتوب 1.8 ك .... فعلا خد جركن 1 ك و الجركن التاني فاضل فيه حبه صغيرين ... الطبه نزلت

جركن شيل 1 ك 80-90 ب 24 ج من بنزينه شيل الطيران

معرفش فتيس الكورسا 94 كام كيلو ... بس عشان تنزله شوف انت عندك طبه تحت الفتيس و لا لا ..
لو في طبه يبقي هتنزله عادي ... لو مفيش طبه يبقي هتفك كارتيره الفتيس ( 10 مسامير علي ما اتذكر ) و تنزل الزيت و تجيب جوان كارتيره جديد ... بس هاته جرنجريت مش فل عشان ميضربش من الحراره ...
لو ملقتش جاهز خد معاك الكارتيره و روح لاي حد بتاع جوانان هيعملهولك في ساعتها ..
بس مهم جدا متفكش الكارتيره و الفتيس سخن ,, عشان ميفقعش ,,, عشان زعله الفتيس وحشه
بالنسبه لطبه الفتيس هتلاقيها جنب الفتيس من الناحيه عكس ناحيه الموتور ...ارتفاعها مش هيزيد عن 3 ل 5 سم فوق الكارتيره