السلام عليكم يا رجالة ,,,
العربية موديل 97 ,, تقريبا كل حاجة فها بايظه ,, و النبى لو حد يعرف كهربائى محترم و ميكانيكى محترم يقولى , انا ساكن فى العبور .
انا اخر حاجة عملتها فى العربية غيرت شورت بلوك و ظبطت الكاربريتير .
و دلوقتى الكهربا بتاعتها ضايعةةةةةةةةةةةةةة
المشاكل اللى عندى كالاتى :
1- الفوجات شغالة بزرار جنب الدراكسيون .. اللى قريتو هنا انها ليها زرار فى الوسط
2- زرار الفوجات ساح و انا النها ردة عرفت افكو من المشاركة اللى كانت متصورة بأسم العضو - منسى ( شكراا ) .بس لسة عايز اشترية
3 النور و الفوجات لازم يشتغلو مع بعض !!!!! و زرار النور على الشمال جنب الفوج برضو .
4- النور بتاع الطابلوة فى الضياع .
5- حوض العربية كلو اسلاك عريانة و داخلة فى بعض و ساعات بيعملو قفلة .غير كدة ان فى المطرة لو شوية مية جت على الكتاوت العربية تقف لحد متنشف .
6- المروحة ساعات تشتغل و متفصلش خالصصصصصصص ( المروحة مش بتاعت العربية بس كانت شغالة زى الفل اعتقد دة ثرموستات )
7- تانك البنزين لما افول بيندلق بتاع 10 لتر مثلا على الارض , و انا عرفت من هنا ان دة الخرطوم .
8- لازم الاقى بقعة زيت من الفتيس بعد كل ركنة ( لما سألت قالولى انها ملهاش حل او تقريبا مكلفة اوى فسيبك منها )
دة غير بقى انى عايز اشترى طعم فوانيس امامى كاملة و مرايات و المروحة الاصلى و العدادات طبعا قصة تانية - الار بى ام مش شغال و تقريبا العوامة بتهيس .
و لسة عايز اظبط الات الجر كلها . لان طول منا دايس بنزين سامع صوت نعرة الكبالن - كأنى راكب 132
اشتغلت مع الاسطى سعيد اسكودا اللى فى النزهة ,, تمام بس تقريبا مش بيوطى , لما قولتلو على التنك قعد يتحجج عرفت ان كل شغلو و هو واقف مبينزلش تحت العربيات .
و اشتغلت برضو مع حد فى السابع كهربائى كان كويس فى الحاجات الخفيفة
فياريييييييييييت لو حد مجرب ميكانيكى و كهربائى كويسين يدلنى ..
و شكرااااااااااا
المفضلات