حكايتي مع بنزين 80

**Ayman_Abdullah** · 28-07-2008 11:28 AM

هههههههههههههه
الحمد لله انى بعت العربية من شهر مارس اللى فات وزى مايكون توقعاتى طلعت صح
كان الله فى عونك

**Noha.M** · 28-07-2008 12:55 PM

يا خبر ابيض !!
ضحكتنى بجد موووت يعني !!

طالع رحلة عشان تحط بنزين يعني ؟! هيهيهيهيهيهي

**Migo123** · 28-07-2008 03:15 PM

المشاركة الأصلية كتبت بواسطة Noha-M

يا خبر ابيض !!
ضحكتنى بجد موووت يعني !!
طالع رحلة عشان تحط بنزين يعني ؟! هيهيهيهيهيهي

هم يضحك وهم يبكي
انا شفت الطابور ده بكل تفاصيله اللي انت حكيت عليها في القاهره في بنزينه في صلاح سالم بعد الفسطاط والطابور بيبتدي من مدخل حديقة الفسطاط لغايه البنزينه (حوالي 1.5-2 كيلو).... ساعتها مفهمتش الناس دي واقفه كده ليه

ربنا يكون في عون الناس دي
اكيد مش واقف الوقفه دي بمزاجه
الا لو كان الفرق بين سعر 80 و 90 هيمثل بالنسبه له قيمه كبيره
ربنا يغنيهم ويغنينا بالحلال ان شاء الله

**Noha.M** · 28-07-2008 03:20 PM

المشاركة الأصلية كتبت بواسطة Migo123

الا لو كان الفرق بين سعر 80 و 90 هيمثل بالنسبه له قيمه كبيره
ربنا يغنيهم ويغنينا بالحلال ان شاء الله

فعلا والله

ربنا يصبرهم كمان :)

**mo7amed_omara** · 28-07-2008 04:07 PM

المشاركة الأصلية كتبت بواسطة mohamed2002

طيب يا جماعة يا ريت كل يعرف بنزينة فيها 80 يتفضل يقولها بس فس الاسكندرية بس
في بنزينة مصر للبترول دي عند سينما المنتزة علي البحر
بنزينة امارات مصر ودي في المكس تقريبا ودي ممتازة
بنزينة التعاون اللي بعد استاد حرس الحدود
وكل واحد حيضيف بنزينة يا ريت يقتبس الاماكن اللي قالها الاعضاء السابقين

و فية كمان بنزينة مصر للبترول عند مدخل المعمورة الشاطى
و بنزينة موبيل فى طريق الاصلاح امام بوابة المعمورة الشاطى

**mo7amed_omara** · 28-07-2008 04:12 PM

انا مرة واحدة حطيت بنزين فى عربية لادا روسى 85 حسيت ان العربية مش بتسحب و تقيلة خالص مش عارف لية رحت رجعت تانى لبنزين 90 و من سعتها مش باحط 80 تانى
بس انت فى اللادا عندك بنزين 80 كويس يعنى فى سحب العربية و كدة يعنى ؟؟؟؟

**thegoodhacker** · 28-07-2008 05:02 PM

المشاركة الأصلية كتبت بواسطة mohamed2002

طيب يا جماعة يا ريت كل يعرف بنزينة فيها 80 يتفضل يقولها بس فس الاسكندرية بس
في بنزينة مصر للبترول دي عند سينما المنتزة علي البحر
بنزينة امارات مصر ودي في المكس تقريبا ودي ممتازة
بنزينة التعاون اللي بعد استاد حرس الحدود
وكل واحد حيضيف بنزينة يا ريت يقتبس الاماكن اللي قالها الاعضاء السابقين

اسمحلي اضيف بس للاسف مش عارف اسماء المحطات
محطة البنزين اللي علي اول شارع الجواهر بعد كوبري الابراهيمية علطول و انت رايح علي سموحة
محطة البنزين اللي علي شارع ابوقير بجانب اشارة مرور الابراهيمية
محطة البنزين اللي قدام نادي سبورتنج علي شارع ابوقير
محطة البنزين اللي في سموحة في شارع فيكتور عمانويل قدام بنك القاهرة

**mig44n** · 28-07-2008 07:21 PM

والله الواحد تعب من موضوع ال 80 ده وياجماعه والله والله فى مليون حل منهم:-
1-سعر البنزين 80 يوصل الى جنيه وربع او جنيه وريال وسعر البنزين 90 ينزل الى سعر جنيه ونصف.
وبكده يبقى الفرق بينهم 30 قرش (الموضوع ده هيخفف الضغط على بنزين 80 ويخلى الناس ترجع تانى لبنزين 90 الى هو افضل طبعا)
(فى نفس الوقت الحكومه لسه مستفيده بمعن انا البنزين ال 80 غلى 25 قرش وده هيعوض انخفاض سعر بنزين 90 الى جنيه ونصف من جنيه 75)
يعنى مشروع الحكومه لتخفيض الدعم لسه موجود مع تقليل الاعباء وتوزيعها على المواطنين

2-توزيع بنزين 80 للسيارات محدودين الدخل عن طريق بطايق تموينية مخصوصه للبنزين (باتباع طريقة الحصص اليومية بمعن ان لكل سيارة حصة يومية من البنزين 80 واذا اردت ان تحصل على بنزين 90 فابلطبع بدون بطاقه تموينية)
الطريقه متبعه فى ايران وبعض الدول الاخرى....

3-فرض قانون يلزم سيارات التاكسى بالتحويل الى الغاز الطبيعى وتقديم التسهيلات المناسبه لمساعده مالكى سيارات التاكسى على التحويل الى الغاز الطبيعى.....

4-بالطبع تشديد الرقابه على محطات التزود بالوقود ومنع الاحتكار.....

**SHNORY** · 28-07-2008 07:27 PM

المشاركة الأصلية كتبت بواسطة mo7amed_omara

انا مرة واحدة حطيت بنزين فى عربية لادا روسى 85 حسيت ان العربية مش بتسحب و تقيلة خالص مش عارف لية رحت رجعت تانى لبنزين 90 و من سعتها مش باحط 80 تانى
بس انت فى اللادا عندك بنزين 80 كويس يعنى فى سحب العربية و كدة يعنى ؟؟؟؟

والله يا باشا هو سحب العربيه معقول بس فيه مشاكل ميكانيكيه بعيده عن نظام البنزين (اسطوانه وديسك تقريبا)
وبالبنزين ال 80 جيبت بيها مره 130 مرتاح بس طبعا مع الكبس العربيه بتصقف وغير كده العربيه اخرها 110