الموضوع: حكايتي مع بنزين 80

المشاركة الأصلية كتبت بواسطة Migo123

هم يضحك وهم يبكي
انا شفت الطابور ده بكل تفاصيله اللي انت حكيت عليها في القاهره في بنزينه في صلاح سالم بعد الفسطاط والطابور بيبتدي من مدخل حديقة الفسطاط لغايه البنزينه (حوالي 1.5-2 كيلو).... ساعتها مفهمتش الناس دي واقفه كده ليه

ربنا يكون في عون الناس دي
اكيد مش واقف الوقفه دي بمزاجه
الا لو كان الفرق بين سعر 80 و 90 هيمثل بالنسبه له قيمه كبيره
ربنا يغنيهم ويغنينا بالحلال ان شاء الله

بصراحة الفرق مشجع ,الضعف بالظبط وخصوصا ان كانت العربية اللي معاك ينفع معاها 80,انا ساكن جمب البنزينة عدل فاول لما الاقي االعربيات بدات تكتر اعرف ان ال 80 وصل ولما بكون ماشي والبنزين قرب يخلص بحط 10 بنزين 90 وكلة يبقي تمام

المشاركة الأصلية كتبت بواسطة mo7amed_omara

و فية كمان بنزينة مصر للبترول عند مدخل المعمورة الشاطى
و بنزينة موبيل فى طريق الاصلاح امام بوابة المعمورة الشاطى

شكرا استاذ محمد علي الايضاح

المشاركة الأصلية كتبت بواسطة mo7amed_omara

انا مرة واحدة حطيت بنزين فى عربية لادا روسى 85 حسيت ان العربية مش بتسحب و تقيلة خالص مش عارف لية رحت رجعت تانى لبنزين 90 و من سعتها مش باحط 80 تانى
بس انت فى اللادا عندك بنزين 80 كويس يعنى فى سحب العربية و كدة يعنى ؟؟؟؟

اكيد طبعا في فرق سحب ال90 اكيد افضل لكن ال 80 مش سيئ للادا ,انا بفول 80 واحيانا 90 بجيب بالعربية 140 عادي !:)

المشاركة الأصلية كتبت بواسطة thegoodhacker

اسمحلي اضيف بس للاسف مش عارف اسماء المحطات
محطة البنزين اللي علي اول شارع الجواهر بعد كوبري الابراهيمية علطول و انت رايح علي سموحة
محطة البنزين اللي علي شارع ابوقير بجانب اشارة مرور الابراهيمية
محطة البنزين اللي قدام نادي سبورتنج علي شارع ابوقير
محطة البنزين اللي في سموحة في شارع فيكتور عمانويل قدام بنك القاهرة

تمام حلوة روح التعاون دي :)

المشاركة الأصلية كتبت بواسطة mig44n

والله الواحد تعب من موضوع ال 80 ده وياجماعه والله والله فى مليون حل منهم:-
1-سعر البنزين 80 يوصل الى جنيه وربع او جنيه وريال وسعر البنزين 90 ينزل الى سعر جنيه ونصف.
وبكده يبقى الفرق بينهم 30 قرش (الموضوع ده هيخفف الضغط على بنزين 80 ويخلى الناس ترجع تانى لبنزين 90 الى هو افضل طبعا)
(فى نفس الوقت الحكومه لسه مستفيده بمعن انا البنزين ال 80 غلى 25 قرش وده هيعوض انخفاض سعر بنزين 90 الى جنيه ونصف من جنيه 75)
يعنى مشروع الحكومه لتخفيض الدعم لسه موجود مع تقليل الاعباء وتوزيعها على المواطنين

2-توزيع بنزين 80 للسيارات محدودين الدخل عن طريق بطايق تموينية مخصوصه للبنزين (باتباع طريقة الحصص اليومية بمعن ان لكل سيارة حصة يومية من البنزين 80 واذا اردت ان تحصل على بنزين 90 فابلطبع بدون بطاقه تموينية)
الطريقه متبعه فى ايران وبعض الدول الاخرى....

3-فرض قانون يلزم سيارات التاكسى بالتحويل الى الغاز الطبيعى وتقديم التسهيلات المناسبه لمساعده مالكى سيارات التاكسى على التحويل الى الغاز الطبيعى.....

4-بالطبع تشديد الرقابه على محطات التزود بالوقود ومنع الاحتكار.....

1 تعليقا علي كلامك الحكومة لما جت غلت البنزين قالت لا مساس بمحدودي الدخل احنا حنسيب ال 80 وحنغلي ال 90 وال 92 بتاع الناس اللي راكبة عربيات فارهة ! واهو ال 80 مختفي وبيقل ,انا شايف انهم يخلوه ب 1.25 وال 90 ب 1.50 مع اني اعتقد مستحيل تنزل ال 90
2اعتقد ان الطريقة دي مش لطيفة ينزلو ال 90 ويعلو 80 ويخلو الفرق بسيط لكن بطايق وكلام من دة حيبقي ال 80 مياه مخلل
3التاكسي ولع تصدق تاكسي من كليوباترا لسموحة عاوز 20 جنية!!!!! اصل البنزين غلي يا بية وانا بحط 90:)
4بالنسبة للرقابة احنا عندنا حكومة واخدة الايزو في الرقابة والمراجعة :)

اللي يغيظ يا جماعه اني بشوف واللهي ماتريكس ونوبيرا وبيحط 80! طيب دة اية؟ اكيد مش بتاعته اكيدددددددددد
دي البنزينات اللي فيها 80 وياريت اللي يضيف يا رجالة يقتبس المشاركات السابقة

في بنزينة مصر للبترول دي عند سينما المنتزة علي البحر
بنزينة امارات مصر ودي في المكس تقريبا ودي ممتازة
بنزينة التعاون اللي بعد استاد حرس الحدود
محطة البنزين اللي علي اول شارع الجواهر بعد كوبري الابراهيمية علطول و انت رايح علي سموحة
محطة البنزين اللي علي شارع ابوقير بجانب اشارة مرور الابراهيمية
محطة البنزين اللي قدام نادي سبورتنج علي شارع ابوقير
محطة البنزين اللي في سموحة في شارع فيكتور عمانويل قدام بنك القاهرة
و فية كمان بنزينة مصر للبترول عند مدخل المعمورة الشاطى
و بنزينة موبيل فى طريق الاصلاح امام بوابة المعمورة الشاطى

كل ده بيحصل واكتر كمان
انتا كده محكتش عن العراك بقى والسيوف والمطاوى

وبرده للافادة لشباب اسكندرية فى 3 بنزينات بيكون فيهم دايما 80
عند الوكالة بتاعة الفاكهة والخضار من على الترعة كده
شل وبعدها تعاون وبعدها موبيل