الموضوع: الحج قنديل هيأجل الغاء الدعم

واللهي يا عنايات يا عزيزتي. علمي علمك
البلد بجد وصلت لمرحلت ( كش ملك ، او زي مالدومنة كده ما تقفل ). يبقى لازم نفرمط ونعيد من جديد دور تاني وفورة تانية. ... احنا بجد مش محتاجين لوزير او رئيس ولا حتى قرض من البنك الدولي احنا محتاجين معجززززززززة. من رب العالمين لانقاذ الوضع في مصر ... ومفيش حاجة بعيدة عن ربنا. مش يمكن حد في قليوب وهو جي يضرب طرومبة مية تحت بيتهم يقوم يطلعوا مية سودة يفتكرها مية مجاري وتطلع في نهاية بير بتروووول كل شيء جايزز بس بجد احنا محتاجين معجززة لانقاظ البلد مش محتاجين مظاهرات ولا اعتصمات. ، وانا بجد مستغرب ازاي الرئيس لحد النهاردة واقف صامد انا لو منو كنت رميتهالهم يشبعوا بيها.

وصدقيني لو البلد دي كان فيها الخير مكنش رماها الطير .... يعني تصوري طلع الرئيس بكرة واعلن ان البلد مفلسة علشان الناس تنبط وتقعد في بيوتها. هتلاقي اخر مستثمرين عندنا. خدوا بعضهم وقالوا يا فكيككككككككك وهيحصل قلبان في البورصة وفي السوق المحلية ... ومع ذلك لسه الناس عمالة تتظاهر وعملين يتخانقوا ويقتلوا في بعض ومفيش حد عاوز يهمدددددددد لحد مانعرف نلم حلنا وترجع توقف البلد على رجليها انتي تعالي كده اخطفي رجليكي لقسم الشارع المصري. هتلاقيهم نازلين. خناق في بعض ومحدش بيفكر ابداً في الوضع الاقتصادي بتاع البلد .... افتحي القنوات الفضائية وشوفي التشكيك والتخوين وقلة ادب في قلة ادب. ويقلك اصل دول النخبة. نخبت مين والناس نايمين اذا النخبة بالمناظر دي وبالفكر العقيم ده امال رجل الشارع هيبقى شكلو ايه. وربنا يستر علينا وعليكم وعلى بلدنا ... وانا من رأيي كل واحد من بكرة يبتدي يدور ويحفر قدام بيتهم كده. مين عارف مش يمكن يلاقي بترول تحت بيتهم هههههههههههههه

بجد جد كل واحد يفكر كده لو مكان الحكومة. هيجيب فلوس منين !!!
وهل في دولة عاقلة ولا بنك محترم او حتى نص لبة هيرضى يسلف بلد كل يوم فيها مظاهرة !
ولمن الناس كل شوية تهجم على اقسام الشرطة فكروا كده مين بعد كده هيحمينا ؟؟
فكرو كده في العسكري الغلبان الي بيطلع عينوا علشان اخر الشهر ٢٢٥ جنية ! هل المبلغ ده يستاهل انكوا تحدفوا بالطوب والشماريخ ويضحي بحياتوا علشانوا !

هل جزاء الناس الي بتحمينا. ان عيالنا تروح تعمل فيهم الي حصل ده !!!!
هنجيب منين بعد كده ناس تحمينا ؟ وفين الفلوس الي هنجيب بيها !!

ولسه كل مالفقر يزيد اكتر كل مالناس هتهيج اكتر وكل مالحجات هتغلى اكتر واكتر .... الحل الوحيد هو نسيب الناس المنتخبة تشوف شغلها لانها مش كيكة ولا تورته هنقسمها سوى ، ومش كل واحد طلعلي على التلفزيون نقوم نصدقوا ... المذيع شغلانتوا ان تبقى حلقتوا نار ويشعلل الجماهير علشان الناس تتفرج. ويبقى مشهووور . ( اكل عيشوا كده ) بس احنا فييييييين اكل عيشنا !

لذلك بنصح كل اخواتي واشقائي بلاش مظاهرات بلاش اعتصمات بلاش خلووو الناس تشتغل بقه والبلد تهدى علشان نفكر هنجيب فلوس منين ولا ايه ! واذا فرضت الحكومة. ضرايب او رفعت الدعم عن سلعة بلاش نهيج ونتذمر خلونا ايد بايد لغايت ما تمر الازمة الاقتصادية دي على خير باذن الله ومش هقدر اقول غير الطف بينا يارب . ويارب وفق ؤولي الامر منا واصلح حال شبابنا قادر يا كريم .حتى ينصلح حال البلد . وتحياتي