السلام عليكم ..
انا الحمد لله استلمت الصني من حوالي اسبوع و مكنتش عارف اعمل التقرير نظرا لحالة الارتباك اللي كنت فيها و الترخيص وكدة اكيد انتم عارفين هيبة الزيرو ..
الاستلام كان من عند احمد مرعي فرع سيدي جابر و بصراحة ناس ذوق علي الاخر وسلموني في اسبوع واحد و بالسعر الرسمي كمان - وطبعا احمد مرعي ليهم مركز صيانة معتمد جمب جرين بلازا اول الطريق الزراعي اسكندرية و انا رحت انهاردة استلم الضمان من المركز ناس ذووق اوي بصراحة - المهم انا انطباعاتي الاولية عن العربية كالاتي
1- اولا هي فعلا قيمة مقابل الفلوس اللي ادفعت فيها و انا بجد راضي عنها تماما
2- العربية ناعمة جدا جدا و ثابته علي الطريق
3- واسعة بشكل كبير جدا و خصوصا الكنبة الخلفية
4- فرامل فوق الممتازة ABS -EBD-BA ما شاء الله
5- الموتور بصراحة صوته عالي سنة
اخر حاجة بقي الفيتيس وهنا بقي انا في حاجة محيراني و مش عارف ده العادي بتاع الصني ولا لأ
الفيتيس لما بجيبة من d لل R بحس بالنقلة وبسمع صوت كدة خفيف زي تكة فهل ده طبيعي ولا انا عندي مشكلة
-علي فكرة انا استلمت العربية عاملة 20 ك فقط
يا رب يكون التقرير المتواضع ده عجبكم و ان شاء الله اعملكم تقرير ال1000 بإذن الله
المفضلات